Read Sangtam Naga JOSHUA 15 Bible Online

JOSHUA 15 - Sangtam Naga bible

JOSHUA 15

¹Juda hung tsutpu khyang changnah jücho alih hiroh-i: Kihjinglang Edom luhrü te Zin akungaselih chii licho.

²Hiba kihjinglang luhrü tsü kihjinglang Asü kihdi achangka lanü dikeh

³kihjinglang lahpi pii liba Akrabbim lanü Zin chii licho. Ko kihjing Kadesh Barnea lanü Hezron khu Addar chii, Karka lang ximüla

⁴Azmon lang Ijip luhrü la yongkhi tsü iijüropü luhrü achangka tsü Mediteranean kihdi thsacho. Hütsü kihjinglang Judarü luhrü.

⁵Nyüchürolang luhrü tsü Asü kihdi lanü tuwü Jordan yongkhi pohyoh tsü chii licho. Kihku lahpi luhrü tsü hütsü lanü dikehpü,

⁶Beth Hogla chii ko kihku lahpi Jordan ngah dhengyohchüba müzing tashi linung. Hütsü lanü tuwü Bohan Lung chii (Bohan tsü Reuben tsurü),

⁷Thsangthsi Ngah lanü Debir chii, hütsü lanü ximüla angah kihku lahpi lang Adumin tuwüba dheng Gilgal lahpi kihjinglang chii lile. Hütsü lanü Enshemesh kihna khu wü Enrogel,

⁸ko Jebusrü yangdiba Jerusalem liba kihjinglang thring Hinnom Ngah khu wü licho. Luhrü tsü hütsü lanü tuwü Hinnom Ngah achangka nyüzüdulang akhang amüjoh lanü kihkulang Refaim Ngah chii licho.

⁹Hütsü lanü Neftoa yongkhi chii ko Efron Zong shündhün liba yangditi chii licho.

¹⁰Hütsü lanü Baala lang ximüla (mahkhang Kiriat Jearim), Seir azong limih lahpi Baala nyüzüdu lahpi mükangti licho. Hütsü lanü Jearim zong (mahkhang Kesalon) kihku lahpi chihko Timna khu jowü Beth-Shemesh chii licho.

¹¹Luhrü tsü hütsü lanü wü Ekron kihku lahpi akhang chii ko hütsü lanü ximüla Baala zong khu Shikheron lahpi ximüla, Jamnia chii licho.

¹²Nyüzüdulang luhrü tsü Mediteranean kihdi la changkacho. Luhrü hi pohki Judarü tsutpu licho.

¹³ABÜDONGBAnü Joshua te mülacho kyo, Juda lih nohlüm khüdu Juda hung lanü Jefune tsurü Kaleb khyang jücho. Abinü Anak au Arba yo Hebron yangdi ngucho.

¹⁴Kalebnü Anak trah Sheshai, Ahiman ko Talmai tsutpu yangdi lanü iipehcho.

¹⁵Hütsü lanü abinü Debir la lirü mahnung wücho. (Hiba yangdi te Kiriat Sefersü dsicho.)

¹⁶Kalebnü yocho, “Kiriat Sefer sünü mahchehnang Ihnü I tsulatpü Aksah te kukangsohnung.”

¹⁷Kaleb ani Kenaz tsurü Othnielnü yangdi tsü mahchehcho, achotsü Kalebnü atsulatpü Aksah khyüsohcho.

¹⁸kukang nyümong Othnielnü abükyü te luh khüdu au te chingnung thsüchicho. Abükyünü, Gadu chahnü jürode Kalebnü tu khyünyüro pü tsingdhengcho.

¹⁹Abükyünü yocho, “Kihkong khürü khyünyüre. Tunüo nühnü jüba lih tsü akung lile.” Achotsü Kalebnü abükyü khyang amunglang ko ajinglang kihkong tsü jücho.

²⁰Juda hungnü arüh kukhi aichi ngucho alih tsü hi:

²¹Kihku lahpi ashu-uba chii wü liba yangdi tsü arüh yo licho, Edom luhrü shündhün liba yangditi tsü: Kabzeel Eder, Jagur,

²²Kinah, Dimonah, Adada,

²³Kedesh, Hazor, Ithnan,

²⁴Zif, Telem, Bealoth,

²⁵Hazor, Hadatta, Kerioth Hezron (mahkhang Hazor),

²⁶Amam, Shema, Molada,

²⁷Hazar Gadda, Heshmon, Bethpelet,

²⁸Hazar Shual, Bersheba, Beziothia,

²⁹Baala Iim, Ezem,

³⁰Eltolad, Chesil, Horma,

³¹Ziklag, Madmana, Sansana,

³²Lebaot, Shilhim, Ain ko Rimon: arüh mükang yangditi yohpü yangdi mükyüpü düku licho.

³³Azong jingdümpi liba yangditi tsü: Eshtaol, Zora, Ashna,

³⁴Zanoa, Enganim, Tapua, Enam,

³⁵Jarmut, Adulam, Soko, Azeka,

³⁶Sharaim, Adithaim, Gedera ko Gederothaim: arüh mükang yangditi yohpü yangdi dhüre-müyü licho.

³⁷Adesü Zenan, Hadasha, Migdalgad,

³⁸Dilean, Mezpa, Jokthel,

³⁹Lakish, Bozkath, Eglon,

⁴⁰Kabon, Lamam, Chitlish,

⁴¹Gederot, Bethdagon, Nama ko Makeda: arüh mükang yangditi yohpü yangdi dhüre-dhüroh licho.

⁴²Adesü Libna, Ether, Ashan,

⁴³Ifta, Ashna, Nezib

⁴⁴Keila, Akzib ko Maresha: arüh mükang yangditi yohpü yangdi düku licho.

⁴⁵Ekron, abi yangdi ko yang zeh,

⁴⁶ko Ashdod shündhün Ekron lanü Mediteranean kihdi chii liba yangdidi ko yangdi zeh licho.

⁴⁷Ashdod ko Gaza, arüh yangditi ko yangti Ijip luhrü la yongkhi chii ko Mediteranean Kihdi bekhüm chii licho.

⁴⁸Azong lih la, Shamir, Jatir, Soko,

⁴⁹Danna, Kiriat Sefer (mahkhang Debir),

⁵⁰Anab, Eshtemoa, Anim,

⁵¹Goshen, Holon ko Gilo: arüh mükang yangditi yohpü yangdi dhüre-kheh licho.

⁵²Hütsüla Arab, Duma, Eshan,

⁵³Janim, Beth Tapua, Afeka,

⁵⁴Humta, Hebron ko Zior: mükangmüshü liba apüm yohrüta yangdidi düku licho.

⁵⁵Adesü Maon, Karmel, Zif, Jutta,

⁵⁶Jezrel, Jokdeam, Zanoa,

⁵⁷Kain, Gibea, ko Timna: arüh mükang yangditi yohpü yangdi dhüre licho.

⁵⁸Adesü Halhul, Bethzur, Gedor,

⁵⁹Maarath, Bethanoth ko Eltekon: arüh mükang yangditi yohpü yangdidi dhüroh licho.

⁶⁰Kiriat Baal (mahkhang Kiriat Jearim) ko Raba: apüm yohrüta yangdidi anyüh licho.

⁶¹Lipilih la tsü Araba, Middin, Sekaka,

⁶²Mih yangdi Nibshan ko Engedi: apüm yohrüta yangdidi dhüroh licho.

⁶³Ta Judarünü Jerusalem la lirü Jebusrü tsü mükoh iipehcho. Ade yingcheh Jebusrü tsü Judarü yola lile.