Read Sanskrit साधोः लूकसस्‍य (लूकस्‍य) अनुसारं शुभः समाचारः 1 Bible Online

साधोः लूकसस्‍य (लूकस्‍य) अनुसारं शुभः समाचारः 1 - Sanskrit bible

साधोः लूकसस्‍य (लूकस्‍य) अनुसारं शुभः समाचारः 1

¹प्रिय थेओफिलुस! ये आदितः प्रत्‍यक्षदर्शिनः तथा शुभसंदेशस्‍य सेवकाः आसन्‌, तेभ्‍यः अस्‍मभ्‍यम्‌ या परम्‍परा प्राप्‍ता, तस्‍याः आधारे बहवः मानवाः अस्‍माकं मध्‍ये घटितानाम्‌ घटनानाम्‌ वर्णयितुं प्रयासं कृतवन्‍तः।

³मया अपि आरम्‍भात्‌ सर्वम्‌ एतत्‌ अवधानतः अनुसन्‍धानं कृतम्‌। अतः श्रीमान्‌ थेओफिलुस! भवत्‍कृते अस्‍य सर्वस्‍य वर्णनम्‌ उचितं आसीत्‌

⁴येन भवान्‌ अपि बुध्‍येत यत्‌ या शिक्षा भवता प्राप्‍ता सा सत्‍या।

⁵यहूदियायाः नृपस्‍य हेरोदेसस्‍य शासने अबीय्‍याहस्‍य दलस्‍य जकर्याहः नामकः एकः याजकः आसीत्‌। तस्‍य पत्‍नी एलीशेबा, हारूनवंशस्‍य आसीत्‌।

⁶तौ परमेश्‍वरस्‍य दृष्‍टौ धार्मिकौ आस्‍ताम्‌ तौ प्रभोः सर्वासाम्‌ आज्ञानाम्‌ नियमानाम्‌ च निर्दोषेन सह अनुसरणं कुरुतः स्‍म।

⁷तयोः कापि सन्‍ततिः नासीत्‌, यतः पत्‍नी वन्‍ध्‍या आसीत्‌, तौ वृद्‌धौ अपि संजातौ।

⁸जकर्याहः नियुक्‍तेः क्रमे याजकस्‍य कार्यम्‌ कुर्वन्‌ आसीत्‌।

⁹कस्‍मिंश्‍चित्‌ दिवसे याजकानाम्‌ प्रथायाः अनुसारं तस्‍य नाम्‍नि

¹⁰पत्रम्‌ निर्गतम्‌ यत्‌ सः प्रभोः मन्‍दिरे धूपं प्रज्‍वलितं कुर्यात्‌।

¹¹धूपप्रज्‍वालयन्‌ समये समस्‍ता जनता बहिः प्रार्थनां कुर्वन्‍ती आसीत्‌। तस्‍मिन्‌ एव समये प्रभोः दूतः धूपवेद्‌याः दक्षिणे अदृश्‍यत।

¹²जकर्याहः तं दृष्‍ट्‌वा भीत्‍या व्‍याकुलतां गतः;

¹³परन्‍तु स्‍वर्गदूतः तम्‌ अकथयत्‌, “जकर्याह! मा भयम्‌ आप्‍नुहि। भवतः प्रार्थना श्रुता - तव भार्यायाः एकः पुत्रः भविष्‍यति, तस्‍य नाम योहनः भविष्‍यति।

¹⁴भवान्‌ आनन्‍दितः, उल्‍लसितश्‍च भविष्‍यति, तस्‍य जन्‍मनि बहवः जनाः आनन्‍दिताश्‍च भविष्‍यन्‍ति।

¹⁵सः प्रभोः दृष्‍टेः महान्‌ भविष्‍यति, द्राक्षारसं मदिरां च न पास्‍यति। मातृगर्भे एव पूतात्‍मना परिपूर्णः भविष्‍यति।

¹⁶तस्‍य प्रेरणया अनेके इस्राएलनिवासिनः प्रभौ मतिं विधास्‍यन्‍ति।

¹⁷सः पितुः पुत्रस्‍य मेलनं कारयितुम्‌, स्‍वेच्‍छाचारिभ्‍यः धर्मिणाम्‌ सद्‌बुदि्‌धं प्रदातुं, प्रभोः कृते एकां सुयोग्‍यां प्रजां सज्‍जीकर्तुम्‌ एलियाहस्‍य मनोभावेन सामर्थ्‍येन च सम्‍पन्‍नः प्रभोः अग्रदूतः भविष्‍यति।”

¹⁸जकर्याहः स्‍वर्गदूतम्‌ अवदत्‌ - “अहं वार्धक्‍येन आपन्‍नः, जाया मे जरया आतुरा, पुत्रः आवयोः सम्‍भवेत्‌ इति कः तव वचने श्रद्धास्‍यति?”

