Read Sangtam Naga KHIDHENGCHO 7 Bible Online

KHIDHENGCHO 7 - Sangtam Naga bible

KHIDHENGCHO 7

¹Mosanü ABÜDONGBA Shükuh rungnüm nyümong, abinü Shükuh ko hütsüla zehba apüm ko bholu ko hütsüla zehba apüm müsachehcho.

²Hütsüpü tsutpu azibarüti sürü Israel hung la langnürü licho ko mono khiba lasü zehcho,

³arühnü ABÜDONGBA khyang amübü hiri hirocho: misü kari dhüroh ko misüpung dhüre-anyüh, azirü anyüh müipi misü kari khüdu-khüdu ko azirü müipi misüpung khüdu-khüdu. Arühnü hütsüri hirojüpü,

⁴ABÜDONGBAnü Mosa te yocho,

⁵“Shükuh nguchi la bichinung hiri khyüchoung; ko Levirü khyang ajehcho roh-i nguchinung jiyü hütsüri tsü jüng.”

⁶Achotsü Mosanü misü kari ko misüpungti tsü Levirü khyang jücho.

⁷Abinü Gershonrü khyang misü kari anyüh ko misüpung müyü

⁸ko Merarirü khyang misü kari müyü ko misüpung keh jücho. Arühnü nguchi tsü Aron tsurü Ithamarnü thongucho la nguchinung.

⁹Ta Mosanü Kohat-rü khyanglü Misü kari thsanye ko misüpung thsanye tu müjücho, tunüo arühnü xükümnung Amüsa kohroti tsü pakyarü chah dunü dhinungba licho.

¹⁰Azirütinü bholu müsachehnung mii amübü hirocho. Khode arühnü bholu chah amübü tsü jünung rungnüm licho,

¹¹ABÜDONGBAnü Mosa te yocho, “Nyümong dhüre-anyüh nyümong mükhu azirü khüdu-khüdunü bholu müsachehnung abi jiyü hirung.”

¹²Arühnü hiroh-i chung arüh amübü jücho: [Nyümong] — [Ahung] — [Azirü] 1 — Juda — Aminadab tsurü Nashon 2 — Isakar — Zuar tsurü Nathanel 3 — Zebulun — Helon tsurü Eliab 4 — Reuben — Shedeur tsurü Elizur 5 — Simeon — Zurishadai tsurü Shelumel 6 — Gad — Deuel tsurü Eliasaf 7 — Efraim — Amihud tsurü Elishama 8 — Manase — Pedazur tsurü Gamalel 9 — Benjamin — Gideoni tsurü Abidan 10 — Dan — Amishadai tsurü Ahiezer 11 — Asher — Okran tsurü Pagel 12 — Naftali — Enan tsurü Ahira Arüh müipinü hiroba amübü tsü akyota licho: taripi tbhüza khüdu hütsü te ahochocho süreh 1.5 ko apa tbhü khüdu süreh 800 licho, anyüding tsü tsang mübü nengdang hüm ko tuji nyüh yohrütachonü jeng licho; hon tbhü khüdu gram 110, müchijinü jeng licho; ko tsang mübü nengdang misü bongtho khüdu, Sanpung khüdu ko san kang khüdu za khüdu, münyi mübü nengdang mizaza khüdu; ko akehta mübü nengdang misüpung anyüh, sanpung münga, miza münga ko kang khüd(...)

⁸⁴Bholu müsachehnung azirü dhüre-anyühnü hirocho amübü apümnü hiroh-i: _ taripi tbhüza dhüre-anyüh ko taripi mütpah-tbhü dhüre-anyüh süreh 27.6 _ Hon tbhü müchiji jeng zehpü dhüre-anyüh süreh 1.32 _ Misüpung dhüre-anyüh, sanpung dhüre-anyüh ko san kang khüdu za dhüre-anyüh ko trüp mübü nengdang hütsüri yola tsang mübü zehcho. _ münyi mübü nengdang miza dhüre-anyüh. _ Akehta mübü nengdang misüpung mükyüpü müyü, sanpung rohre, miza rohre ko san kang khüdu za rohre.

⁸⁹Khode Mosanü Shükuh la tsü ABÜDONGBA te chotanung züducho, ABÜDONGBAnü abi te Cherubim anyüh kahla Yuzeng Singdi lüpji michah tsünü abi te chotacho abinü yuchicho.