Read Sanskrit साधोः योहनस्‍य (यूहन्‍नः) अनुसारं शुभः समाचारः 18 Bible Online

साधोः योहनस्‍य (यूहन्‍नः) अनुसारं शुभः समाचारः 18 - Sanskrit bible

साधोः योहनस्‍य (यूहन्‍नः) अनुसारं शुभः समाचारः 18

¹सर्वम्‌ एतत्‌ सम्‍भाष्‍य येशुः शिष्‍यैः सह किद्रोनस्रोतस्‍य पारम्‌ जगाम। तत्र एकम्‌ उद्‌यानम्‌ आसीत्‌। तत्र सः स्‍वशिष्‍यैः सह प्रविवेश।

²यूदसः विश्‍वासघाती अपि तत्‌ स्‍थानम्‌ अजानीत, यतः येशुः तत्र पुनः पुनः गत्‍वा अतिष्‍ठत्‌।

³अतः यूदसः महापुरोहितानाम्‌ फरीसिंनाम्‌ च प्रेषितैः सैनिकैः, सैन्‍यदलेन सह च तत्र आगच्‍छत्‌। ते दीपैः उल्‍काभिः सह विविधैः अस्‍त्रशस्‍त्रैः सुसज्‍जिताः येशुं धर्तुम्‌ तत्र आगच्‍छन्‌।

⁴येशुः एतत्‌ विज्ञाय यत्‌ तं प्रति किं भाव्‍यम्‌ अस्‍ति, बहिः आगत्‍य तान्‌ ऊचे - “युष्‍माभिः कः गवेष्‍यते?”

⁵ते तं प्रत्‍यवदन्‌ - “येशु नासरिनम्‌।” येशुः तान्‌ प्रत्‍यभाषत - “अहम्‌ एव अस्‍मि सः” तत्र विश्‍वासघाती यूदसः अपि तैः साद्‌र्धम्‌ आसीत्‌।

⁶यदा येशुः तान्‌ ऊचे, “अहम्‌ एव असौ अस्‍मि” तदा ते कित्र्चित्‌ पश्‍चात्‌ अपसृत्‍य भूमौ अपतन्‌।

⁷येशुः तान्‌ पुनः प्रपच्‍छ - “युष्‍माभिः को गवेष्‍यते?” ते तं प्रत्‍यवदन्‌ - “येशुनासरिनम्‌।”

⁸येशु तान्‌ उवाच - “सः एव अहम्‌ इति यूयं मया उदिताः। यूयं यदि मम गवेषणां कुरुथ, तर्हि एतान्‌ गन्‍तुम्‌ दत्त।

⁹एतत्‌ सर्वम्‌ अभवत्‌ यत्‌ तस्‍य कथनं पूरयतु - त्‍वया मह्‌यम्‌ ये प्रदत्ताः, तेषां कोऽपि मया न विनाशं नीतः।”

¹⁰तदा सिमोनपतरसः कोशतः खड्‌.गं निष्‍कृत्‍य, प्रधानमहापुरोहितस्‍य दासस्‍य दक्षिणं श्रवणं समुदच्‍छिनत्‌। तस्‍य नाम मलकुसः आसीत्‌।

¹¹येशुः पतरसम्‌ अब्रूत - “खड्‌.गं कोशे निधेहि। पिता यं चषकं मह्‌यम्‌ अददात्‌, तं किम्‌ न पिबानि?”

¹²ततः सैन्‍यगणः तस्‍य सैन्‍यस्‍याधिपतिः तथा पदातयश्‍च येशुं धृत्‍वा अबध्‍नन्‌।

¹³ते प्रथमं येशुम्‌ अन्‍नासस्‍य अन्‍तिकं निन्‍यिरे; यतः सः तस्‍य वर्षस्‍य प्रधानमहापुरोहितस्‍य कैफसस्‍य श्‍वशुरः आसीत्‌।

¹⁴असौ सैव कैफसः आसीत्‌ यः यहूदिभ्‍यः परामर्शम्‌ दत्तवान्‌, “यत्‌ समस्‍तस्‍य प्रजावृन्‍दस्‍य हितार्थम्‌ एकस्‍य कस्‍यचित्‌ मरणं श्रेयम्‌ वर्तते।”

