Read Sangtam Naga JAKOB 4 Bible Online

JAKOB 4 - Sangtam Naga bible

JAKOB 4

¹Nührü yola khata ko yübüta hidoi hi khüdenü chüroro? Arüh tsü nührübürü chah lede khatanü liba nührü mükhyahmürah lümlong khu rore.

²Nührünü mükhyahre, ta müngure, hütsünü nührünü mapsehnung du dhrongchehre; nührünü khütang mükhyahre, ta münguchehre, hütsünü arühnü khatare ko yübütare. Nührünü khyünyücho tsü müngure tunüo nührünü hütsü nengdang Tsingrangba te müchingre.

³Ko nührünü ching nye müngure, tunüo nührü nahdhengkeh tsü amütsae; nührübürü künyangküshi nengdang nührünü chingre.

⁴Yuje mücho nyitsarüti! Limih te shangrü thsaba tsü Tsingrangba münyehrüepü mümüdherü do? Sünü limih te shangrü thsanyüro, abinü apu jangjang Tsingrangba münyehrü kangre.

⁵Amüsa yunü, “Tsingrangbanü Ihsa chah lisohba anbü tsü nahmohnü jeng lile,” pü yoba tsü arahkheh mah.

⁶Ta Tsingrangbanü jüba achomang tsü alaa adiu. Amüsa yunü hita yore: “Tsingrangbanü amüthsehrü yatire, ta alonglümrü khyang achomang jüre.”

⁷Hütsüeko, Tsingrangba pohki lieng. Motsing nyüm yang ko abinü nührü dro tsinung.

⁸Tsingrangba shündhün rung, ko abinü nührü shündhün ronung. Nührü münyirüti! Nührü kheh müsang. Nührü akhürahrüti! Nührü lasih müthsengchehng.

⁹Wahnü tra meshüng; nührü münyüba atraba kang, nührü akünyang tsü alongri kang!

¹⁰Abüdongba jingte nührü jangjang longlüm kang, ko abinü nührü dhimüsunung.

¹¹Jünirüti, nührü khüdunü khüdu nyüm mülang tüjüta. Sünü khristan jünirü khüdu mülangjüro mahkhang yukharo, abinü yuzeng mülangjüre ko yukhare. Nühnü yuzeng yu khakhang, adelü nüh yuzeng nyirü mah, ta hütsü yukharü kangre.

¹²Tsingrangba du tsü yuzengjürü ko yukharü lile. Abi dunü khümchonung ko thsangnyangjünung kohle. Ajünirü yu khanung nüh süepü lümro?

¹³Hi nyieng! Nührünü hita chore, “Chünye mahkhang atu yangdi khüdu lang wünung, ko kang khüdu hütsüla linü shithsabhüleh thsi khütang khyübülungnung.”

¹⁴Atu nührü akang tu kangnung hütsü mii nührünü mümüdhe. Nührü akang tsü azachah shüchipü changpehba kihsah kyole.

¹⁵Nührünü hita yonungbae: “Abüdongbanü lümkhang, Ihrünü akang linung ko hi mahkhang hütsü nguchinung.”

¹⁶Ta ade nührünü müthsehre, ko tüzümükhümre; hitari tüzümükhüm apüm amüthsalang.

¹⁷Hütsünü, sünü atsa nguchinung müdhepü münguchirünang abi nengdang hütsü amünyi.