¹⁹स्‍वर्गदूतः तम्‌ अब्रवीत्‌-“अहं गब्रिएलः अस्‍मि - परमेश्‍वरस्‍य पुरतः तिष्‍ठामि। तुभ्‍यम्‌ इमं शुभसमाचारं श्रावयितुम्‌ अहं तेन प्रेषितोऽस्‍मि।

²⁰अतः फलप्राप्‍तिं यावत्‌ मूको भविष्‍यसि, यतः मे सत्‍ये वाक्‍ये त्‍वया विश्‍वासः न कृतः।”

²¹जनता जकर्याहस्‍य प्रतीक्षायाम्‌ चिन्‍तिता आसीत्‌ यत्‌ सः किमर्थम्‌ चिरायते।

²²बहिः आगत्‍य सः वक्‍तुं न अशक्‍नोत्‌। तथाविधं तं वीक्ष्‍य जनाः मिथः अवदन्‌ - “अयं दिव्‍यदर्शनं प्राप्‍तः अस्‍ति।” सः इडि्‌.गतैः आत्‍मनः भावान्‌ प्रकटयन्‌ मूकः एव अतिष्‍ठत्‌।

²³सेवाकाले समाप्‍ते असौ स्‍वं गृहमागतः।

²⁴कालक्रमेण एलीशबा, तस्‍य भार्या गर्भवती बभूव। सा पत्र्च मासान्‌ यावत्‌ एवं कथयन्‍ती गर्भम्‌ अगूहयत्‌ -

²⁵“एतद्‌ प्रभोः वरदानम्‌ अस्‍ति। समाजे मे कलंकं दूरीकर्तुम्‌ प्रभुर्मयि अदयत।”

²⁶एलीशबायाः गर्भस्‍य षष्‍ठे मासि स्‍वर्गदूतः गब्रियलः परमेश्‍वरेण गलीलप्रदेशे नासरेतनामके नगरे एकां कुमारिकायां समीपे प्रेषितः।

²⁷यस्‍याः वाग्‍दानं दाऊदस्‍य वंशजस्‍य युसुफनाम्‍ना पुरुषेण सह अभवत्‌। तस्‍याः नाम मेरी आसीत्‌।

²⁸स्‍वर्गदूतः अभ्‍यन्‍तरम्‌ आगत्‍य ताम्‌ उवाच - “भवते प्रणामः प्रभोः कृपापात्रि! प्रभुः त्‍वया सह विद्‌यते।”

²⁹एतैः वचनैः सा भयभीता बभूव, मनसि अचिन्‍तयत्‌, अस्‍य प्रणामस्‍य को अभिप्रायः अस्‍ति।

³⁰तदा स्‍वर्गदूतः ताम्‌ अवदत्‌ - “मा बिभीहि, प्रभुः त्‍वाम्‌ अनुकम्‍पते।

³¹पश्‍यतु, भवती गर्भम्‌ आप्‍स्‍यति, पुत्रं जनयिष्‍यति। तस्‍य नाम “येशुः” दास्‍यति।

³²सः महान्‌ भविष्‍यति, सर्वोच्‍चस्‍य प्रभोः पुत्रः कथयिष्‍यते। प्रभुः परमेश्‍वरः तस्‍मै दाऊदस्‍य सिंहासनं प्रदास्‍यति।

³³सः याकूबस्‍य वंशे सदा राज्‍यं करिष्‍यति, तथा तस्‍य राज्‍यस्‍य अन्‍तः न भविष्‍यति।”

³⁴सा बाला स्‍वर्गदूतम्‌ अकथयत्‌, “अयं कथं संभवः? मम तु पुरुषेण सह संसर्गः नास्‍ति।”

³⁵स्‍वर्गदूतः प्रत्‍युतरत्‌ - “पवित्रात्‍मा त्‍वयि अवतरिष्‍यति, तथा सर्वोच्‍चस्‍य प्रभोः शक्‍तेः छाया त्‍वयि पतिष्‍यति। अतः भवत्‍याः यः पुत्रः उत्‍पन्‍नः भविष्‍यति, सः पवित्रः भविष्‍यति तथा परमेश्‍वरस्‍य पुत्रः कथयिष्‍यते।

