Read Sanskrit प्रेरिताणाम्‌ कार्यकलापः 15 Bible Online

प्रेरिताणाम्‌ कार्यकलापः 15 - Sanskrit bible

प्रेरिताणाम्‌ कार्यकलापः 15

¹केचित्‌ जनाः यहूदाप्रदेशात्‌ अन्‍ताकियाम्‌ आगत्‍य भ्रातॄन्‌ शिक्षयन्‍ति स्‍म “यत्‌ मूसागताप्रथायाः अनुसारेण लिंगाग्रचर्मछेदनेन विना मुक्‍तिः न मिलिष्‍यति।”

²अस्‍मिन्‌ विषये पौलुसबरनबासयोः, तेषां मध्‍ये च तीव्रः मतभेदः, वादः विवादः च अभवत्‌, इदं निश्‍चितं यत्‌ पौलुसबरनबासौ अन्‍ताकियायाः केचित्‌ जनैः सह येरुसलेमं गत्‍वा अस्‍याः समस्‍यायाः संबंधे प्रेरितैः धर्मवृद्धैः च सह परामर्शम्‌ करिष्‍यतः।

³अंताखियायाः कलीसिया तौ प्रेषितवती। तौ फीनीकेप्रदेशं तथा सामरी प्रदेशं लंघयित्‍वा यात्राम्‌ अकुर्वाताम्‌। तत्रस्‍य सर्वभ्रातॄन्‌, अयहूदिनां धर्मपरिवर्तनस्‍य विषये श्रावयित्‍वा अति आनन्‍दितान्‌ कृतवन्‍तौ।

⁴यदा तौ येरुसलेमम्‌ आगतवन्‍तौ, तदा कलीसिया, प्रेरिताः, धर्मवृद्धाश्‍च तयोः अभिनन्‍दनम्‌ चक्रिरे। तौ तान्‌ सर्वान्‌ अकथयताम्‌ यत्‌ परमेश्‍वरः ताभ्‍याम्‌ हस्‍ताभ्‍याम्‌ कानि कानि कार्याणि चक्रे।

⁵फरीसीसमुदायस्‍य केचित्‌ सदस्‍याः, ये विश्‍वासिनः आसन्‌, उत्‍थाय वदन्‍ति स्‍म, यत्‌ अन्‍यजात्‍याः विश्‍वासिनाम्‌ एतादृशजनानां लिंगाग्रचर्मछेदनं भवितव्‍यम्‌। तैः मूसाव्‍यवस्‍था पालयितव्‍या।

⁶प्रेरिताः धर्मवृद्धाश्‍च अस्‍यां समस्‍यायां विचारयितुम्‌ एकत्राः अभवन्‌।

⁷वादविवादे वर्द्धिते सति पतरसः उत्‍थाय वक्‍तुम्‌ आरब्‍धवान्‌। “भ्रातरः! भवन्‍तः जानन्‍ति यत्‌ परमेश्‍वरः प्रारम्‍भात्‌ भवत्‍सु मध्‍येषु मां चयनित्‍वा निश्‍चितवान्‌ यत्‌ अयहूदिनः मम मुखात्‌ शुभसमाचारस्‍य वचनं शृणुयुः विश्‍वासं कुर्युः च।

⁸परमेश्‍वरः मनुष्‍यस्‍य हृदयं जानाति - सः तेभ्‍यः अपि अस्‍माकम्‌ इव पवित्रात्‍मानम्‌ अददात्‌। इत्‍थं सः तेषां पक्षे साक्ष्‍यं दत्‍वा

⁹विश्‍वासमाध्‍यमेन तेषां हृदयानि शुद्धयित्‍वा, अस्‍मासु तेषु च कोऽपि भेदः न चकार।

¹⁰यं भारं न अस्‍माकं पूर्वजाः, न वयं वोढुं समर्थाः आस्‍म, तं शिष्‍यानां स्‍कन्‍धेषु स्‍थापयित्‍वा भवन्‍तः अधुना परमेश्‍वरस्‍य परीक्षां किमर्थम्‌ं गृह्‌णन्‍ति?

