Read Sanskrit साधोः लूकसस्‍य (लूकस्‍य) अनुसारं शुभः समाचारः 16 Bible Online

साधोः लूकसस्‍य (लूकस्‍य) अनुसारं शुभः समाचारः 16 - Sanskrit bible

साधोः लूकसस्‍य (लूकस्‍य) अनुसारं शुभः समाचारः 16

¹अथ येशुः स्‍वकान्‌ शिष्‍यान्‌ पुनः इदम्‌ उक्‍तवान्‌, “कस्‍यचित्‌ धनिनः कश्‍चित्‌ अर्थप्रबन्‍धकः आसीत्‌। लोकाः तदन्‍तिकं गत्‍वा, तस्‍मिन्‌ अर्थप्रबन्‍धके “अर्थम्‌ नष्‍टं करोति” इति दोषारोपणम्‌ चक्रुः।

²धनिकः तं समाहूय अपृच्‍छत्‌ किं त्‍वयि श्रूयते? अहं साम्‍प्रतम्‌ अर्थप्रबन्‍धं ते ज्ञातुमिच्‍छामि। यतः त्‍वम्‌ अद्‌यः प्रभृति मे अर्थप्रबन्‍धकः न असि।

³तदा अर्थप्रबन्‍धकः अचिन्‍तयत्‌, साम्‍प्रतम्‌ अहं किं करोमि। यतः मम स्‍वामी मत्‌ पदात्‌ मम अपसारणम्‌ करोति, मम मृत्तिकामपि खनितुं बलं नास्‍ति। लोकेषु भिक्षाटनं कर्तुम्‌ मे मनः लज्‍जते।

⁴मया किं कर्तव्‍यं येन जनाः स्‍वीयगेहेषु मम स्‍वागतं कुर्युः।

⁵ततः सः स्‍वप्रभोः एकैकम्‌ ऋणधर्तारम् आहूय प्रथमं पृष्‍टवान्‌, स्‍वामिने कियत्‌ धारयसि?

⁶सः प्रत्‍युतरत्‌, तैलस्‍य शतं कुतुवः धारयामि। अथ सः तं प्राह - त्‍वं प्रपत्रकम्‌ आदाय पत्र्चाशतं लिख।

⁷पुनः स अन्‍यं पप्रच्‍छ - त्‍वया कियत्‌ धार्यते, वद। सः प्रत्‍युवाच - शतं द्रोणान्‌ गोधूमानां सहस्रं शाणकोषान्‌ धारयामि। सः तम्‌ आदिशत्‌ - स्‍वकीयपत्रके त्‍वम्‌ अशीतिः लिख।

⁸धनिकः स्‍वामी कुटिलार्थम्‌ प्रबन्‍धकस्‍य प्रशंसाम्‌ अकरोत्‌। यतः अस्‍य लोकस्‍य सन्‍तानाः मिथ विनिमये ज्‍योतेः सन्‍ततेः अधिकाः कुशलाः सन्‍ति।

⁹“अहं युष्‍मान्‌ ब्रवीमि - यूयं मिथ्‍याधनैः आत्‍मनोऽर्थे बहुमित्राणि विधत्त। येन यदा यूयं वित्तहीनाः भविष्‍यथ, तदा ते स्‍वर्गलोके युष्‍माकं स्‍वागतं करिष्‍यन्‍ति।

¹⁰यः जनः लघिष्‍ठेषु वृत्तेषु विश्‍वासी वर्तते, सः गरिष्‍ठेषु अपि वृत्तेषु विश्‍वस्‍तः वर्तते।

¹¹यस्‍तु लघिष्‍ठेषु वृत्तेषु अविश्‍वस्‍तः वर्तते, असौ गरिष्‍ठेषु वृत्तेष्‍वपि तथैव वर्तते।

¹²त्‍वं चेत्‌ अन्‍यस्‍य धने विश्‍वासी न असि, तर्हि युष्‍मासु को स्‍व वित्तं निक्षेप्‍स्‍यति।

¹³“कोऽपि द्वयोः स्‍वामिनो दास्‍ये संस्‍थातुं न शक्‍नोति। यतः सः दासः एकस्‍मिन्‌ प्रेमवृत्तिं करोति चेत्‌, तर्हि तस्‍य अपरस्‍मिन्‌ द्वेषवृत्तिः भविष्‍यति। एकं समादरिष्‍यति चेत्‌ अपरम्‌ अवमंस्‍यते। युष्‍माभिः परमेश्‍वरस्‍य धनस्‍य च उभयोः युगपद्‌ दास्‍यं कर्तुम्‌ नैव शक्‍यते।”

¹⁴एतत्‌ सर्वम्‌ आकर्ण्‍य लोभाविष्‍टान्‌, उपहासं प्रकुर्वाणान्‌ फरीसिनः

¹⁵येशुः इदम्‌ अब्रवीत्‌ - “लोकानां पुरतो यूयं धार्मिका इव दृश्‍यध्‍वे किन्‍तु परमेश्‍वरः युष्‍माकं हृदयं जानाति। मनुष्‍याणां मतौ यस्‍य महत्‍वं, परमेश्‍वरस्‍य दृष्‍टौ तद्‌ विगर्हितम्‌ वर्तते।”

