Read Sanskrit प्रेरिताणाम्‌ कार्यकलापः 1 Bible Online

प्रेरिताणाम्‌ कार्यकलापः 1 - Sanskrit bible

प्रेरिताणाम्‌ कार्यकलापः 1

¹हे थिओफिलुस! मया स्‍व पुस्‍तके तानि सर्वाणि कथनानि वर्णितानि कृतानि यानि येशुः तस्‍मिन्‌ दिनं यावत्‌ करोति स्‍म, शिक्षयति स्‍म,

²यस्‍मिन्‌ दिने सः स्‍वर्गे आरोहितः कृतः। सर्वप्रथमं इतः पूर्वम्‌ येशुः स्‍व प्रेरितान्‌, ये तेन निर्वाचिताः आसन्‌, पवित्रात्‍मना स्‍वकार्याणि आदिष्‍टवान्‌।

³स्‍व मृत्‍योः पश्‍चात्‌ चत्‍वारिंशत्‌ दिनानि पर्यन्‍तं प्रेरितेभ्‍यः अनेकानि प्रमाणानि अददात्‌, यत्‌ सः जीवितः अस्‍ति। सः बारं-बारं तेभ्‍यं दर्शनम्‌ अददात्‌। तैः सह परमेश्‍वरस्‍य राज्‍यस्‍य विषये वार्तालापम्‌ अकरोत्‌।

⁴मसीहः प्रेरितैः सह भोजनं समये तान्‌ आदिष्‍टवान्‌ यत्‌ तैः येरुसलेमात्‌ अन्‍यत्र न गन्‍तव्‍यम्‌, किन्‍तु पितुः वरदानस्‍य प्रतीक्षां कुर्वन्‍तु। तेन कथितम्‌ - “मया यूयं प्रतिज्ञायाः विषये कथिताः।

⁵योहनः जलस्‍य संस्‍कारम्‌ ददाति स्‍म, परन्‍तु किन्न्‍चित्‌ दिनानां पश्‍चात्‌ युष्‍मभ्‍यं पवित्रात्‍मनः जलसंस्‍कारः दास्‍यते।”

⁶यदा ते येशुना सह एकत्राः आसन्‌, तदा ते तं पृच्‍छन्‍ति स्‍म - “प्रभो! किं भवान्‌ इदानीम्‌ एव इस्राएलस्‍य राज्‍यं पुनः स्‍थापयिष्‍यति?”

⁷येशुः प्रत्‍युत्तरत्‌ - “पित्रा यः कालः मुहूर्तः च स्‍व व्‍यक्‍तिगताधिकारे निश्‍चितौ, यूयं ज्ञातुं न शक्‍नुथ।

⁸किन्‍तु पवित्रात्‍मा युष्‍मासु अवतरिष्‍यति, शक्‍तिं च दास्‍यति। यूयं येरुसलेमे समस्‍तयहूदाप्रदेशे, तथैव सामरीप्रदेशे समारियायां च पृथिव्‍याः अंतं यावत्‌ साक्षिणः भविष्‍यथ।”

⁹एतावत्‌ कथित्‍वा येशुः तेषां पश्‍यन्‍तः एव आरोहणं कृतः। एकः मेघः तं शिष्‍यानाम्‌ दृष्‍टिभ्‍यः आच्‍छादितवान्‌।

¹⁰तस्‍य गमनसमये प्रेरिताः आकाशं प्रति पश्‍यन्‍तः एव आसन्‌, तस्‍मिन्‌ समये उज्‍जवलवस्‍त्रं धृत्‍वा द्वौ पुरुषौ तेषां समीपे सहसा आगत्‍य कथितवन्‍तौ -

¹¹“हे गलीलिनः पुरुषाः! भवन्‍तः आकाशं प्रति किमर्थम्‌ पश्‍यन्‍ति? सः एव येशुः भवतां मध्‍यात्‌ स्‍वर्गे आरोहणं कृतः अस्‍ति, तथैव आगमिष्‍यति यथा भवन्‍तः तं गच्‍छन्‍तम्‌ अपश्‍यन्‌।”