¹⁵सिमोन पतरसः, कश्‍चन चापरः शिष्‍यः येशुम्‌ अनुजग्‍मतुः। अयं शिष्‍यः प्रधानयाजकस्‍य परिचितः आसीत्‌। येशुना सह सः अपि महापुरोहितस्‍य गृहं प्राविशत्‌,

¹⁶परन्‍तु पतरसः गृहस्‍य प्रांगणं यावत्‌ गतवान्‌ द्वारस्‍य बहिस्‍तस्‍थौ। अन्‍य शिष्‍यः पुनः बहिः आगत्‍य द्वारपालिकया सह संलप्‍य सः पतरसम्‌ अपि तस्‍य गेहस्‍य अभ्‍यन्‍तरम्‌ आनयत्‌।

¹⁷द्वारपाली पतरसं जगाद - “त्‍वं च अपि किं मनुष्‍यस्‍य तस्‍य शिष्‍येषु कश्‍चन असि?” पतरसः प्रत्‍यवादीत्‌ ताम्‌ - “अहम्‌ तस्‍य शिष्‍यः नास्‍मि।”

¹⁸शीतस्‍य कारणाद्‌ दासास्‍तथा सर्वे रक्षकाः अग्‍निं प्रज्‍वाल्‍य तस्‍य तापम्‌ असेवन्‍त। पतरसः अपि तैः सह संविश्‍य तापम्‌ असेवत।

¹⁹ततः महापुरोहितः अन्‍नासः येशोः शिष्‍यान्‌ तथैव तस्‍य शिक्षाम्‌ अभिज्ञातुं तं बहु पृष्‍टवान्‌।

²⁰येशु तं प्रत्‍युवाच - “अहम्‌ लोकसम्‍मुखं सुस्‍पष्‍टम्‌ अब्रुवि। मया सदैव सभागृहे मन्‍दिरे नैव गुप्‍तं प्रोक्‍तम्‌ अस्‍ति।

²¹तद्‌ भवान्‌ कथं मां पृच्‍छति? तान्‌ एव पृच्‍छतु, ये मम शिक्षां श्रुतवन्‍तः। ते एव जानन्‍ति यत्‌ मया किं किं भाषितम्‌।”

²²एतत्‌ आकर्ण्‍य तस्‍य पार्श्‍वे स्‍थितः कश्‍चित्‌ सैनिकः तस्‍मै चपेटिकां दत्‍वा अब्रवीत्‌ - “त्‍वं महापुरोहितं प्रति इत्‍थं कथं बूरषे ।”

²³येशुः तम्‌ उवाच - ”मया चेत्‌ अयुक्‍तं कित्र्चन प्रोक्‍तम्‌, तर्हि त्‍वं तस्‍य अयुक्‍तत्‍वं प्रमाणीकुरु। यदि उचितं मया प्रोक्‍तम्‌, त्‍वं मां किमर्थं ताडयसि?”

²⁴ततः परम्‌ अन्‍नासः बद्धं येशुं प्रधानमहापुरोहितकैफसं प्रति प्रेषितवान्‌।

²⁵सिमोनपतरसः तदा तापं तिष्‍ठन्‌ असेवत। केचित्‌ तम्‌ आहुः - “किं तस्‍य शिष्‍यः त्‍वम्‌ चापि वर्तसे?” पतरसः अस्‍वीकुर्वन्‌ अब्रवीत्‌ - “अहम्‌ तस्‍य शिष्‍यः नास्‍मि।”

²⁶महापुरोहितस्‍य एकः दासः, तस्‍य संबंधी आसीत्‌, यस्‍य श्रवणं पतरसः असिना मूलतः अच्‍छिनत्‌। स अब्रूत - “किं त्‍वम्‌ उद्‌याने तेन सह मया न लक्षितः?”

²⁷पतरसः पुनः न स्‍वीकृतवान्‌, तत्‍क्षणम्‌ कुक्‍कुटः अरौत्‌।

²⁸ततः परम्‌ ते कैफसस्‍य सकाशात्‌ येशुं, राज्‍यपालगृहं निन्‍युः। प्रत्‍युषसमयः अभवत्‌। ते राज्‍यपालभवनं न प्राविशन्‌, यतः ते पास्‍कापर्वणः (फसहस्‍यपर्वणः) मेषं भोक्‍तुम्‌ ऐच्‍छन्‌। तेभ्‍यः अशुद्धेः भयम्‌ आसीत्‌।

²⁹ततः पिलातुसः बहिर्विर्निगत्‍य तानुवाच - “अस्‍य विरुद्‌धम्‌ युष्‍माभिः कोऽभियोगः विधीयते?”

