Read Sanskrit साधोः योहनस्‍य (यूहन्‍नः) अनुसारं शुभः समाचारः 21 Bible Online

साधोः योहनस्‍य (यूहन्‍नः) अनुसारं शुभः समाचारः 21 - Sanskrit bible

साधोः योहनस्‍य (यूहन्‍नः) अनुसारं शुभः समाचारः 21

¹ततः येशुः, तिबेरियसस्‍य सरोवरतटे पुनः स्‍वकीयशिष्‍याणां दृष्‍टिगोचरतां गतः। वृत्तमेतदभूदित्‍थम्‌ -

²सिमोनपतरसः, थोमसः यः यमकः कथ्‍यते स्‍म, कानानिवासी नतनएलः, जेबेदीपुत्रौ, येशोः अन्‍यौ द्वौ शिष्‍यौ, एते सहैवासन्‌।

³सिमोनपतरसः सर्वान्‌ प्रत्‍यभाषत - “मत्‍स्‍यान्‌ धर्तुम्‌ अहं गच्‍छामि।” ते तम्‌ अब्रुवन्‌ - “वयं चापि व्रजिष्‍यामः।” एवम्‌ उक्‍त्‍वा सर्वे नावमारुह्‌य अव्रजन्‌। किन्‍तु तस्‍यां रजन्‍यां तैः नैव कित्र्चन लब्‍धम्‌।

⁴प्रत्‍युषे च भवत्‍येव तटे येशुः दृष्‍टः अभवत्‌, किन्‍तु शिष्‍याः तं ज्ञातुं नाशकन्‌।

⁵येशुः तान्‌ अब्रवीत्‌ “वत्‍साः! कित्र्चन खाद्‌यं लब्‍धम्‌? ते तं प्रत्‍यभाषन्‍त “नैव लब्‍धं कित्र्चिन।”

⁶येशुः तान्‌ उवाच, “नावः दक्षिणपार्श्‍वतः जालं क्षिपत, यूयमवश्‍यं लपस्‍यध्‍वे।” ततः ते चिक्षिपुर्जालमियन्‍तः तत्र मत्‍स्‍यकाः अपतन्‌, येन तज्‍जालम्‌ आक्रष्‍टुं न अशक्‍नुवन्‌।

⁷तदा येशोः असौ शिष्‍यः यः तस्‍यातिप्रियः आसीत्‌, पतरसम्‌ इत्‍थम्‌ उवाच - “एष प्रभुः एव अस्‍ति।” पतरसः एतत्‌ समाकर्ण्‍य “असौ प्रभुः एव अस्‍ति“, तूर्णम्‌ वस्‍त्रम्‌ पर्यदधात्‌, यतः सः नग्‍नः आसीत्‌, ततः परं सरोवरे सहसा निपपात।

⁸अन्‍ये शिष्‍याः मत्‍स्‍यैः पूरितम्‌ जालम्‌ आकर्षन्‍तः नावं समारुह्‌य तटमुपागमन्‌। ते प्रायेण तटात्‌ दि्‌वशतहस्‍तकम्‌ दूरम्‌ आसन्‌।

⁹तटमुर्त्तीय तत्राड्‌.गारीयाग्‍न्‍युपरि रक्षितम्‌ भृष्‍टं मीनं, रोटिकाम्‌ च प्रत्‍यक्षीकृतवन्‍तः।

¹⁰येशुः तान्‌ अब्रवीत्‌, “युष्‍माभिः अधुना ये मत्‍स्‍याः धृताः, तेषां कतिपयान्‌ यूयं मामुपानयत।”

¹¹सिमोन पतरसः मत्‍स्‍यैः पूरितम्‌ जालं समाकृष्‍य तटमानयत्‌। तस्‍मिन्‌ जाले त्रिपत्र्चाशदधिकं शतम्‌ महान्‍तः मत्‍स्‍याः आसन्‌, तथापि तज्‍जालं नैव व्‍यदीर्यत।

¹²येशुः तान्‌ अब्रवीत्‌ - “आयात, अत्‍स्‍यामश्‍च।” शिष्‍येषु कोऽपि तं प्रष्‍टुम्‌ नोत्‍सेहे को भवान्‌ इति। ते जानन्‍ति स्‍म यत्‌ असौ प्रभुः अस्‍ति इति।

¹³येशुः तेभ्‍यः मत्‍स्‍यरोटिके वितरितुमारेभे।

¹⁴इत्‍थं येशुः मृतकानाम्‌ मध्‍यतः उत्‍थाय तृतीयं वारं शिष्‍याणां प्रत्‍यक्षतां गतः।

