Read Sangtam Naga JOSHUA 20 Bible Online

JOSHUA 20 - Sangtam Naga bible

JOSHUA 20

¹Hütsüpü ABÜDONGBAnü Joshua te yocho,

²Israelrü te young, “Ihnü nührü te Mosa khu yocho kyo, atsikehchah yangditi throchehng.

³Nyüh khüdunü thsameh khürü kyüsehkhang, rühyangnung yangchirü tenü wü hütsüla tsiyohnung kohle.

⁴Abinü hiri yangdi khüdu yang shang tsiwü yangdi la züduba tbükhüm la yukhachah azirü te atikehcho tsü yonung kohle. Hütsükhang arühnü yangdi la tsü züdusohnung ko abi linung müdüm khüdu jüpü hütsüla lisohnung.

⁵Ko rühyangnung iirorü tsünü hütsü chii iironye, arühnü abi tsü arüh khyang müjünung. Arühnü abi khümchobae tunüo abinü nyitsarüba tsü ahsanü mah, ta thsamehnü kyüsehcho lile.

⁶Abi tsü misha yu mükhade ko hütsü shikhe Amungthriba Bebüba tsü müsüde hütsüla lisohng. Hütsüpü du arüh yanglang thali wünung kohle.”

⁷Achotsü nyüzüdulang Jordan lahpi arühnü Naftali Azong lih Galil la Kedesh; Efraim azong lih la Shekem; ko Juda azong lih la Hebron throchehcho,

⁸Nyüchüro Jordan, Jeriko nyüchürolang Jeriko ngah la arühnü Reuben la Bezer; Gad lih Gilead la Ramoth; ko Manase lih Bashan la Golan throchehcho.

⁹Hiri atsikehchah yangditi hi Israelrü ko arüh yola liyaba shuparü atümung nengdang licho. Thsameh sünü kyüsehnang, rühyangnung yangchirü tenü abinü hütsüla akhümcho ngunung; amülung bete yu mükhade abi kyüsehnung mükoh.