Read Sanskrit प्रेरिताणाम्‌ कार्यकलापः 11 Bible Online

प्रेरिताणाम्‌ कार्यकलापः 11 - Sanskrit bible

प्रेरिताणाम्‌ कार्यकलापः 11

¹प्रेरिताः, यहूदाप्रदेशस्‍य च भ्रातरः अजानन्‌ यत्‌ अयहूदिनः अपि परमेश्‍वरस्‍य वचनं स्‍वीकृतवन्‍तः

²यदा पतरसः येरुसलेमनगरे आगतः, तदा यहूदीविश्‍वासिनः तस्‍य आलोचनां कुर्वन्‍तः अवदन्‌,

³“भवता अयहूदिनां गृहे प्रविश्‍य, तैः सह भोजनमपि कृतम्‌।

⁴एतत्‌, श्रुत्‍वा पतरसः तान्‌, बोधयन्‌ अवदत्‌,

⁵“अहं याफानगरे प्रार्थनां कुर्वन्‌ आत्‍मना आविष्‍टः अभवम्‌। मया दृष्‍टम्‌ यत्‌ किंचित्‌ लम्‍बचतुष्‍कोणोत्तरीयस्‍य इव वस्‍तु स्‍वर्गात्‌ अवतरति। तस्‍य चतुष्‍कोणाः पृथिव्‍याम्‌ मम पार्श्‍वे उपस्‍थीयन्‍ते।

⁶अहम्‌ तस्‍मिन्‌ अपश्‍यम्‌ यत्‌ तस्‍मिन्‌ पृथिव्‍याः ग्राम्‍याः, वन्‍यपशवः, सरीसृपाः जन्‍तवः, आकाशस्‍य च पक्षिणः सन्‍ति।

⁷तत्‌ पश्‍चात्‌ मया एका वाणी श्रुता, “पतरस! उत्तिष्‍ठ! हत्‍वा इमान्‌ भक्षय।”

⁸अहम्‌ अवदम्‌, “प्रभो! कदापि न! मया कदापि किमपि अशुद्धं वस्‍तु न खादितम्‌।”

⁹प्रत्‍युत्तरे स्‍वर्गात्‌ सा एव वाणी द्वितीयवारं श्रुयते स्‍म, परमेश्‍वरः यं शुद्धं घोषितवान्‌, तम्‌ अशुद्धं मा वद।”

¹⁰त्रयवारं तादृशमेव अभवत्‌। तत्‍पश्‍चात्‌ तत्‌ वस्‍तु पुनः स्‍वर्गे उपरि उत्‍थापितम्‌।

¹¹तस्‍मिन्‌ एव समये कैसरियायाः मम समीपे प्रेषिताः त्रयः जनाः तस्‍य गृहस्‍य समक्षे आगताः, यत्र अहम्‌ अतिष्‍ठम्‌।

¹²आत्‍मना आदिष्‍टः, यत्‌ मया निसंकोचेन भूत्‍वा तैः सह गन्‍तव्‍यम्‌। ते षट्‌भ्रातरः मया सह आगच्‍छन्‌। इत्‍थं वयं तस्‍य मनुष्‍यस्‍य गृहे अप्रवेशाम,

¹³सः अस्‍मान्‌ अकथयत्‌ यत्‌ तेन स्‍वगृहे एकः देवदूतः दृष्‍टः। यः तम्‌ अवदत्‌, “जनान्‌ याफानगरं प्रेषय, सिमोनः यः पतरसः कथ्‍यते, आह्‌वय।

¹⁴सः यां शिक्षां श्रावष्‍यति, तया भवते, भवतः समस्‍तपरिवारेभ्‍यः मुक्‍तिः मिलिष्‍यति।”

¹⁵“अहं वक्‍तुम्‌ आरब्‍धवान्‌ तत्‌ क्षणमेव पवित्रात्‍मा तेषु अवतरत्‌, यथा सः प्रारंम्‍भे अस्‍मासु अवतरत्‌

¹⁶तदा अहं प्रभो वचनम्‌ अस्‍मरम्‌, “योहनः जलेन जलसंस्‍कारम्‌ अददात्‌, परन्‍तु तुभ्‍यम्‌ पवित्रात्‍मनः जलसंस्‍कारः दास्‍यते।

¹⁷यदा परमेश्‍वरः तेभ्‍यः तत्‌ एव वरदानम्‌ अददात्‌, यत्‌ अस्‍मभ्‍यम्‌ प्रभौ येशौमसीहे विश्‍वासिभ्‍यः प्राप्‍तम्‌, तदा अहं कः आसम्‌ यः परमेश्‍वरस्‍य विधाने अवरोधम्‌ अकरिष्‍यम्‌?”

