Read Sangtam Naga KHIDHENGCHO 4 Bible Online

KHIDHENGCHO 4 - Sangtam Naga bible

KHIDHENGCHO 4

¹ABÜDONGBAnü Mosa te

²Levirü Kohat hung kukhi achangnah ko aichi khinung

³ko adhrerü kang sangre lanü dhünyang kahla ABÜDONGBA Shükuh la dikehnung sihthsarü apüm thrahyohnung yocho.

⁴Arüh nguchi tsü Khütang Amüsa nguchi thsacho.

⁵ABÜDONGBAnü Mosa te athülaba hiri jücho. Khode alichah mülihchinung thsanang, Aron ko atsurütinü Shükuh la tsü züdunung, Yuzeng Singdi bete akitising tsü khyüchonung ko Singdi tsü hütsünü müshütinung.

⁶Arühnü hütsü shuküp atsanü khyütinung, hütsü michah shü apulu khüdunü phatinung, hütsüpü du adhising akhau tsü tohyohchünung.

⁷Arühnü ABÜDONGBA khyang mübüba hümthse tsingthsang michah tsü shü apulu khüdu khyangnung ko hütsü chah tsü tbhü, müchiji tbhü, mübüji tbhü ko yongkha mübü nengdang alih füh hiri tsü yohpünung. Tsingthsang chah tsü lede hümthse kehsohnung.

⁸Hiri apüm michah tsü shü amoh khüdu phakehnung, hütsü michah shuküp atsa khüdunü lüptinung, hütsüpü du adhising akhau tsü tohyohchünung.

⁹Arühnü shü apulu khüdu hiro dsimüdongsing, dsi mii zeh, shing, tbhü ko olive tuji bong apüm phatinung.

¹⁰Arühnü hütsü ko apa kohro apüm tsü shuküp atsanü müshütipü adhising la tsü yohnung.

¹¹Hütsüpü arühnü hon bholu chah tsü shü apulu khüdu khyangnung. Ko shuküp atsa khüdunü müshüpü du adhising akhau tsü yohnung.

¹²Arühnü Amüsa Müdüm la bichiba tsangfü-hifü hiro shü apulunü müshünung ko hütsü michah shuküp atsanü lüptinung ko adhising la tsü yohnung.

¹³Arühnü michüh ayüyeh bholu chah tsünü pehnung ko hütsü michah anyahrüm shü khüdunü phatinung.

¹⁴Arühnü hütsüla tsü bholu la bichiba apüm yohnung: aruhji, shumütsa, michüthsohlung ko mütpah-tbhü. Hütsüpü shuküp atsanü lüptipü adhising tsü tohyohchünung.

¹⁵Khode aliji tsü mülichinung kangnang, Aron ko atsurütinü hütsüri tsü müshütipü khanglang du, Kohat tsutpunü ro dhinung. Kohat tsutpu tsünü hütsüri Amüsa kohro chah tsü müthahpübae, mahkhang arüh sünung. Khodederü Shükuh dhimüchinang, Kohat tsutpu anguchinung tsü hiri linung.

¹⁶Bebüba Aron tsurü Eleazarnü Shükuh ko hütsüla liba dsi nengdang tuji, müchiji, tsang mübü, müyühba tuji ko Shükuh la tuturü müsachehpü liro hiri apüm tsü abinü xükümnung.

¹⁷ABÜDONGBAnü Mosa e Aron nyüh te yocho,

¹⁸“Kohat-rü süsü Amüsa kohro hi shündhün rocho khu tüsüsoh.

¹⁹Hütsüta mütihkehsohnung, Aron e atsurütinü züdu palu palu nguchi changta jüng ko tu dhinung hütsü arüh te yonung.

²⁰Ta kohat-rünü Shükuh la tsü züro bebürünü Amüsa kohro zangba tsü ngukhang, arüh sünung.”

²¹ABÜDONGBAnü Mosa te

²²Levirü Gershon hung achangnah ko kukhi aichi khinung,

²³ko adhrerü kang sangre lanü dhünyang kahla ABÜDONGBA Shükuh la dikehnung sihthsarü apüm thrahyohnung yocho.

²⁴Kohro hiri hinung arüh nguchi thsanung:

²⁵Shükuh, ayonglang tsung, amilang tsung, amichah lüptiba Shuküp atsa, trahtri kitising,

²⁶Shükuh ko bholu mükang lüpba shü, trahtri kitising ko rangshü kekhüm trahtri kitising ko hiri kohro apüm. Hiri nengdang thsütah apüm arühnü nguchinung.

²⁷Aron ko atsurütinü Gershonrü khyang tuturü nguchinung jücho hütsüri apüm nguchicho münguchicho hütsü Mosa ko Aron nyühnü dhengnung.

²⁸Shükuh la nguchi hiri tsü Gershonrü nguchi thsanung; arühnü hiri tsü bebüba Aron tsurü Ithamarnü thongucho kyo nguchinung.

²⁹ABÜDONGBAnü Mosa te Levirü Merari hung achangnah ko kukhi aichi khinung ko

³⁰adhrerü kang sangre lanü dhünyang kahla ABÜDONGBA Shükuh la dikehnung sihthsarü apüm thrahyohnung yocho.

³¹Arüh tsü Shükuh singtpah, idong, kuhbi ko Shükuh dümpi,

³²ko Shükuh mükang kekhüm la kuhbi atihji, ahamsing ko düshü ko hütsü müdongba la bichiba apüm, hiri nguchinung. Nyitsarü müipi lang khüdu hinung tsü abi ajehcho.

³³Hiri tsü Merarirünü Shükuh la dikehde anguchinung linung: arühnü hiri tsü bebüba Aron tsurü Ithamarnü thongucho kyo nguchinung.

³⁴ABÜDONGBAnü yuzeng jücho nyinü, Mosa, Aron ko langnürütinü Levi tsutpu asang Kohat, Gershon ko Merari monoti khidhengcho. Arühnü ahung achangnah ko kukhi aichi khicho ko ABÜDONGBA Shükuh la nguchixah kang sangre lanü dhünyang kahla azirü neng thrahyohcho: [Tsutpu] — [Shikhi] Kohat — 2, 750 Gershon — 2, 630 Merari — 3, 200 Yohrüta — 8, 580

⁴⁹ABÜDONGBAnü Mosa te yuzeng jücho kyo nyitsarü müipi neng thrahyohcho; ko ABÜDONGBAnü Mosa khu yuzeng jo, nyitsarü müipi dikehnung mahkhang hinung nguchi nyümkehjücho.