Read Sangtam Naga 2 TESALONIKARÜ 2 Bible Online

2 TESALONIKARÜ 2 - Sangtam Naga bible

2 TESALONIKARÜ 2

¹Jünirüti, Ihsa Abüdongba Jisu Khrista ronung ko abi te müjang shibülung linung nengdang: Abüdongba Nyümong ropehkopü chonü nührü lüm tüdhama, mahkhang lasih tümütrung pü Ihnü nührü te kihchire.

²Hi Ihnü choyohde mahkhang thsingyude yocho mahkhang vathrah la thrahchoepü lüm linung kohle.

³Sü khyangsü tulasü nührü tükiyohchüsoh. Tunüo achangka nyümtaba mütikehde, ko Akhürahbong sü khyang mümehmi yohpüjüro, abi mümishade, achangka Nyümong tsü müronung.

⁴Abinü tsingrangepü dsiba ko mübüba kohro apüm nyüm yanung ko arüh atümung michah apu amichahba kangnung. Abinü Tsingrangba amübükuh la züdu pümnung ko apu jangjang tsingrangbaepü yonung.

⁵Nührünü mülümkehrü mah-o? Ih nührü te lide hiri apüm Ihnü nührü te yoko.

⁶Ta ade hiri mütikehsohnung tunünang yatire, ko hütsü tunang nührünü müdhele. Hütsü, Akhürahbong tsü akyang mishanung.

⁷Münyichehchehba Akhürahbong tsü nguchinung dikehko, ta sünü yatiro, abi tsü mükhyümüidelü tu tikehnung liro, hütsü mütikehnung.

⁸Hütsüpü Akhürahbong tsü mishanung, ta khode Abüdongba Jisu ronang, abinü abe lanü asahnü abi mapsehnung, ko abi romih ahechinü abi changjünung.

⁹Akhürahbong tsü Satan zii la ronung, ko arahkheh anyemüyang ko thsayahiya lüpcho nguchinung,

¹⁰ko achangnung nyitsarü chah kihyochüba lüpcho bichinung. Arüh changnung, tunüo khümchonung shulüm yuje tsü mümüi ko mükhyücho.

¹¹Hütsünü arahkheh yudsisohnung Tsingrangbanü arahkheh zii arüh yola nguchisohnung müthehcho.

¹²Hütsünü yuje chah müyudsipü amünyi la künyangküshi lirü atümung mülangjünung.

¹³Abüdongbanü müiba jünirüti, nührü nengdang bekhyah apüm la ihrünü Abüdongba khyang anengse jüre. Tunüo yuje la nührü yudsinü ko nührü Tsingrangba amüsa nyitsarü kangnung Anbü ziinü nührü akhu khümchorü yola zehnungba abinü nührü throcho.

¹⁴Ihrünü thsingyuba Yuse Atsa khu Tsingrangbanü hi nengdang nührü dsicho; Ihsa Abüdongba Jisu Khrista ahechi la nührü nohlüm khyünung abinü nührü dsicho.

¹⁵Hütsüeko jünirüti, ihrünü yunü ko vathrahnü nührü te tu yocho, hütsüri yuje la drengdreng yang ko yümpung.

¹⁶Ihsa Abüdongba Jisu Khrista apunü ko Au Tsingrang sünü Ihsa müicho, ko abi achomang la Ihsa khyang müchangkaba re ko adrengdreng alongdi jücho,

¹⁷abinü lede atsa nguchinung ko chonung rezeh ko müsi zinü nührü jengsohng.