Read Sangtam Naga HAGGAI 2 Bible Online

HAGGAI 2 - Sangtam Naga bible

HAGGAI 2

¹Hütsüba kang choo dhünyeh, nyümong mükyüpü kheh-u la, ABÜDONGBAnü thali azikehrü Haggai khu chotacho.

²Abinü Haggai te, Juda la governor Zerubabel ko Amungthriba Bebüba Joshua ko müyurü te hita yosohnung Haggai te yocho,

³“Amübükuh hi khüta ahechikeh lichonang hütsü nührü yola khürünü mülümkeh-o? Ade khüta nguro? Hi tu mükyo ngure.

⁴Ta ade nührü süsü suh tüzah, nguching tunüo Ih nührü te zeh lile.

⁵Nührü Ijip lih lanü chürode, nührü te Ih lede zeh linungepü Ihnü nyengchoko. Adesü Ih nührü te zeh lile, hütsüeko tüdrü.

⁶“Tunyah mülipü Ihnü ning ko limih, alih ko kihdi shühchijünung.

⁷Ihnü yuchoti apüm mükhanung, ko arüh kuthsi hila hironung, ko Amübükuh tsü kuthsinü jengnung.

⁸Limih la hon taripi apüm I yo.

⁹Amübükuh asi tsü ahiba tenü ahechiu thsanung, ko Ihnü hütsüla I müyurüti khyang rii ko yangtsa jünung” ABÜDONGBA Akohbongnü choko.

¹⁰Darius Yangthsathsaba kang anyüu choo düku nyümong mükyüpü müyüu la, Akohba ABÜDONGBAnü Haggai te thali chotacho.

¹¹Abinü yocho, “Bebürüti te hiba atsingdhengba hi lalingsohng:

¹²Adüzünü nyüh khüdunü amüsachehcho shuh azikyah apoh la münyüp-pü hütsünü hümthse, tsang yongkha, olive tuji, mahkhang tsuyongba masü chah ashünü thahpüsohkhang, hütsü müsa kangnung mah-o?” Khode hütsü tsingdhengcho, bebürütinü lalingcho, “Mah.”

¹³Hütsünü Haggainü lalingcho, “Adüzünü nyüh khüdu me chah thahpüchonü münyiko. Hütsüpü abinü hiri tsuyongba chah thahpükhang, hütsürisü münyipehnung mah-o?” Bebürütinü lalingcho, “Ho.”

¹⁴Achotsü Haggainü yocho. “Hütsü roh-i du hiba yucho nyitsarü te ko arüh kheh lanü chürocho lüpcho linungepü ABÜDONGBAnü yore; hütsünü arühnü bholu chah mübücho kohro apüm münyicho lile.”

¹⁵ABÜDONGBAnü yore, “Nührü chah tu tikehchonang müngurü do? Amübükuh thsalinung müdikehde,

¹⁶nührünü yashi la dsedong mükyü longdi wücho, ta dhüre du licho; nyüh khüdunü yongkha di la thohmo dhünyang longdi wücho, ta mükyü du licho.

¹⁷Nührü chisicho lüpcho thsangnyangjünung Ihnü nyübong adhsa ko shurü müthehcho, ta hütsüpü mii nührünü lasih müthsamüla.

¹⁸Chünye hi choo adüku-u la mükyüpü müyü nyümong, Amübükuh akhengdi thümre. Ade tinü tu tikehnang dhingdheng.

¹⁹Hila fürü müli nye, ko shükusih, ngurüsih tsanümsih ko olive singsih mah-e nye, ta ade tinü Ihnü nührü müwajünung.”

²⁰Hütsü nyümong choo mükyüpü müyü nyümong tsü,

²¹ABÜDONGBAnü Juda governor Zerubabel nengdang anyüuba yusi jücho: “Ihnü ning ko alih shühchinung ko yanglihti khülusoh thsangnyangjünung thsako.

²²Ihnü nyübong kari ko arüh anürü mükhamülajünung; kuriti sünung ko anürüti khüdunü khüdu kyüsehtanung.

²³Hütsü nyümong nüh I dikehrü Zerubabel; Ihnü khyünung ko I nengla yangthsanung throchehba tsü nüh lile.” Akohba ABÜDONGBAnü choko.