Read Sangtam Naga 1 TESALONIKARÜ 3 Bible Online

1 TESALONIKARÜ 3 - Sangtam Naga bible

1 TESALONIKARÜ 3

¹Achangka la, ihrünü rangchonung mükohcho. Achotsü Tsingrangba nengdang Khrista Yuse thsingyuba nguchi la ihrü yola trotarü,

²ko ihrü nirü Timoti du müthehpü ihrü müleng Athen la liyanung dhrongchehcho. Hiri dhsümthsedhsümlohnü nührü süsü müshehlinungthsa,

³nührü rezehsohnung ko yudsi la trosohnung ihrünü abi nührü yang müthehcho. Dhsümthsedhsümloh tsü Ihsa nengdang Tsingrangba lümchoepü nührünü müdhele.

⁴Tunüo, ihrü nührü yola lidenü, amüngunü nührü te Ihsa dhsümthsenungepü ihrünü yoko; ko hütsü yuje tikehcho nührünü müdhenung.

⁵Motsingnü nührü thsatso ihrü nguchi amükang kangnung lümxüchonü Ihnü mürangchopü Timoti nührü yang müthehnungthsa kangcho.

⁶Nührü yolanü Timoti ihrü yang ade ro lile, ko nührü yudsi ko amüi yusi atsa tsü ihrü te yoko. Ihrünü nührü shirünyücho roh-i nührünüsü ihrü shirünung nahmürahrepü abinü ihrü te yoko.

⁷Hütsünü jünirüti, ihrü thsangthsi ko chongcha apüm la nührü khunü ihrü rezehchire. Nührü yudsi khu ihrü rezehsohre,

⁸tunüo Abüdongba la nührü akang drengdreng likhang ihrü akang linung tsü akünyang.

⁹Ade nührü nengdang Ihsa Tsingrang khyang ihrünü anengse jünung. Nührü khyanglangnü Ihsa Tsingrangba jingte akünyang nengdang ihrünü abi khyang anengse jüre.

¹⁰Ihrünü nührübürü shiro nührü yudsi la thsütah chixinung nengdang ihrünü lasiking apümnü ama atsingse abi te kihchire.

¹¹Ihsa Au Tsingrang apu ko Ihsa Abüdongba Jisunü nührü yanglang ihrü ronung lang khangthrujüng.

¹²Abüdongbanü nührü khüdunü khüdu müitasohng, ko ihrünü nührü müicho toh-i nyitsarü atümung amüi la alaa zisohng.

¹³Hütsüta abinü nührü rezehsohng, ko Abüdongba Jisu abi amüsarüti yola rode, Ihsa Tsingrang ko Au jingte nührü apisa ko amüsa kangnung.