¹⁵प्रातराशात्‌ परं येशुः सिमोनपतरसं जगाद, “सिमोन! योहनस्‍य पुत्र! किं त्‍वम्‌ एभ्‍यः अधिकं मयि प्रेम कुरुषे? सः तं प्रत्‍यवादीत्‌, “प्रभो! भवान्‌ जानाति यत्‌ त्‍वयि मम प्रेम अविचलः वर्तते। येशुः तमब्रवीत्‌ - “मम मेषशावकान्‌ चारय।”

¹⁶येशुः पुनः द्वितीय वारं तमभाषत - “सिमोन! योहनात्‍मजः, किं मयि प्रेम कुरुषे? सिमोनपतरसः येशुम्‌ पुनः तथा प्रत्‍यवोचत्‌ - “प्रभो! भवान्‌ जानाति यत्‌ त्‍वयि मे प्रेम दृढ़म्‌।” येशु तम्‌ आह - ”मे मेषान्‌ चारय।”

¹⁷येशुः पुनः तृतीयवारं सिमोनमभाषत - “सिमोन! योहनसुतः किम्‌ मयि प्रेम करोषि?” एवं तृतीयवारं स पृष्‍टः अतिदुखितः अभवत्‌। पतरसं तं जगाद - “भवान्‌ सर्वज्ञः वर्तते। भवान्‌ जानाति यत्‌ मम भवति प्रेम सुदृढ़म्‌ वर्तते।” येशुः पुनः तथैवाह - “मम मेषान्‌ चारय।”

¹⁸अहं त्‍वां ब्रवीमि यदा त्‍वं तरुणः अभवः, तदा त्‍वं स्‍वां कटिम्‌ वद्‌ध्‍वा यत्रैच्‍छया स्‍वयम्‌ अचलः; यदा त्‍वं जराक्रान्‍तः भविष्‍यसि, हस्‍तौ विस्‍तारयिष्‍यसि कश्‍चित्‌ अन्‍यश्‍च तव कटिम्‌ बद्‌ध्‍वा त्‍वां चालयिष्‍यति, यत्र त्‍वं गन्‍तुं न वात्र्छसि।”

¹⁹एतै शब्‍दैः येशुः संकेतं दत्तवान्‌ यत्‌ केन प्रकारेण पतरसः परमेश्‍वरस्‍य महिमानं करिष्‍यसि। अन्‍ते येशुः पतरसं जगाद, “मम अनुसरणं कुरु।”

²⁰पतरसः अनुव्रजन्‌ प्रत्‍यावृत्‍य येशोः प्रियतरं शिष्‍यम्‌ अनुगच्‍छन्‍तम्‌ ददर्श, यः येशोः वक्षसि नत्‍वा तम्‌ पृष्‍टवान्‌ आसीत्‌, “प्रभो! कोऽसौ य भवन्‍तं शत्रुहस्‍ते अर्पयिष्‍यति?”

²¹पेत्रुसः तं समालोक्‍य येशुं सादरम्‌ प्रपच्‍छ - “प्रभो! किमस्‍य शिष्‍यस्‍य भविष्‍य इति वदतु।”

²²येशुः तं प्रत्‍युवाच - ”यदि एतत्‌ मेऽभिरोचते तर्हि यावद्‌ अहं पुनः आगमिष्‍यामि, तावत्‌ एषः अवतिष्‍ठेत्‌, तर्हि तव किम्‌ भवति? त्‍वं मामनुव्रज।”

²³ततः एतैः शब्‍दैः शिष्‍यमण्‍डले एषः प्रवादो प्रसूतः अभूत्‌ यत्‌ असौ शिष्‍यः न मरिष्‍यति। परन्‍तु येशुस्‍तु नाब्रवीत्‌ इत्‍थम्‌ “यदसौ न मरिष्‍यति। प्रत्‍युतासौ जगादेदं - “यावद्‌ अहं पुनः आगमिष्‍यामि तावत्‌ मे रोचते, तस्‍य स्‍थितिः, तत्र तवास्‍ति किम्‌?”

²⁴एषः असौ एव शिष्‍यास्‍ति यः एतेषां वचनानाम्‌ साक्ष्‍यं ददाति, तथा एतत्‌ वृतम्‌ लिखितवान्‌। वयं जानीमः तस्‍य साक्ष्‍यं सत्‍यमस्‍ति।

²⁵येशुना बहुनि अन्‍यानि कार्याणि कृतानि। तानि कार्याणि यदि सर्वाणि एकैकशो लिख्‍यन्‍ते, तर्हि मन्‍ये, लिखितानां संख्‍यानाम्‌ अति भूयसी संख्‍या सत्र्जास्‍यते, तान्‌ धारयितुं कृत्‍स्‍नम्‌ जगत्‌ अपर्याप्‍तं भविष्‍यति।