Read Sanskrit साधोः योहनस्‍य (यूहन्‍नः) अनुसारं शुभः समाचारः 7 Bible Online

साधोः योहनस्‍य (यूहन्‍नः) अनुसारं शुभः समाचारः 7 - Sanskrit bible

साधोः योहनस्‍य (यूहन्‍नः) अनुसारं शुभः समाचारः 7

¹अतः परं येशुः गलीलप्रदेशे भ्रमणं कृतवान्‌। सः यहूदाप्रदेशे भ्रमितुम्‌ न ऐच्‍छत्‌, यतः यहूदीधर्मगुरवः तं हन्‍तुम्‌ इच्‍छन्‍ति स्‍म।

²यहूदिनाम्‌ मण्‍डपपर्व आसनम्‌ आसीत्‌, अतः तस्‍य भ्रातरः तम्‌ ऊदुः “एतत्‌ स्‍थानम्‌ परित्‍यज्‍य यहूदाप्रदेशे याहि, यतः यानि सुकार्याणि त्‍वया क्रियन्‍ते, तानि सर्वाणि तत्रत्‍याः तव शिष्‍याः पश्‍यन्‍तु।

⁴यतः यः ख्‍यातिं वात्र्छति, असौ गुप्‍तं नैव आचरति। यदि त्‍वया एतानि कार्याणि विधीयन्‍ते, तर्हि आत्‍मानं संसारे प्रत्‍यक्षं कुरु।

⁵तस्‍य केचन भ्रातरः अपि तस्‍मिन्‌ न विश्‍वसन्‍ति स्‍म।

⁶येशुः तान्‌ उवाच, “अधुना अपि मम कालः न उपस्‍थितः अस्‍ति। युष्‍माकं समयः तु सर्वदा उपस्‍थितः अस्‍ति।

⁷संसारः युष्‍मान्‌ द्‌वेष्‍टुं न शक्‍नोति, किन्‍तु मां द्वेष्‍टि, यतः अहं तस्‍य विषये साक्ष्‍यं ददामि, यत्‌ तस्‍य कार्याणि दुष्‍टानि सन्‍ति।

⁸यूयं पर्वणि भागं ग्रहीतुम्‌ गच्‍छत। अहम्‌ अस्‍मिन्‌ पर्वणि सम्‍मिलितः न भविष्‍यामि। मदीय समयः नाधुना पूर्णतां गतः।”

⁹इदम्‌ उक्‍त्‍वा येशुः गलीलप्रदेशे एवम्‌ अतिष्‍ठत्‌।

¹⁰किन्‍तु यदा तस्‍य भ्रातरः सर्वे तत्‍पर्वार्थे प्रतस्‍थिरे तदा प्रकटरूपे न, परन्‍तु गुप्‍तरूपे उत्‍सवाय येशुः अपि प्रस्‍थितवान्‌।

¹¹यहूदीधर्मगुरवः येशुम्‌ अन्‍विष्‍यन्‍तः ऊचिरे, “असौ कुत्र वर्तते।”

¹²जनतासु तस्‍य विषये महान्‌ विवादः अजायत। केचित्‌ उचुः “सः भद्रः अस्‍ति, केचित्‌ उचुः, “सः तथा न।”

¹³तथापि धर्मगुरुणाम्‌ भयात्‌ कारणात्‌, कश्‍चित्‌ तस्‍य विषये प्रकट रूपे नावदत्‌।

¹⁴तस्‍य पर्वणः अद्‌र्धदिवसे समाप्‍ते, येशुः मन्‍दिरं गत्‍वा शिक्षाम्‌ दातुम्‌ आरब्‍धवान्‌।

¹⁵यहूदीधर्मगुरवः विस्‍मिताः भूत्‍वा अवदन्‌, एषः अपठित्‍वा अपि कथं ज्ञानवान्‌ वर्तते?

¹⁶येशुः तान्‌ प्रत्‍युवाच, “मम शिक्षा मदीया नास्‍ति, इयं तस्‍य शिक्षा वर्तते, येन अहं प्रेषितोऽस्‍मि।

¹⁷यदि कश्‍चित्‌ तस्‍य इप्‍सितम् पूर्णकर्तुम्‌ संकल्‍पते, तर्हि सः ज्ञास्‍यते, मम इयं शिक्षा परमेश्‍वरस्‍यास्‍ति, अथवा अहम्‌ स्‍वतः भाषे।

¹⁸यः स्‍वतः भाषते, सः स्‍वीयं सम्‍मानम्‌ अभिवात्र्छति। किन्‍तु यः तस्‍य सम्‍मानं कर्तुम्‌ वात्र्छति येन सः प्रेषितोऽस्‍ति, स एव सत्‍यः तथा निष्‍कपटः अस्‍ति।

¹⁹किं मूसाः युष्‍मभ्‍यम्‌ व्‍यवस्‍थां न दत्तवान्‌ अस्‍ति? तथापि युष्‍मासु कोऽपि व्‍यवस्‍थां न मन्‍यते। यूयं किमर्थम्‌ मां हन्‍तुम्‌ इच्‍छथ?