³⁶पश्‍यतु, वार्धक्‍ये भवत्‍याः कुटुम्‍बिनी एलीशेबा अपि गर्भं धारयति। इदानीं, तस्‍याः या बन्‍ध्‍या अकथयत, गर्भस्‍य षष्‍ठः मासः अस्‍ति।

³⁷यतः परमेश्‍वराय सर्वः संभवः अस्‍ति।

³⁸सा दूतम्‌ अवदत्‌, “पश्‍यतु, अहं प्रभोः दासी अस्‍मि, त्‍वदीयं वचनं मयि पूर्णतां व्रजेत्‌।” स्‍वर्गदूतः तस्‍याः सकाशात्‌ अगच्‍छत्‌।

³⁹तेषु दिवसेषु “मेरी” पर्वतीयप्रदेशे यूदः एकं नगरं प्रति अतिशीघ्रम्‌ अचलत्‌।

⁴⁰सा जकर्याहस्‍य गृहे प्रविश्‍य एलीशेबाम्‌ अभ्‍यवादयत्‌।

⁴¹अभिवादनं श्रुत्‍वा गर्भस्‍थितः बालः अपि उत्‍प्‍लुतवान्‌। पवित्रात्‍मना पूर्णतामागत्‍य एलीशेबा उच्‍चस्‍वरेण अवदत्‌,

⁴²“भवती नारीणां धन्‍या वर्तते, तथा धन्‍यः वर्तते भवत्‍याः गर्भस्‍य फलम्‌!

⁴³मह्‌यम्‌ अयं सौभाग्‍यः कथं प्राप्‍तः, यत्‌ मम प्रभोः माता मम पार्श्‍वे आगच्‍छत्‌!

⁴⁴यतः पश्‍यतु यावत्‌ एव भवत्‍याः प्रणामः मम कर्णयोः अपतत्‌, बालः मम गर्भे उत्‍प्‍लुतवान्‌।

⁴⁵धन्‍या च भवती यस्‍याः विश्‍वासः अभवत्‌, यत्‌ प्रभोः वचनं पूर्णम्‌ भविष्‍यति।”

⁴⁶तदा मेरी अकथयत्‌ - “मम आत्‍मा प्रभोः गुणगानं करोति,

⁴⁷मम मनः स्‍वमुक्‍तिदातरि परमेश्‍वरे आनन्‍दितः भवति;

⁴⁸यतः सः स्‍वदीनदास्‍यां कृपादृष्‍टिम्‌ अकरोत्‌। अधुनातः सर्वे अन्‍वयाः मां धन्‍यां कथयिष्‍यन्‍ति;

⁴⁹यतः सर्वशक्‍तिमान्‌ मत्‍कृते महाकार्यम्‌ अकरोत्‌। तस्‍य नाम पवित्रम्‌ वर्तते!

⁵⁰तस्‍य कृपा श्रद्‌दधानेषु भक्‍तेषु एकान्‍वयात्‌ अन्‍यान्‍वयं यावत्‌ तिष्‍ठति।

⁵¹तेन स्‍वबाहुबलं प्रदर्शितम्‌, सः अभिमानिनः इतः ततः प्रेषितवान्‌।

⁵²सः शक्‍तिशालिनः तेभ्‍यः आसनेभ्‍यः अधः अपातयत्‌। तेन दीनहीनाः महान्‍तः निर्मिताः।

⁵³तेन दरिद्राः सम्‍पन्‍नाः कृताः तेन धनिनः रिक्‍तहस्‍तैः प्रत्‍यवर्तिताः।

⁵⁴अब्राहमं तथा तस्‍य वंशं प्रति स्‍वचिरस्‍थायीं दयां स्‍मृत्‍वा,

⁵⁵सः अस्‍माकं पूर्वजान्‌ प्रति स्‍वप्रतिज्ञायाः अनुसारम्‌ स्‍वदासस्‍य इस्राएलस्‍य स्‍मरणं कृतवान्‌।”

⁵⁶त्रीन्‌ मासान्‌ यावत्‌ एलीशबया सह स्‍थित्‍वा मेरी स्‍वकं गृहं प्रत्‍यागच्‍छत्‌।

⁵⁷प्रसवसमये प्राप्‍ते एलीशेबा पुत्रम्‌ अजनत्‌।

⁵⁸प्रतिवेशिनः संबंधिनश्‍च प्रभोः दयां स्‍मृत्‍वा हर्षाधिक्‍यम्‌ आप्‍नुवन्‌।

⁵⁹अष्‍टमे दिवसे ते सर्वे सम्‍मिलिताः भूत्‍वा बालस्‍य नाम तस्‍य पितुः नाम्‍नि “जकर्याहः” दातुम्‌ ऐच्‍छन्‌,

