Read Sangtam Naga AZIKA YU 14 Bible Online

AZIKA YU 14 - Sangtam Naga bible

AZIKA YU 14

¹“Nührü ABÜDONGBA nührü Tsingrang müyurü lile. Hütsüeko khode nührünü asürü me tranang, aparü kyo nührü jangjang tütsehnah mahkhang nührü thah tühehpeh.

²Nührü ABÜDONGBA nührü Tsingrang yo lile; limih chah lirü apüm yolanü Abinü nührü Abi yo thsanung throchehcho.

³“ABÜDONGBAnü amümüsa pü mishacho tusü tütsu.

⁴Nührünü kanglungrü hiri tsunung kohle; misü, san, miza,

⁵shümüshü, rangmü san, rangmü miza, mahkhang shuhu

⁶amüzi phohrüpba ko külücheh mütrehba kanglungrü.

⁷Ta amüzi müphorüpba ko külücheh mümütrehba kanglungrü tu tütsu. Nührünü hiri kanglungrü: ut, yingshükuh yongmüza mahkhang dhengtsü tütsu. Arüh tsü amümüsa roh-i khiching; arühnü külücheh mütrehre ta amüzi müphorüp.

⁸Shüka tütsu. Hütsü amümüsa roh-i khiching; arüh tsü amüzi phohrüp lile, ta külücheh mümütrehre. Hiri kanglungrü tusü tütsu mahkhang arüh asü me mii tüthahbü.

⁹“Nührünü atbheng ko alaküp kehba ngu masü tsunung kohle,

¹⁰ta atbheng ko alaküp mükehba kih la liba tusü tütsu; hütsüri amümüsa roh-i khiching.

¹¹“Nührünü amüsa uza masü tsunung kohle.

¹²Ta uza hitari nührünü tütsu: müdi, phohphu, moilüm, müsheng, anbüham, hogon, khüyala; ostrich, kih-hüna, pelikan, Karmoran, hoopo ko lühtphing.

¹⁹“Aqo kehba kangzah apüm amümüsa; hütsüri tütsu.

²⁰Amüsa kangzah tsunung kohle.

²¹“Amükangnü sücho kanglungrü tusü tütsu. Nührü yola lirü shuparü khyang tsusohng mahkhang aparü shuparü te ieng. Ta nührülü ABÜDONGBA nührü Tsingrang yo lile; nührü Abi nyitsarü. “San ko mizaza atpa nyikih la tüchong.

²²“Kang mükhu nührü luh lanü chürocho nohlüm dhüre la nohlüm khüdu, dhüre nohlüm pathsa yohpüng.

²³Hütsüpü ABÜDONGBA nührü Tsingrangnü throchehcho mübüji lang tsü wüng; ko hütsüla Abi jingte nührü fürü, yongkha ko olive tuji dhüre nohlüm ko akhu mütrücho misü ko san tsü tsung. Lede ABÜDONGBA nührü Tsingrang dhichinung nührünü hi nguching.

²⁴Ta mübüji müdüm tsü ABÜDONGBAnü müwajücho dhüre nohlüm tsü hiwünung nührü kuh lanü shurakhang, hita nguching:

²⁵Kohro tsü ieng ko thsi tsü mübüji müdüm khüdu lang hiwüng.

²⁶Ko nührü lihnyücho misüshu, sanza, yongkha ko phüpkih lihnung kohle, ko hütsüla ABÜDONGBA jingte, nührü ko nührü kukhirü tsuyong künyangtaang.

²⁷“Nührü yangditi la liba Levirü tsü tüthrüchahchüpeh; arühbürü yo kuthsi müle.

²⁸Kang asang achangka la, nührü tsahma lanü nührü dhüre nohlüm apüm hirung ko nührü yangdi la zahkehng.

²⁹Hiri tsuyongnung tsü arüh kuthsi mülirü tsü, Levirü ko yangpirüti, mürürü ko nührü yangdi la liba chomilarü nengdang linung. Arüh ronü arüh thsütah apüm khyünung. Hita nguching ko nührünü nguchicho lüpcho la, ABÜDONGBA nührü Tsingrangnü müwajünung.