Read Sangtam Naga HOSEA 13 Bible Online

HOSEA 13 - Sangtam Naga bible

HOSEA 13

¹Atsicho la Efraim hungnü chode, aparü Israel hungnü dro licho; arühnü Efraim chah du dhengcho. Ta müyurünü Baal mübücho, hütsü ngang arüh sünung.

²Ade yingcheh arühnü mübünung kyothri idhsenü, taripinü nyitsarü lümchonü akhehnü trüpthri külüp amünyi shitpahre. Hütsüpü arühnü “Kangmübü jüng,” pü yore. Misüpung kyothri chah nyitsarünü khüta müthsüpnung?

³Hütsünü hiri nyitsarü anyangnyü yingthsa ko yingkih kyo changpehnung. Pungkhyang la nyübongnü fopehba mayü ko mikhu tsiji la mikhu kyonung.

⁴ABÜDONGBAnü yore, “Ih nührü Ijip lanü nüchehba ABÜDONGBA Tsingrang lile. Nührü I chah khu apa Tsingrang müle. Nührü khümchorü tsü Ih du.

⁵Ihnü lihpi akungse la nührü xükümcho.

⁶Ta khode nührü alih asu la zürocho, nührü thangchi ko longnyüpcho, hütsüpü nührünü Ih nbücho müthseh kangcho.

⁷Hütsüeko Ihnü kangdinü kyo nührü benung. Khünyingnü kyo nü lang la jümnung.

⁸Aza chahcho shühmünü kyo Ihnü nührü benung, ko nührü rehnahnung. Kangdinü kyo Ihnü hütsü lanü nührü changsohnung, ko rangmü kanglungrünü kyo zangzang rehnahnung.

⁹“Ihnü nührü changjünung, Israelrü! Hütsüde sünü nührü tronung?

¹⁰Nührünü yangthsarü ko anüchirü chingcho, ta arühnü khüta yanglih tsü khümchonung?

¹¹I zichüro nührü khyang yangthsarü jücho, ko rihlong chüro arüh khyümüicho.

¹²“Israelrü münyi ko thsamehcho tsü thrahbülung lile, ko athrahcho tsü tsa riki lile.

¹³Israel akang linung lang lile, ta akhunga suronungde atpa mi lanü müchüronyücho kyo, hütsü khyünung mongdongle.

¹⁴Ihnü hiri nyitsarü asü lih lanü mahkhang asü zii lanü mükhümchonung. Asüba! nüh arümra hirung! Asü lih! Nüh achangba hirung. Adelü Ihnü hiri nyitsarü mümüinung.

¹⁵Israelrü za kyo zinye, Ihnü lipilih lanü nyüchürolang nyübong adhsa müthehnung, ko kihna ko kihkong kungchehsohnung. Hütsünü lüpcho hitsinung.

¹⁶Ih nyümcho ngang Samaria khingchinung. Amüyurüti rothsa la sünung; arüh tsurüti alih la lahsehnung, ko longla hirüti xaphohjünung.”