³⁰ते तम्‌ ऊदुः - “यदि अयं दुराचारी न अभविष्‍यत्‌ तर्हि नायं भवतः पार्श्‍वम्‌ अस्‍माभिः अनयिष्‍यत्‌।”

³¹पिलातुसः तान्‌ ऊचे - “युष्‍माभिः एव अस्‍य न्‍यायः युष्‍माकं व्‍यवस्‍थायाः अनुरूपे विधीयताम्‌।” यहूदीधर्मगुरवः तं प्रोचुः - “वयं कस्‍य अपि कृते प्राणदण्‍डविधानाय नाधिकृताः।”

³²एतदर्थमभूदेतद्‌ यद्‌, तत्‌ येशोः वचनं सिद्‌धं भवेत्‌, येन असौ स्‍वं मृत्‍युं समसूचयत्‌।

³³ततः पिलातुसः पुनः राजभवनं प्राविशत्‌ तथा येशुम्‌ आहूय तमिदं पृष्‍टवान्‌, “किं त्‍वं यहूदिनां राजा वर्तसे?”

³⁴येशुः तं प्रत्‍युवाच “किमिदं मां स्‍वतः ब्रूते भवान्‌, वाऽन्‍येन केनचित्‌ इत्‍थं मम विषये प्रोक्‍तः।”

³⁵पिलातुसः अब्रवीत्‌ - “किम्‌ अहं यहूदी? त्‍वदीय जनाः, तथा महायाजकाः, त्‍वां मदीयहस्‍ते समर्पितवन्‍तः। किं कृतवान्‌ असि?”

³⁶येशुः तं प्रत्‍युवाच - “मम राज्‍यम्‌ अस्‍य जगतः न। यदि अस्‍य संसारस्‍य मम राज्‍यम्‌ अभविष्‍यत्‌, तदा मम अनुयायिनः धर्मगुरुणां हस्‍ते ममार्पणम्‌ वारयितुं प्राणव्‍ययेन्‌ अपि अयतिष्‍यन्‌। परन्‍तु मम राज्‍यं अस्‍य संसारस्‍य न वर्तते।”

³⁷एतद्‌ आकर्ण्‍य पिलातुसः अब्रवीत्‌ - “तर्हि त्‍वं राजा वर्तसे?“ येशुः तं प्रत्‍युवाच - “भवान्‌ सत्‍यं भाषते, अहं राजा अस्‍मि। संसारे एतदर्थम्‌ मम जन्‍मः अभवत्‌, तथा एतदर्थमत्र अहम्‌ आयातः अस्‍मि यतो मया सत्‍यस्‍य विषये साक्ष्‍यं दातव्‍यम्‌ अस्‍ति। यः सत्‍यस्‍य पक्षे अस्‍ति, असौ मां शृणोति।”

³⁸पिलातुसः पुनः येशुं पृष्‍टवान्‌ - “सत्‍यं किम्‌ अस्‍ति?” इदमुक्‍त्‍वा पुनः बहिः ययौ, धर्मगुरुणां समीपं गत्‍वा तान्‌ इदम्‌ अब्रवीत्‌ - “मया तु तस्‍मिन्‌ पुरुषे कोऽपि दोषो न लक्ष्‍यते,

³⁹परन्‍तु (फसहोत्‍सवे) पास्‍कोत्‍सवे सदा कश्‍चित्‌ काराबद्‌धः नरः मया युष्‍मदर्थम्‌ मोच्‍यते, एषा रीतिः सनातनी। अतः युष्‍माकम्‌ इच्‍छा चेद्‌, एषः यहूदिनाम्‌ राजा युष्‍मदर्थम्‌ विमोच्‍येत?”

⁴⁰इदं श्रुत्‍वा ते उच्‍चस्‍वरैः अवदन्‌, ”नैवायं जनः भवता मोच्‍यताम्‌। अस्‍य स्‍थाने भवता असौ बराबसः विमोच्‍येत।”