Read Sangtam Naga ZEKARIA 5 Bible Online

ZEKARIA 5 - Sangtam Naga bible

ZEKARIA 5

¹Ihnü thali dhengcho, ko hiba bekhyah thrahlohcho khüdu nyübong la mülachi ngucho.

²Ihnü tu ngucho pü ninglang riwürünü I te tsingdhengcho. Ihnü lalingcho, “Thrahlohcho khüdu nyübong la mülachi yale; Hütsü athsenglang khehap mükyü, ko adilang khehap dhüre lile.”

³Hütsüpü abinü I te yocho, “Hütsüla limih apümlang chokehcholanung thrah lile. Atpah khüulang limih lanü aführü apüm pehnung thrah licho yore; atpah khüulang arahkheh cho yuchümrü apüm khyümüi pehnung thrah licho yore.

⁴Hiba chokehchola hi aführü kukhi müipi, ko arahkheh cho yuchümrü kukhi müipi la züdunungepü Akohbong ABÜDONGBAnü yore. Arüh kukhiti la hi linung ko arüh thsangnyangjünung.”

⁵Ninglang riwürü thali chüropü yocho, “Dheng! Langpa khüdu role!”

⁶Ihnü yocho, “Hütsü tuo?” Abinü lalingcho, “Hi limih apüm münyi nengdang yoba loh khüdu lile.”

⁷Loh tsü akhangtising ilünü külüpcho. Ihnü dhengde, akhangtising tsü luthrucho, ko loh la tsü khingkurü khüdu pümcho!

⁸Ninglang riwürü tsünü yocho, “Hiba khingkurü adüzü athrünyi.” Hütsüpü abükyü tsü loh la dümyohchüpü hapticho.

⁹Ihnü tsungmüsu dhengde, khingkurü anyüh kih uza atsaya kyo Ih yang mong rocho. Arühnü loh tsü khyo bipü mongtsicho.

¹⁰Ihnü riwürü te tsingdhengcho, “Hütsü khüde hitsiro?”

¹¹Abinü lalingcho, “Arühnü hütsü nengdang amübükuh thsanung Babylon lang hiwüre. Amübükuh tsü thümpü, mübünung nengdang loh tsü hütsüla yohpünung.”