Read Sangtam Naga JOSHUA 16 Bible Online

JOSHUA 16 - Sangtam Naga bible

JOSHUA 16

¹Josef trah khyang khasah jüba alih kihjing lahpi luhrü tsü Jeriko amünyeh Jordan lanü dikeh Jeriko yongkhi nyüchürolang lahpinü lipilih chii licho. Hütsü Jeriko lanü dikeh küdu akhang lih Bethel chii licho.

²Bethel lanü Arkitrü liba Ataroth khu wünü Luz chihcho.

³Hütsü lanü ajinglang Beth Horon chii nyüzüdulang Jafletrü chihcho. Hütsü lanü Gezer chihcho ko Mediteranean kihdi la changkacho.

⁴Josef trah, Efraim hung ko nyüzüdulang Manase alih hi ngucho.

⁵Efraim tsutpu luhrü tsü hi licho: arüh luhrü tsü nyüchüro lahpi Ataroth Addar lanü dikeh Athahhlang Beth Horon,

⁶ko hütsü lanü Mediteranean Kihdi chihcho. Mikmethath tsü kihku lahpi licho. Nyüchürolang luhrü tsü Tannath Shilo lang jowü Janoa nyüchüro langthring jowü licho.

⁷Hütsüpü Janoa lanü Ataroth ko Nara jowü Jeriko chii ko Jordan la changkacho.

⁸Lurü tsü nyüzüdulang Tapua lanü Kana yongkhi chii ko Mediteranean kihdi la changkacho. Alih hi Efraim hung tsutpu khyang,

⁹Manase luhrü tashi la zehba yangdi ko yangti khürü zeh jüchoba lile.

¹⁰Ta arühnü Gezer la liba Kananrü tsü mükoh iipehcho, hütsünü chünye yingcheh Efraimrü yola Kananrüsü lire, ta arüh tsü ayurüthsa khing nguchisohre.