Read Sangtam Naga KHIDHENGCHO 26 Bible Online

KHIDHENGCHO 26 - Sangtam Naga bible

KHIDHENGCHO 26

¹Rümra tsü khupü khanglang ABÜDONGBAnü Mosa ko Aron tsurü Eleazar te yocho.

²“Israel yucho apüm kukhi kukhinü ko khata la wüxah adhrerü kang mükyü ko amilang atümung mono khieng.”

³Mosa e Eleazar nyühnü hütsünyi hütsüba kang pisarü atümung dsibülungcho.

⁴Arühnü Jeriko lanü Jordan Yongkhi khu wüpü Moab ngah la shimükhongcho. Ijip lanü chürorü Israelrüti tsü hiri:

⁵Reuben hung (Reuben tsü Jakob tsurü aukhuba): Hanok Pallu,

⁶Hezron ko Karmi tsutpu.

⁷Hiri tsutpu tsü adhrerü hajar yürepü asang thsih dhünyeh sangre licho.

⁸Pallu trah tsü Eliab

⁹ko atsurü Nemuel, Dathan ko Abiram: (Amülungnü throchehbarü tsü Dathan ko Abiram. Arühnü Mosa e Aron nyüh pehjüpü ABÜDONGBA nyüm Kora mülung la zehcho.

¹⁰Alihnü abe kapü arüh münyücho ko arüh Kora ko abi mono yola michangnü adhrerü 250 süsohde arüh yola sücho; arüh tsü müyurü nengdang adüzü kangcho.

¹¹Ta Kora tsurütilü mükyüsehcho.)

¹²Simeon hung: Nemuel, Jamin, Jakin

¹³Zera ko Shaul tsutpu.

¹⁴Hiri hung tsü adhrerü hajar mükyüpü anyüh thsih anyüh thsacho.

¹⁵Gad hung: Zefon, Hagi, Shuni,

¹⁶Ozni, Eri,

¹⁷Arod ko Areli tsutpu.

¹⁸Hiri hung tsü adhrerü hajar yüre thsih münga thsacho.

¹⁹Juda hung: Shela, Perez, Zera, Hezron ko Hamul tsutpu. (Juda tsurü yola anyüh Er ko Onan nyüh Kanan lih la sücho.)

²⁰

²¹

²²Hiri tsutpu adhrerü hajar nyürepü dhüroh thsih münga thsacho.

²³Isakar hung: Tola, Pua,

²⁴Jashub ko Shimron tsutpu.

²⁵Hiri tsutpu adhrerü hajar rohrepü dhüroh thsih asang thsacho.

²⁶Zebulun hung: Sered, Elon ko Jahleel tsutpu.

²⁷Hiri tsutpu adhrerü hajar rohre thsih münga thsacho.

²⁸Josef hung Manase ko Efraim nyüh au.

²⁹Manase hung: Manase tsurü Makir tsü Gilead au, ko Gilead chahnü tsutpu hiri trahchocho:

³⁰Iezer, Helek,

³¹Asriel, Shekem,

³²Shemida ko Hefer tsutpu.

³³Hefer tsurü Zelofehad tsurü khingkurü chah khu adhrerü mülicho; arüh neng tsü: Mahlah, Noa, Hogla, Milka ko Tirza.

³⁴Hiri tsutpu adhrerü hajar dhünyangpü anyüh thsih dhünyeh thsacho.

³⁵Efraim hung: Shuthela, Beker ko Tahan tsutpu.

³⁶Eran Tsutpu tsü Shuthela chahnü.

³⁷Hiri tsutpu tsü adhrerü hajar sangrepü anyüh thsih münga thsacho. Hiri tsutpu tsü Josef chahnü trahchocho.

³⁸Benjamin hung: Bela, Ashbel, Ahiram,

³⁹Shefupam ko Hufam tsutpu.

⁴⁰Ard ko Naman tsutpu tsü Bela chahnü trahchocho.

⁴¹Hiri tsutpu adhrerü hajar yürepü münga thsih dhüroh thsacho.

⁴²Dan hung: Shuham tsutpu,

⁴³adhrerü hajar rohrepü müyü thsih müyü thsacho.

⁴⁴Asher hung: Imna, Ishvi ko Beria tsutpu.

⁴⁵Heber ko Malkiel tsutpu tsü Beria chahnü trahchocho.

⁴⁶Asher atsularü khüdu anengnü Sera licho.

⁴⁷Hiri tsutpu adhrerü hajar dhünyangpü asang thsih müyü thsacho.

⁴⁸Naftali hung: Jazel, Guni,

⁴⁹Jezer, ko Shilem tsutpu

⁵⁰Hiri tsutpu adhrerü hajar yürepü müga thsih müyü thsacho.

⁵¹Israelrü adhrerü atümungnü yohrüta lakh dhüroh hajar khüdu thsih dhürohpü khüdu licho.

⁵²ABÜDONGBAnü Mosa te yocho,

⁵³“Alih tsü ahung-ahung khyang arüh shidüm changnah jüng.

⁵⁴Alih tsü zii thsadhengpü ahung amülah khyang amülah ko aikyah khyang aikyah changnah jüng.”

⁵⁵

⁵⁶

⁵⁷Levi hung la Gershon, Kohat ko Merari tsutpu zehcho.

⁵⁸Arüh chahnü trahchocho la tsutpu anümnüm Libni, Hebron, Mali, Mushi ko Kora zehcho.

⁵⁹Kohat tsü Amram au, sünü Ijip la surocho Levirü tsularü Jokebed te kukangcho. Abükyünü Amram khyang adhrerü anyüh nümüsujücho, Aron ko Mosa ko khingkurü khüdu Miriam licho.

⁶⁰Aron tsurü adhrerü müyü licho Nadab, Abihu, Eleazar ko Ithamar.

⁶¹Nadab ko Abihu nyüh tsü arühnü ABÜDONGBA khyang amümüsa michang mübüde sücho.

⁶²Levirü adhrerü choo khüdu ko amilang azirü tsü nyüh hajar mükyüpü asang licho. Arüh tsü Israelrü tenü pathsa thrahbülungcho, tunüo arüh khyang Israel la tu kuthsi müjücho.

⁶³Mosa e Eleazar nyühnü Jeriko lanü Jordan Yongkhi khu wüpü Moab ngah la Israelrü mono khide, ahung hiri apüm thrahyohcho.

⁶⁴Mosa e Aron nyühnü Sinai Lipilih la akhudiba mono khide thrahyohrü nyüh khüdusü nying mülicho.

⁶⁵Jefune tsurü Kaleb ko Nun tsurü Joshua nyüh chah khu arüh atümung akungaselih la tsü sünungepü ABÜDONGBAnü yocho tikehcho.