Read Sangtam Naga AZIKA YU 25 Bible Online

AZIKA YU 25 - Sangtam Naga bible

AZIKA YU 25

¹“Adüzünü Israelrü nyüh anyüh khiyu khüdu nengdang yukhaji lang wüko ko khüdu langjüko ko khüdu mülangjüko.

²Mülangba tsü xüpnahnung yukhajükhang, yukhaba tsünü abi tsü mühaplangnü yüpjosohpü xüpnungbae. Khüdopi xüpnungnang hütsülü abi mülang aichi lile.

³Yürepi chah alaa müxüpnung; hütsü chah alaalü misha abi mükhimüngure.

⁴“Ma nyehde misüpung be türahjü.

⁵“Jüni nyüh aroh lipü tsuzarü müthsapü khüdu sopehkhang, anitpü tsü aparü khyang mükhyüsohnung; hütsü asuu ani tsünü khyünung.

⁶Ko anyüh chahnü aukhuba tsü asuu tsurü roh-i khichinung, hütsünü du Israel la arüh tsutpu chung tsü müchangnung.

⁷Ta asuu ani tsünü abükyü tsü mükhyünyükhang, abükyünü wünü yangzirü bete yonung. ‘I nii nirünü abi anguchi münguchire; abinü Israelrü yola amung trah müyohpüjünyüre.’

⁸Hütsüde yangzirü tsünü abi dsi abi te chotanung. Abinü hütsüpü mii abükyü tsü mükhyünyükhang,

⁹chomitpü tsünü yangzirü bete tsü abi yang küdunung ko ajingkhüm khüdu khyücheh aromih chah müjü müchohkehjo yonung, ‘Sünü amung khyang atrah müyohpüjünyünang abi chah hita tikehre.’

¹⁰Abi kukhi tsü Israel la ‘jingkhüm phungchehba nyitsarü kukhi pü dsinung.’

¹¹“Nyüh anyüh yübütade khüdu nitpünü anii tronung akhüuba nyitsarü ayo la chayehkhang,

¹²abükyü te yanglilüm tüngusoh; abükyü kheh kyühsahpehjüng.

¹³“Nührünü ahosing ko akihsing la türahmütsa.

¹⁵ABÜDONGBA nührü Tsingrangnü nührü khyang jüba lih la tsü kutsüp linung thsa nührünü ahosing ko akihsing la yuje cho bichieng.

¹⁶ABÜDONGBAnü kihyochürü thrünyire.

¹⁷“Nührü Ijip lanü chürode Amalekrünü nührü chah tu nguchicho hütsü lümchehng.

¹⁸Arüh Tsingrangba drüba müle, hütsünü nührü kyahseh ko südo lide, arühnü akhanglangnü nührü mahcho ko akarü apüm kyüsehcho.

¹⁹Hütsüeko khode ABÜDONGBA nührü Tsingrangnü alih tsü jonang ko nührü mükang liba arorüh tenü nührü khümcho linang, hütsüde Amalekrü tsü apüm kyüseh pehng, hütsünü du sünüsü arüh mülümkehnung. Hi tünbüchü!