Read Sangtam Naga JAKOB 1 Bible Online

JAKOB 1 - Sangtam Naga bible

JAKOB 1

¹Tsingrangba ko Abüdongba Jisu Khrista dikehrü Jakob chahnü: Liküp la shupishuza liba Tsingrangba tsurüti atümung te salüm müdhesohre.

²Ajünirüti, khode athsatsü alangalang ro mütohnang hütsü amüwaepü khiching,

³tunüo nührü yudsi thsatsücho khunü arangcho chürosohrepü nührünü müdhele.

⁴Nührü tunüsü mümüdsipü akükyüh ko apisa kangnung nengdang, akang ayung amükoh müngusohpü rangcho wünung müküpm.

⁵Nührü yola khürü lümlongnü müdsi likhang, abinü Tsingrangba sünü hütsü nührü khyang jüro, abi te dangkhidangnang; tunüo Tsingrangbanü atümung khyang amükangnü ko achomangnü jüre.

⁶Ta khode nührünü dangkhidangnangro, tu mütütohnyünyehpü yudsing. Sünü tütohnyünyehro abi nyübongnü füchiba kihdi kiloh kyole.

⁷Hütsü kyo nguchi apüm la müdhacheh ko müdhrongchehba nyitsarünü, Abüdongba chahnü tusü ngunung tülongdi.

⁹Khode ailümrü khristan khüdu Tsingrangbanü dhimüsunang künyang,

¹⁰ko alirü Tsingrangbanü jowüsohde künyang. Tunüo rangmü yungpi khüdu kyo kuthsi tsü changpehnung.

¹¹Nyü tsü trüpnah dhsa chürore, za tsü tasehre; yungpi tsü trülohre, ko abi atsah atsa tsü changre. Hütsü kyo, alirü tsüsü abi shithsabhüleh rachide changpehnung.

¹²Sünü athsatsü rangchoro abi amüwanung; tunüo khode abinü athsatsü tsü kohnang, Tsingrangbanü abi müirüti khyang jünung nyengchocho akang tsü ngunung.

¹³Khode nyüh khüdu thsatsonang, “Hiba athsatsü hi Tsingrangba chahnü rochoepü” tüyo. Tunüo amünyinü Tsingrangba thsatsünung mükoh, ko abinüsü süsü müthsatsüre.

¹⁴Ta khode nyüh khüdu apu amünyi mükhyahmürahnü tphah nowü xohnang, hütsüde thsatsüre.

¹⁵Khode amünyi mükhyahmürahnü abi jengnang amünyi surore; ko khode amünyi tsü zinang, asüba surore.

¹⁶Amüiba jünirüti, nührü tükiyohchüsoh!

¹⁷Jiyü atsa ko apisa apüm ninglangnü lile; ninglang atsingseti thriba, sü mümülichiro mahkhang rehnye mümaro, hiba Tsingrang chahnü lile.

¹⁸Abinü thricho akang apüm yola amungthriba kangnungthsa, apu lümchonü yuje yu khu abinü Ihsa chürosohcho.

¹⁹Amüiba jünirüti, hi lümkehng! Atümungnü nyisinung dhsüthsang, ta achonung ko zichüronung khaiding.

²⁰Nyitsarü zichürochonü Tsingrangba amüsa alümcho mütikehchehre.

²¹Hütsüeko amümüsa ko akhürah saying apüm pehjüng. Ko Tsingrangbanü nührü lasih la lengjüba yu khüinü nührü khümchonung kohro hütsü khyüchoung.

²²Ta nührü abürü jangjang kihyochü ayuchirü du mükangpü anguchirü kang.

²³Sünü yu tsü yuchiro, ta nguchi kang münguchiro, hütsü nyüh khüdunü tsahrising la dhengde apu tsah ngucho kyo lile.

²⁴Abinü apu tsah chah dhengpü tsirü, ta tu kyorünang athsahkhüti nbüchopehre.

²⁵Ta sünü nyitsarü nyüje yujeba yuzeng la dhengro, ko yuchipü münbüchüpü nguchi kang nguchiro, abi nguchicho la Tsingrangbanü abi müwajünung.

²⁶Khürünü abi amüsabaepü lümrü mah-o? Abinü apu müle mürahsehkhang, abi yangthsa tsü amii müle, ko abinü apu kihyochüre.

²⁷Au Tsingrangnü amüthsengcheh ko yuje yangthsaepü khichiba tsü hie: Mürürüti ko chomilarüti arüh chongcha la dhengnung ko limih athsangnyang lanü za linung.