Read Sangtam Naga IBRIRÜ 5 Bible Online

IBRIRÜ 5 - Sangtam Naga bible

IBRIRÜ 5

¹Amungthriba Bebü müipi tsü anyitsarü yolanü arüh nengla kangmübü ko münyi mübü jünung ko Tsingrangba dikehnung throchehre.

²Abisü lang adrong la suh müzehchonü, amümüdherü ko thsamehrü te longlüm kangchehre.

³Ko apu mii suh müzehchonü, nyitsarü münyi nengdang du mah, ta apu münyi nengdangsü abinü kangmübü jüre.

⁴Sünüsü abürü nengdang amungthriba bebü adhichi müthrore. Ta Aron dsicho roh-i Tsingrangba adsibanü nyitsarü khüdu amungthriba bebü kangsohre.

⁵Hütsü kyo, Khristanü apu nengdang amungthriba bebü adhichi mükhyü. Hütsü mülih, Tsingrangbanü abi te yocho: “Nüh I tsurü; Chünye Ihnü nüh nümüsure.”

⁶Abinü apa müdüm-o lasü yocho, “Melkizedek chung rocho la, nüh müchangkaba bebürü thsanung.”

⁷Limih la abi akang lide Jisunü abi asücho lanü khümchonung kohba Tsingrang te züdenü nahshükih threh kihchicho. Ko abi alonglüm ko khakhuchüjüba khu Tsingrangbanü abi te nyicho.

⁸Ta abi Tsingrangba Tsurü thsanye, abinü chongcha khu yocho nyiba nyichocho.

⁹Khode abi dekheng kangsohcho, ayu nyirü atümung nengdang abi tsü müchangkaba akangcheh pohchehchah kangcho,

¹⁰ko bebürü chung rocho la Melkizedek Tsingrangbanü abi amungthriba bebürü kangsohcho.

¹¹Hi nengdang ihrünü ayonung khütang lile, ta changnah yonung athsah-e, tunüo nührü anyichehnung dee khaile.

¹²Nührü adorü kangpü linung bekhyah kükyo liko, ta ade yingcheh Tsingrangba yusi akhudiba anyichoba mii nührü te donung thsütah kangko. Tsuyongnung amüküp tsunung müli, ade yingcheh nyikih du yongnung kangko.

¹³Sü nyikih yongro abi adesü akhungae, ko atsa amütsa tu mümüdhe.

¹⁴Sürünü atsa amütsa changsah nguchinung müdhero, tsuyongnung amüküp tsü arüh nengdang lile.