¹²प्रेरिताः जैतूनपर्वतात्‌ येरुसलेमं प्रत्‍यागच्‍छन्‌। अयं पर्वतः येरुसलेमस्‍य समीपे विश्राम दिवसस्‍य यात्रायाः दूरे अस्‍ति।

¹³तत्र गत्‍वा ते उपरि कोष्‍ठे आरोहितवन्‍तः, यत्र ते स्‍थितवन्‍तः आसन्‌ - पतरसः योहनश्‍च, याकूबः अन्‍द्रेयसः च, फिलिपः थोमसश्‍च, बरथोलोमी मत्ती च। हलफईपुत्रः याकूबः, तथा सिमोनः यः “धर्मोत्‍साही” कथ्‍यते स्‍म, याकूबस्‍य पुत्रः यहूदा।

¹⁴ते सर्वे एकहृदयाः भूत्‍वा नारीभिः सह येशोः मातामरिया, तथा तेषां भ्रातृभिः सह एकचित्ताः भूत्‍वा प्रार्थयन्‍ते स्‍म।

¹⁵तेषु दिनेषु पतरसः भ्रातॄणाम्‌ मध्‍ये उदतिष्‍ठत्‌। तत्र प्रायः विंशतिः अधिकम्‌ एकशतं जनाः एकत्राः आसन्‌। पतरसः अवदत्‌

¹⁶“भ्रातरः! अयं अनिवार्यः आसीत्‌ यत्‌ धर्मग्रन्‍थस्‍य सा भविष्‍यवाणी पूरिता भूयात्‌, या पवित्रात्‍मा दाऊदस्‍य मुखात्‌ यूदसस्‍य विषये कृतवान्‌ आसीत्‌। यूदसः येशोः बन्‍धकर्तॄणाम्‌ अग्रणी अभवत्‌।

¹⁷यूदसः अस्‍मासु एकः, धर्मसेवायां अस्‍माकं सहकर्मी आसीत्‌।

¹⁸सः स्‍व अधर्मस्‍य धनेन एकं क्षेत्रं क्रीतवान्‌। सः तस्‍मिन्‌ क्षेत्रे अपतत्‌, तस्‍य उदरं विदीर्णम्‌, सर्वाणि अंत्राणि बहिः आगतानि।

¹⁹इमां कथां येरुसलेमस्‍य सर्वे जनाः अजानन्‌। तत्‌ क्षेत्रं तेषां भाषायां “हकेलदमा” अर्थात्‌ रक्‍तस्‍य क्षेत्रं कथ्‍यते।

²⁰“स्‍तोत्रसंहितायां लिखितमस्‍ति-तस्‍य क्षेत्रं निर्जनं भवेत्‌, तस्‍मिन्‌ कोऽपि न वसेत्‌, कोऽपि अपरः तस्‍य पदग्रहणं कुर्यात्‌।

²¹अतः उचितमस्‍ति यत्‌ यावत्‌ कालपर्यन्‍तं येशुः अस्‍माकं मध्‍ये अतिष्‍ठत्‌,

²²अर्थात्‌ योहनस्‍य जलसंस्‍कारं यावत्‌ प्रभोः स्‍वर्गारोहणं पर्यन्‍तं, ये जनाः सदा अस्‍माभिः सह आसन्‌, तेषु एकः अस्‍माभिः सह प्रभोः पुनरुत्‍थानस्‍य साक्षी भवेत्‌।

²³तदा तैः द्वौ जनौ प्रस्‍तुतौ - युसुफं यः बरसब्‍बासः कथ्‍यते स्‍मः, तथा यस्‍य अपरनाम युस्‍तुसः आसीत्‌, मथियसं च।

²⁴तदा ते इत्‍थं प्रार्थयन्‍ते स्‍म,” प्रभो! भवान्‌ सर्वेषां हृदयाणि जानाति। प्रकटं करोतु यत्‌ द्वयोः कः निर्वाचितः अस्‍ति, येन सः धर्मसेवायां परोपकारे च पदग्रहणं करोतु, यस्‍मात्‌ पतितोभूत्‍वा यूदसः स्‍व स्‍थाने अगच्‍छत्‌।”

²⁶मतदानेन बहुमतं मथियसं प्रति अभवत्‌। तस्‍य गणना एकादशप्रेरितैः सह अभवत्‌।