⁶⁰परन्‍तु बालस्‍य माता अवदत्‌, अस्‍य नाम “योहनः” दास्‍यते। सर्वे ताम्‌ अपृच्‍छन्‌ -

⁶¹“अयं नाम तव संबंधिषु कस्‍यापि न वर्तते।”

⁶²तदा सर्वे नामविषये जकर्याहम्‌ इंगितैः पृष्‍टवन्‍तः।

⁶³सः काष्‍ठफलके लिखितवान्‌ “अस्‍य नाम योहनः अस्‍ति।”

⁶⁴तस्‍मिन्‍नेव क्षणे जकर्याहस्‍य मुखस्‍य तथा जिह्‌वायाः बन्‍धनानि नष्‍टानि,

⁶⁵अतः सः परमेश्‍वरस्‍य स्‍तुतिं कर्तुम्‌ आरब्‍धवान्‌। सर्वे प्रतिवेशिनः आश्‍चर्यचकिताः सत्र्जाताः। यहूदियायाः पर्वतीयेषु प्रदेशेषु इयं वार्ता द्रुतम्‌ प्रासरत्‌।

⁶⁶सर्वे सविस्‍मयं प्राहुः-“न विद्‌मः अयं बालकः कः भविष्‍यति?” बालके प्रभोः अनुग्रहः अतिष्‍ठत्‌।

⁶⁷जकर्याहः पवित्रात्‍मना परिपूर्णः भूत्‍वा एवं ब्रुवन्‌ च भविष्‍यवाणीम्‌ अकरोत्‌ -

⁶⁸“धन्‍यः वर्तते प्रभो! इस्राएलस्‍य परमेश्‍वरः! सः स्‍वप्रजानाम्‌ स्‍मरणम्‌ अकरोत्‌ तस्‍य उद्‌धारम्‌ अकरोत्‌।

⁶⁹स्‍वदासस्‍य दाऊदस्‍य वंशे अस्‍मत्‍कृते एकं सर्वशक्‍तिसम्‍पन्‍नं मुक्‍तिदातारं अजनयत्‌।

⁷⁰सः स्‍वनबीनाम्‌ मुखेभ्‍यः प्राचीनकालात्‌ अकथयत्‌

⁷¹यत्‌ सः शत्रूणाम्‌ सर्वेषाम्‌ दुष्‍टानाम्‌ हस्‍तेभ्‍यः

⁷²अस्‍मान्‌ मोचयिष्‍यति स्‍वपवित्रविधानस्‍य स्‍मृत्‍वा अस्‍मासु पूर्वजेषु अनुकम्‍पयिष्‍यते।

⁷³सः प्रतिज्ञाय अस्‍माकं पितरम्‌ अब्राहमम्‌ अकथयत्‌ यत्‌ सः अस्‍मान्‌ शत्रूणाम्‌ हस्‍तेभ्‍यः बन्‍धनमुक्‍तान्‌ करिष्‍यति,

⁷⁴

⁷⁵येन वयं निर्भयतया, पवित्रतया धार्मिकतया च आजीवनम्‌ तस्‍य सम्‍मुखे सेविष्‍यामहे।

⁷⁶बालक! त्‍वं सर्वोच्‍चस्‍य परमेश्‍वरस्‍य नबी कथयिष्‍यसे; यतः प्रभोः मार्गम्‌ प्रशस्‍तं कर्तुम्‌

⁷⁷तस्‍य प्रजाः तस्‍याः मुक्‍तेः ज्ञानं कारयितुम्‌, यत्‌ पापानाम्‌ क्षमया ताभ्‍यः लप्‍स्‍यते, त्‍वं प्रभोः अग्रदूतः भविष्‍यसि।

⁷⁸अस्‍माकम्‌ परमेश्‍वरस्‍य प्रेमपूर्णदयया अस्‍मभ्‍यम्‌ स्‍वर्गात्‌ प्रकाशः प्राप्‍तः,

⁷⁹येन सः तिमिरान्‍धकारयोः छायायां स्‍थितेभ्‍यः ज्‍योतिं दद्‌यात्‌, अस्‍माकं चरणौ शान्‍तिमार्गे अग्रसरं करोतु।”

⁸⁰बालकः अवर्धत, तस्‍य शक्‍तिः विकसितवती। सः इस्राएलस्‍य समक्षे प्रकटस्‍य दिनं यावत्‌ निर्जनप्रदेशे अवसत्‌।