Read Sangtam Naga JONA 3 Bible Online

JONA 3 - Sangtam Naga bible

JONA 3

¹Anyüpiu ABÜDONGBAnü Jona te yocho.

²“Nineve yangdi lang wüng ko nyitsarüti te Ihnü nü te yoba yusi tsü sobhoung.”

³Achotsü Jonanü ABÜDONGBA yochonyi nyümong asang khyo lahkhuba Nineve yangdi lang tsü wücho.

⁴Jonanü yangdi la tsü mükhyang tseh züdupü züdecho, “Nyümong yüre kahla Tsingrangbanü Nineve changsohnung.”

⁵Nineverünü Tsingrangba yusi chah yudsicho. Hütsünü arühnü nyitsarü atümung adiuba chahnü azauba chii, arüh lasih thsamülacho amüdhethsa müyahshü müpipü kongnung dhrongchehcho.

⁶Nineve Yangthsabanü hütsü yuchi, Yangthsaba pümji lanü shemüsu ajengki phungchehpü, müyahshü phakehpü tavi la pümcho.

⁷Abinü Nineverü yang yu-sobho khüdu müthehcho: “Yuzeng hi Yangthsaba ko abi ayingti chahnü: Süsü tu mütsunung; nyitsarü, misü, ko santi apüm tusü mütsumüyongnung.

⁸Nyitsarünü ko kanglungrü apüm müyahshü müpinung. Nyitsarü müipinü Tsingrangba te khahkhah dangkhidangnang ko amükhyu saying ko amünyi nguchi pehjüng.

⁹Kümüdeo, Tsingrangbanü alasih thsamüla azii chüroba lanü nyehlinung, ko Ihsa müchangsohnung kohle.”

¹⁰Tsingrangbanü arüh nguchi ngucho; arüh saying amükhyu pehjücho abinü ngucho. Achotsü abinü alasih thsamüla abinü khingchinung liba tsü münguchicho.