²⁰जनाः अब्रुवत, “कस्‍त्‍वां जिघांसति? त्‍वम्‌ भूताविष्‍टः असि।”

²¹येशुः तान्‌ अवदत्‌, ”मया एकं कार्यं कृतम्‌, यूयं सर्वे विस्‍मिताः स्‍थ।

²²मूसाः युष्‍मभ्‍यं लिंगस्‍याग्रचर्मछेदस्‍य नियमं दत्तवान्‌ - यद्‌यपि सः नियमः मूसः न, परन्‍तु पितृभ्‍यः प्रवर्तितः - यूयं लिंगस्‍याग्रचर्मछेदविधिं विश्रामवासरे विधत्‍थ।

²³मूसाकृत व्‍यवस्‍थायाः उल्‍लंघनं न भवेत्‌, एतत्‌ अर्थम्‌ मनुष्‍यस्‍य लिंगस्‍याग्रचर्मछेदः चेत्‌ विधीयते, विश्रामदिवसे यदहं कत्र्चन मानवम्‌ स्‍वस्‍थम्‌ अकुर्वि, तर्हि किमर्थम्‌ यूयं मां क्रुध्‍यथ?

²⁴विचार्य कार्यं कुरुत, अविचार्य न।” किम्‌ अयं मसीहः अस्‍ति?

²⁵केचित्‌ येरुसलेमवासिनः प्रोक्‍तवन्‍तः, “किं न हि सो ऽयम्‌ अस्‍ति यम्‌ अस्‍माकं नेतारः जिघांसन्‍ति?

²⁶पश्‍यत, एष व्‍यक्‍तं सम्‍भाषते, तैः च कित्र्चित्‌ न प्रोच्‍यते। एष एव मसीहः अस्‍ति“ किम्‌ एतत्‌ तैः स्‍वीकृतम्‌।

²⁷तथापि वयं जानीमः “कुतः एषः समुत्‍पन्‍नः।” यदा मसीहः तु लोके आविर्भूतः भविष्‍यति, तदा एतत्‌ केनापि विज्ञातम्‌ न भविष्‍यति यतः मसीहः कुतः समुत्‍पन्‍नः अस्‍ति।

²⁸ततः धर्मगृहे येशुः उच्‍चैः जगाद, “यूयं मां च विजानीथ, इदम्‌ अपि जानीथ, अहं कुतः तु इति। अहं स्‍वेच्‍छया ना आगतः अस्‍मि यः मां प्रेषितवान्‌ सः सत्‍यः वर्तते। यूयं तं न जानीथ।

²⁹अहं तं जानामि, यतः अहं तेन प्रेषितः अस्‍मि।

³⁰एतत्‌ श्रुत्‍वा ते येशुं ग्रहीतुं समुद्‌यताः, किन्‍तु कोऽपि जनः तस्‍मिन्‌ स्‍व करम्‌ न अर्पयामास, यतः तदानीं तस्‍य कालः न उपस्‍थितः आसीत्‌।

³¹जनेषु बहवः येशौ विश्‍वासम्‌ अकुर्वन्‌। ते अवदन्‌, “यदा मसीहः आगमिष्‍यति, किं सः अस्‍मात्‌ अपि अधिकानि चमत्‍कारपूर्णकार्याणि करिष्‍यति?

³²यदा फरीसिभिः श्रुतः यत्‌ जनेषु येशोः विषये इदृशी वार्ता भवति, तदा येशुं ग्रहीतुं पदातीन्‌ प्रेषयामासुः।

³³येशुः तान्‌ उवाच, साम्‍प्रतम्‌ युष्‍माभिः सह स्‍वल्‍पकालमेव स्‍थास्‍यामि। ततः तमुपयास्‍यामि येन अहम्‌ प्रेषितः अस्‍मि।

³⁴यूयं मा अन्‍विष्‍यथ परन्‍तु नैव लप्‍स्‍यध्‍वे। अहं यत्र अस्‍मि, तत्र यूयं गन्‍तुं न शक्ष्‍यथ।

³⁵एतद्‌ श्रुत्‍वा यहूदीधर्मगुरवः ऊचिरे, “अनेन कुत्र गन्‍तव्‍यम्‌, यत्‌ एषः अस्‍माभिः न आप्‍स्‍यते? किं अयं युनानिनां मध्‍ये निवसन्‍तः यहूदिनाम्‌ समीपं प्राप्‍य तेभ्‍यः युनानिभ्‍यः उपदेशं दास्‍यति?

