Read Sangtam Naga HOSEA 7 Bible Online

HOSEA 7 - Sangtam Naga bible

HOSEA 7

¹“Ihnü I müyurü Israelrü kyangjo thali müwajünungde, Ihnü arüh mütsa ko amünyi nguchi du ngure. Arüh khüdunü khüdu thsüyohchütare; kuh rohphoh führe; ko arühnü yanglong la mii bürü yo kengcho khyüre.

²Ihnü amünyi hiri apüm lümchehnungepü arüh thoh la müzürore; ta amünyinü arüh bhümtiko, ko hütsüri Ihnü müngupü linung mükoh.”

³ABÜDONGBAnü yore, “Müyurünü Yangthsaba ko abi pohki adirüti arüh rah amütsanü thsüyohchüre.

⁴Arüh atümung athsüyohchürü ko yocho münyirü. Arüh thrünyitaba tsü hümthse külüprünü aruhnung hüm tsü münyangde ta la michang mütsangyohcho kyole.

⁵Yangthsaba kuhla thsüti khyüde, arühnü Yangthsaba ko abi pohki adirüti yongkhanü müchasoh dohsohre.

⁶Ho, arühnü arüh rah tsünü taphi la kyo tahre. Müyüp arüh zichüro müsi tsübümre, ko anyangnyü hütsü michang roh-i tsohphohre.

⁷“Arüh rihlongnü longdhridhri arüh yangthsarü mapsehre. Arüh yangthsarüti khüdu khanglang khüdu mapsehre, ta sünüsü I te arüku nengdang mükihchire.”

⁸ABÜDONGBAnü yore, “Israelrü tsü aruhmüphohcho hümthse kyole. Arühnü arüh mükangmüshü yucho chah ngakehre

⁹ko shuparü tsünü arüh tase du khyüjürepü arühnü mülümchehre. Arüh nyümongti changka rore, ta hütsü mii arühnü mümüdhe.

¹⁰Israelrü hongziba tsünü arühbürü nyüm züdere. Hidoi tikeh nye, arühnü ABÜDONGBA arüh Tsingrang müyangchire.

¹¹Israel tsü athoh müzeh kuh-mümüdhrü kyole; akhu Ijiprü yang wücho hütsüpü arühnü Assyria yang shangcho.

¹²Ta uza roh-i Ihnü arüh tsiyade phati rangnung. Arüh münyi ngang Ihnü arüh khingchinung.

¹³“Arüh ahohah! Arühnü Ih pehjüko ko Ih nyüm yako. Arüh changjünung. Ihnü arüh khümchonyücho, ta arühnü Ih mübüba tsü arahkheh.

¹⁴Arühnü lasih lanü I te müdangkhidangnang, ta arühnü chongnong chah chichi trare. Arühnü tsang ko yongkha nengdang kihchide müyudsirü kyo arühbürü fü tsehnahre. Arüh khüta anyümrü!

¹⁵Ihnü arüh nümüsu rezehsohnye, arühnü Ih nyüm yare.

¹⁶Arühnü mütozah I tenü za tase müliba tsingrang yang ximülare. Akureng singthsalu kyo arüh chah longlangnung müle. Arüh langnürütinü hongzi chochonü arüh shühkhatoh sünung ko Ijiprünü münyodhengnung.”