Read Sangtam Naga 2 KORINTRÜ 7 Bible Online

2 KORINTRÜ 7 - Sangtam Naga bible

2 KORINTRÜ 7

¹Jünirüti, hiri apüm Ihsa te nyengchoko. Hütsünü, Ihsa afü ko anbü mümüsaba lüpcho lanü Ihsa jangjang müsachehnung, ko Ihsanü Tsingrangba drüba la longi müsachehnung.

²Ihrü te nührü lasih amüi ngung. Ihrünü süsü müthsamehsoh; süsü müthsangnyangjü mahkhang süsü müthsüyohchü.

³Nührü mülangjünung Ihnü hiri yorü mah; tunüo Ihsa akang linye, ko sünye lede müjang lile, tunüo ihrünü nührü khütang müirepü amüngunü nührü te yoko.

⁴Ihnü nührü chah dee longlangre; nührü nengdangnü Ih dee müthsehre! chongcha apüm la Ih dee rezeh lile; Ih akünyang mülümthoh lile.

⁵Ihrü Macedonia ro chihpü mii, ihrü tu akyahshang müle. Apümlang athsangthsi, yübüta lichonü ihrü lasih la adrü licho.

⁶Tanye Tsingrangba sünü alongdi mülirüti suzehsohro, abinü Titas rosohnü ihrü thsüchicho.

⁷Abi rocho dunü mah, ta nührünü khüta abi thsüchicho hütsü ihrü te yode ihrü thsümüsucho. Nührünü Ih shirünyücho, nührü alongri, ko Ih phikhümcho; hiri ihrü te yode Ih alaa künyangre.

⁸Tunüo Ihnü thrahba vathrahnü nührü wahsoh nye, Ihlü hütsü thrahcho nengdang wah müle. Azachah du thsanye hütsüba vathrahnü nührü wahsohcho Ihnü müdhele.

⁹Nührü wahsohchonü mah, ta hütsüba awah tsünü nührü lasih thsamülasohcho nengdang ade Ih künyangre. Hütsüba awah tsü Tsingrangbanü bichichonü nührü chah tu müdhsakeh.

¹⁰Tunüo Tsingrangbanü bichiba awah tsünü lasih thsamülasohre, ko hütsünü akangcheh lang nüre, ko hütsüla tu akohsha müle! Ta shutsa awah tsünü asüba du chürosohre.

¹¹Tsingrangbanü nührü awah tsü tu kangsohcho dheng: hütsünü nührü khüdoi khele kangsohcho, nührü mülang mülicho yuzi jünung khütoh-i longphiro! Zii chüroba, lümkangsohba, nahmürahba, khakhuchüjüba, khingchiba, hiri tsü dheng! Hiri apüm la nührünü müthsamehnung müküpko.

¹²Hütsüeko, Ihnü nührü yang thrah nye, hütsü thsamehba nengdang tsü mah, mahkhang abi khingchiba nengdang tsünü mah. Ta, nührünü ihrü te yuje khakhuchüjücho Tsingrangba jingte mishasohnung Ihnü nührü yang thrahcho.

¹³Hütsünü ihrü suzehsohko. Ihrü suh zehsohcho du mah; ta nührü atümungnü abi thsümüsuchonü, Titas akünyang ngu ihrü alaa künyangre!

¹⁴Ihnü nührü nengdangnü abi te kükhingcho, ko nührünü Ih ashah mükhyüsoh. Ihrünü nührü te lede yuje chocho, hütsükyo ihrünü Titas te kükhingba tsü yuje ngusohre.

¹⁵Nührü atümungnü yocho nyicho, ko dro dhridhri abi khyüchocho lümchehde, nührü abi te amüi alaa kangre.

¹⁶Nührü chah Ihnü khütang longlangchonü Ih künyangre!