³⁶तस्‍य कथनस्‍य अर्थः किमस्‍ति? यूयम्‌ अन्‍वेष्‍यथ परन्‍तु न प्रापस्‍यथ, अहं यत्र विद्‌ये तत्र गन्‍तुं न शक्ष्‍यथ।”

³⁷उत्‍सवस्‍य प्रमुखे अन्‍तिमदिवसे च येशुः उत्‍थाय इत्‍थं जगाद, “यदि कश्‍चिद्‌ पिपासुः चेत्‌, मम अन्‍तिकं समागत्‍य स्‍विकाम्‌ पिपासां शमयेत्‌।

³⁸यस्‍य मयि विश्‍वासः, सः माम उपैतु। यथा धर्मग्रन्‍थे लिखितमस्‍ति, तस्‍य अन्‍तस्‍तलात्‌ संजीवनजलस्‍य सरितः प्रस्रविष्‍यन्‍ति।

³⁹सः तस्‍य पवित्रआत्‍मनः संबंधे एतत्‌ प्रभविष्‍यति वाचम्‌ उवाच, यम्‌ तस्‍मिन्‌ विश्‍वासिनः जनाः प्राप्‍नुवन्‍ति। तदानीं यावत्‌ पवित्रात्‍मा न आसीत्‌, यतः येशुः स्‍वयं महिमान्‍वितः न आसीत्‌।

⁴⁰येशोः वचः श्रुत्‍वा केचित्‌ जनाः एतद्‌ उचुः, ”सत्‍यम्‌ एषः नबी अस्‍ति यः आगन्‍ता आसीत्‌।”

⁴¹अपरे अवदन्‌, “अयं मसीहः वर्तते।” किन्‍तु अन्‍ये ऊचिरे, “किम्‌ मसीहः गलीलप्रदेशात्‌ आगमिष्‍यति?

⁴²किम्‌ धर्मग्रन्‍थे लिखितं न वर्तते, यत्‌ दाऊदस्‍य वंशात्‌, दाऊदस्‍य बेथलेहमग्रामात्‌ मसीहः आगमिष्‍यति?”

⁴³इत्‍थं येशुविषये जनेषु मतभेदः अभवत्‌।

⁴⁴तेषु केचित्‌ येशुं बलेन ग्रहीतुम्‌ ऐच्‍छन्‌, तथापि कश्‍चन्‌ तस्‍मिन्‌ हस्‍तं न उत्‍थापयत्‌।

⁴⁵यदा सैनिकाः महापुरोहितानां फरीसिनाम्‌ च पार्श्‍वे पुनः प्रत्‍यागच्‍छन्‌, तदा ते तान्‌ अब्रुवत, “येशुम्‌ किमर्थम्‌ न आनयत?”

⁴⁶सैनिकाः तान्‌ ऊचिरे “यादृशः सः भाषते, तादृशः कोऽपि न इतः पूर्वम्‌ अभाषत।”

⁴⁷ततः फरीसिनः तान्‌ ऊचिरे, “किं यूयमपि तेन उन्‍मार्गगामिनः कृताः स्‍थ?

⁴⁸किं अस्‍माकं अधिकारिणः नेतारः फरीसिनः वा तस्‍मिन्‌ विश्‍वसन्‍ति?

⁴⁹लोकानां तु समूहस्‍य कथा एव अन्‍या वर्तते। सः व्‍यवस्‍थया अनभिज्ञः शापितश्‍च अस्‍ति।”

⁵⁰तेषु अन्‍यतमः कश्‍चित्‌ निकोदेमुसनामकः, यः पूर्वम्‌ येशोः अन्‍तिकम्‌ आगतवान्‌ आसीत्‌ तान्‌ अभाषत,

⁵¹“मनुष्‍यस्‍य मुखात्‌ यावत्‌ वाक्‍यं संश्रूयते न, यावत्‌ च न इदं ज्ञायते, तेन किं क्रियते इति, तावत्‌ किं व्‍यवस्‍था कत्र्चित्‌ सदूषणम्‌ विदधाति?“

⁵²ते तम्‌ उचुः, भवान्‌ किंस्‍वित्‌ गलीली वर्तते? शास्‍त्राणाम्‌ अनुसन्‍धाय पश्‍य गलीलप्रदेशे कश्‍चित्‌ नबी न उत्‍पद्‌यते।

⁵³ततः सर्वे समुत्‍थाय स्‍वं स्‍वं गृहं जग्‍मुः।