¹⁶“योहनं यावत्‌, संहितायाः नबिनाम्‌ समयः आसीत्‌। ततः एव परमेश्‍वरस्‍य राज्‍यस्‍य शुभसमाचारः श्रावयते। सर्वे च तस्‍मिन्‌ प्रवेशप्राप्‍तुं यतन्‍ते।

¹⁷“द्‌यावापृथिव्‍यौ स्‍व स्‍थानाद्‌ विचलेतां कदाचन, परन्‍तु संहितायाः एकः अपि विन्‍दुः न एव अपगच्‍छति।

¹⁸“यस्‍तु स्‍विकां पत्‍नीं त्‍यक्‍त्‍वा अन्‍याम्‌ उद्‌वहते, सः व्‍यभिचारं करोति तथा यः पतित्‍यक्‍तां नारीमुद्‌वहते, सः अपि व्‍यभिचारं करोति।

¹⁹“कश्‍चित्‌ धनाढ्‌यः आसीत्‌, यः कृष्‍णलोहितम्‌, अतिसूक्ष्‍मं बहुमूल्‍यवसनं परिधत्तवान्‌। अतिसौख्‍येन सुखभोजनम्‌ कुर्वन्‌ च निवसन्‌ जीवनं यापयन्‌ आसीत्‌।

²⁰तस्‍य द्वारान्‍तिकं कश्‍चित्‌ लाजरुसः अभिधः नरः दारिद्रयेण समाक्रान्‍तः व्रणैश्‍च परिपीडितः उपविशति स्‍म,

²¹सः धनिनः भोज्‍यमत्र्चात्‌ प्रभ्रंशिभिः उच्‍छिष्‍टैः स्‍वां क्षुधां शान्‍तां कर्तुम्‌ उत्‍सुकः आसीत्‌। तस्‍य ब्रणान्‌ कुक्‍कुराः स्‍वजिह्‌वया लिहन्‍ति स्‍म।

²²एवं दुःखम्‌ अनुभवन्‌ सः दरिद्रः मृत्‍युं ययौ। ततः अब्राहमस्‍याड्‌.के स्‍वर्गदूताः तमार्पयन्‌। धनाढ्‌यः अपि अम्रियत, शवागारे स्‍थापितः च।

²³अधोलोके यन्‍त्रणाः सहन्‌, स्‍वे नेत्रे ऊर्ध्‍वम्‌ उत्‍थाप्‍य दूरात्‌ अब्राहमं, तथा तस्‍य अड्‌.के लाजरुसम्‌ अपि अपश्‍यत्‌।

²⁴सः उच्‍चैः अब्राहमं प्रोचे-पितः ! माम्‌ अनुकम्‍पतु, लाजरुसम्‌ मम अन्‍तिकं प्रेषतु, यथा स्‍वस्‍य अड्‌.गुल्‍याः अग्रभागं तोये निमज्‍जय सः मम जिह्‌वां शीतलां कुर्यात्‌। यतो अहं यातनायाः तीव्रज्‍वालायां ज्‍वलामि।

²⁵अब्राहमः ततो अवदत्‌, वत्‍स! स्‍मर, जीवने त्‍वं सुखम्‌ एव अभजः, तथा लाजरुसः नित्‍यं दुःखम्‌। इदानीं सः अत्र सान्‍त्‍वनां लभते, त्‍वं यातनाम्‌।

²⁶युष्‍माकम्‌ अस्‍माकं मध्‍ये महत्‌ अन्‍तरालं च वर्तते। अतः कश्‍चित्‌ एतस्‍मात्‌ स्‍थानात्‌ तव अन्‍तिकम्‌ गन्‍तुम्‌ इच्‍छन्‌ अपि गन्‍तुं न शक्‍नोति, ततः अपि च आगन्‍तुं न शक्‍नोति।

²⁷सः प्रत्‍युतरत्‌, हे पितः! त्‍वां निवेदयामि - भवान्‌ इमं लाजरुसम्‌ मे पितुःगृहम्‌ प्रेषतु।

²⁸यतः मे पत्र्च भ्रातरः सन्‍ति। लाजरुसः तेभ्‍यः सुनिर्देशं दद्‌यात्‌। ते सर्वे यातनामयम्‌ इदं स्‍थानं नागच्‍छेयुः।

²⁹अब्राहमस्‍तु तं प्राह-तेषां पार्श्‍वे मूसाः नबिनश्‍च शिक्षकाः सन्‍ति, ते तेषां शृण्‍वन्‍तु।

³⁰सः अब्राहमम्‌ अब्रवीत्‌ ते न शृण्‍वन्‍ति, किन्‍तु कश्‍चित्‌ मृतकेषु तेषां समीपे गच्‍छेत्‌ तदा ते पश्‍चात्तापं करिष्‍यन्‍ति।

³¹परन्‍तु अब्राहमः अवदत्‌ नैतत्‌ चापि सम्‍भवम्‌, यदि तेभ्‍यः न शृणवन्‍ति, तर्हि मृतकेष्‍वपि कस्‍मिंश्‍चिदुत्‍थिते अपि तस्‍मिन्‌ न प्रत्‍येष्‍यन्‍ति।