¹⁸तानि कथनानि श्रुत्‍वा ते शान्‍ताः भूत्‍वा परमेश्‍वरस्‍य स्‍तुतिम्‌ अकुर्वन्‌, “परमेश्‍वरः अयहूदिभ्‍यः अपि इदमेव वरदानम्‌ अददात्‌, यत्‌ ते तं प्रति अभिमुखाः भूत्‍वा जीवनं प्राप्‍नुयुः।”

¹⁹स्‍तीफ़नुसकारणात्‌ येरुसलेमनगरे अत्‍याचारः आरब्‍धः। ये जनाः अस्‍मात्‌ कारणात्‌ इतः ततः अगच्‍छन्‌, ते फीनीकेप्रदेशं, कुप्रुसद्वीपम्‌, अन्‍ताकियामहानगरं यावत्‌ आगतवन्‍तः। ते केवलं यहूदिभ्‍यः शभुसमाचारं श्रावयन्‍ति स्‍म।

²⁰तेषु केचित्‌ कुरेनेप्रदेशस्‍य तथा किरीनस्‍य निवासिनः आसन्‌। ते अंताकियायाम्‌ आगत्‍य यूनानिनः अपि प्रभोः येशोमसीहस्‍य शुभसमाचारं श्रावयन्‍ति स्‍म।

²¹प्रभुः तेषां साहाय्‍यं करोति स्‍म। बहवः जनाः विश्‍वासिनः भूत्‍वा प्रभोः पार्श्‍वे प्रत्‍यागच्‍छन्‌।

²²येरुसलेमस्‍य कलीसिया तत्‌ सर्वम्‌ अशृणोत्‌, सा बरनबासम्‌ अन्‍ताकियां प्रेषितवती।

²³बरनबासः तत्र आगत्‍य यदा ईश्‍वरीयस्‍य अनुग्रहस्‍य प्रभावम्‌ अपश्‍यत्‌, तदा सः आनन्‍दितः अभवत्‌। सः सर्वान्‌ अनुरोधं कृतवान्‌ यत्‌ सम्‍पूर्णहृदयेन प्रभुं प्रति निष्‍कपटाः भवेयुः,

²⁴यतः सः भद्रः मनुष्‍यः आसीत्‌, पवित्रात्‍मनः, विश्‍वासेन परिपूर्णः चासीत्‌। इत्‍थं बहवः जनाः प्रभोः शिष्‍येषु सम्‍मिलिताः भूताः।

²⁵तत्‍पश्‍चात्‌ बरनबासः साऊलस्‍य अन्‍वेषणे तारसुसम्‌ आगच्‍छत्‌,

²⁶अन्‍वेषणस्‍य पश्‍चात्‌ तं अंताकियायाम्‌ आनयत्‌। द्वौ एकवर्षम्‌ यावत्‌ तत्रस्‍य कलीसियायां स्‍थित्‍वा अनेकजनान्‌ शिक्षयन्‍तौ स्‍म। अंताकियायां शिष्‍याः सर्वप्रथमं “मसीही” इति नाम प्राप्‍तवन्‍तः।

²⁷तेषु दिनेषु केचित्‌ भविष्‍यवक्‍तारः येरुसलेमात्‌ अंताकियायाम्‌ आगच्‍छन्‌।

²⁸तेषु एकः, यस्‍य नाम अगबुसः आसीत्‌, उत्‍थितः, आत्‍मना प्रेरणया च कथयति स्‍म, यत्‌ समस्‍तसंसारे दुर्भिक्षः भविष्‍यति। अयं दुर्भिक्षः वस्‍तुतः सम्राजः कलौदियुसस्‍य समये अभवत्‌। शिष्‍याः निश्‍चितवन्‍तः यत्‌ यहूदाप्रदेशे भ्रातॄणां साहाय्‍यं कर्तुम्‌ तेषु प्रत्‍येकः स्‍व स्‍व सामर्थ्‍यानुसारेण दानं प्रेषयिष्‍यति।

³⁰ते बरनबासस्‍य तथा साऊलस्‍य हस्‍तयोः अध्‍यक्षेभ्‍यः दानम्‌ अप्रेषयन्‌।