Read Sangtam Naga KHIDHENGCHO 1 Bible Online

KHIDHENGCHO 1 - Sangtam Naga bible

KHIDHENGCHO 1

¹Israelrü Ijip lih pehjüpü kang anyüu la choo anyüu chah akhudiba nyümong la, ABÜDONGBAnü Mosa te Sinai lipilih la abi Shükuh la chotacho. Abinü yocho,

²“Aron nühjünü Israelrü ahung-ahung ko tsutpu-tsutpunü mono khieng.

³Adhrerü kang mükyü ko amilang rothsa la wüxahrü apüm thrahbülung.

⁴Ahung apüm lanü tsutpu la aziba te nührü tronung young.”

⁵Hiba nguchi nengdang ahung müipi lanü throchehcho langnürüti tsü hiri licho: [Ahung] — [Tsutpu aying] Reuben — Shedeur tsurü Elizur Simeon — Zurishadai tsurü Shelumel Juda — Aminadab tsurü Nashon Isakar — Zuar tsurü Nethanel Zebulun — Helon tsurü Eliab Efraim — Amihud tsurü Elishama Manase — Pedazur tsurü Gamalel Benjamin — Gideon tsurü Abidan Dan — Amishadai tsurü Ahiezer Asher — Okran tsurü Pagel Gad — Deuel tsurü Eliasaf Naftali — Enan tsurü Ahira

¹⁷Hiri nyüh dhüre-anyüh arüku khu Mosa e Aron nyühnü choo anyüu la akhudiba nyümong yucho apüm dsibülungcho ko nyitsarü apüm ahung-ahung ko tsutpu-tsutpunü thrahyohcho.

¹⁸ABÜDONGBAnü yuzeng jücho kyo, adhrerü kang mükyü ko amilangrü apüm khiyoh thrahyohcho.

¹⁹Sinai lipilih la Mosanü nyitsarü atümung neng thrahyohcho.

²⁰Adhrerü kang mükyüpü amilang sürü rothsa la wüxahcho arüh apüm Jakob tsurü aziba Reuben hung chahnü dikeh ahung ko atsutpunü thrahyohcho. Ayohrüta tsü hiroh-i licho: [Ahung] — [Shikhi] Reuben — 46,500 Simeon — 59,300 Gad — 45,650 Juda — 74,600 Isakar — 54,400 Zebulun — 57,400 Efraim — 40,500 Manase — 32,200 Benjamin — 35,400 Dan — 62,700 Asher — 41,500 Naftali — 53,400 Yohrüta — 603,550

⁴⁷Levirü tsü aparü hung yola müthrahyohcho,

⁴⁸tunüo ABÜDONGBAnü Mosa te yocho,

⁴⁹“Khode nühnü rothsa la wüxah adhrerü mono khidhengnang, Levirülü tükhiyoh.

⁵⁰Hütsü mülih, Levirü tsü I Shükuh ko hütsüla zehba xükümsohng, hütsüla dikehsohng ko hütsü mükang arüh lisohng.

⁵¹Nührü shehmüide, müdongnung müdüm apüm la Levirünü Shükuh tsü dhiwünung ko müdonglinung. Aparü sü Shükuh shündhün ronang süsohnung.

⁵²Israelrü aparünü amülung-mülung palu tsutpu la palu nisan pohki müdongnung.

⁵³Ta aparü süsü shündhün ro I zichürosoh Israelrü müchangsohnungthsa, Levirülü Shükuh mükang lisohng.”

⁵⁴Achotsü Israelrünü ABÜDONGBAnü Mosa te yocho kyo lüpcho hütsüta nguchicho.