Read Sangtam Naga 2 KORINTRÜ 13 Bible Online

2 KORINTRÜ 13 - Sangtam Naga bible

2 KORINTRÜ 13

¹Ade hinü asangpiu nührü xodhengnung Ih rore. Amüsa yunü yocho kyo, “Khiyu masü khüdu khanung yuzi anyüh mahkhang asang athsütah.”

²Akhulang amünyi shitpahrü ko aparü atümung te Ihnü yonyüre; Ihnü akhulang nührü anyüpiu xodhengdesü yoko, ta nührü tenü za lidesü yore: Ih hiko rodelü süsü müchomangnung.

³Khristanü Ih khu nguchirepü nührünü khyünyüba yuzi apüm ngunung. Abinü nührü te chotade, abi suh müzeh mah; ta, abinü nührü yola abi zii ngusohre.

⁴Tunüo suh müzehba la abi hamkeh nye, abi Tsingrangba zii khu akang lile. Abi chah ihrüsü suh müzeh; ta nührü te Tsingrangba zii khu abi akang changtanung.

⁵Nührü yudsi la lirü a mahnang müdhenung nührü jangjang thsatsodheng. Nührü müshohjopü likhang, Jisu Khrista nührü chah lilepü nührünü longi tsüple.

⁶Ihrü amükoh ngurü mah pü nührünü müdhenung Ihnü longdire.

⁷Nührünü amüthsalang münguchisohnung, ihrünü Tsingrangba te dangkhidangnangjüre, hütsü ihrü akoh ngucho ngunungba mah, ta ihrü amükoh nguh nye, nührülü athsalang nguchisohnung nengdang lile.

⁸Tunüo ihrünü yuje chah khu hütsü nyüm tusü nguchinung mükoh.

⁹Ihrü suh müzeh nye nührü re zehchonü ihrü künyangre. Ko nührü dekheng kangnung nengdang ihrünü dangkhidangnangre.

¹⁰Ih khode nührü yang ronang, nührü thsangnyangjünung nengdang mah, ta külüpkehjünung Abüdongbanü tase jüba tsünü nührü zi mükhatanung nengdang Ih nührü tenü za lidenü hi nührü te thrahre.

¹¹Achangka la, jünirüti, Salüm na. Adekheng kangnung müküpm; Ihnü thsüchicho nyieng; kehta lieng; ko atbachi la lieng. Amüi ko atbachi Tsingrang nührü te lieng.

¹²Khüdunü khüdu te amüi salüm jütaang.

¹³Amüsarü atümungnü nührü te salüm müdhesohre.

¹⁴Abüdongba Jisu Khrista achomang, Tsingrangba amüi ko Anbü Amüsa azehba nührü atümung te lieng.