¹¹अस्‍माकं विश्‍वासः तु ईदृशः यत्‌ वयं, ते अपि च प्रभोः येशोः कृपया एव मुक्‍तिं लप्‍स्‍यन्‍ते।”

¹²सर्वे तूष्‍णीं भूत्‍वा पौलुसबरनबासयोः शिक्षाम्‌ अशृण्‍वन्‌। तौ तेषां चिन्‍हानां चमत्‍कारानां च विषये श्रावयतः स्‍म यान्‌ परमेश्‍वरः ताभ्‍यां अयहूदिनां मध्‍ये अदर्शयत्‌।

¹³तयोः कथिते सति, याकूबेन स्‍वप्रतिक्रियां व्‍यक्‍तवान्‌, “भ्रातरः! मम वार्ताम्‌ शृणुयुः।

¹⁴सिमोनेन कथितं यत्‌ विगतदिनेषु परमेश्‍वरेण कीदृशः अयहूदिषु स्‍व नाम्‍ने “निजजनाः” चयनिताः।

¹⁵अयं नबिनां शिक्षायाः अनुसारेण एव अस्‍ति, यतः लिखितम्‌ -

¹⁶अस्‍य पश्‍चात्‌ अहं प्रत्‍यागत्‍य दाऊदस्‍य ध्‍वंसितस्‍य गृहस्‍य पुनः निर्माणं करिष्‍यामि, अहं तस्‍य अवशेषानां पुनर्निमाणं करिष्‍यामि। तान्‌ पुनः उत्‍थापयिष्‍यामि,

¹⁷येन मानवजात्‍याः शेषजनाः- अर्थात्‌ मया स्‍वीकृताः सर्वे राष्‍ट्राः, प्रभोः अन्‍वेषणे संलग्‍नाः भवेयुः।

¹⁸यः इमानि कार्याणि करोति, पुराकालात्‌ जानाति सैव प्रभुः इमं वदति।

¹⁹“अतएव मम विचारः अस्‍ति यत्‌ ये अयहूदिनः परमेश्‍वरं प्रति अभिमुखाः भवन्‍ति, तेभ्‍यः अनावश्‍यकभारः न भवेत्‌,

²⁰परन्‍तु पत्रं लिखित्‍वा तेभ्‍यः आदेशः भवेत्‌ यत्‌ ते देवमूर्तीनाम्‌ अशुद्धतायाः, व्‍यभिचारात्‌, हतानां पशूनां मांसात्‌ रक्‍तात्‌ च परहेजं कुर्युः।

²¹यत्‌ पुराकालात्‌, प्रति नगरे मूसाप्रचारकाः विद्यमानाः सन्‍ति, तथा तस्‍य व्‍यवस्‍था तेषां संहिता प्रतिविश्रामदिवसे सभागृहेषु पठित्‍वा श्रावयते।

²²तदनन्‍तरं समस्‍तकलीसियायाः सहमत्‍या प्रेरिताः धर्मवृद्धाःच निर्णीतवन्‍तः यत्‌ तेषां मध्‍येषु केचित्‌ निर्वाचिताः जनाः पौलुसबरनबासाभ्‍याम्‌ सह अंताकियां गच्‍छेयुः। भ्रातृषु प्रमुखाः द्वौ निर्वाचितौ - यहूदां यः बरसब्‍बा कथ्‍यते स्‍म, अन्‍यम्‌ सीलासं,

²³तयोः हस्‍तयोः इदं पत्रं प्रेषितवन्‍तः- “प्रेरिताः धर्मवृद्धाश्‍च भवतां भ्रातरः, अंताकियायाः, सीरियायाः, किलिकियायाः अयहूदिभ्रातॄन्‌ नमस्‍कारं कुर्वन्‍ति।

²⁴वयम्‌ अशृणुम अत्रस्‍य अस्‍माकं केचित्‌ जनाः अनधिकृतरूपेण भवतः भ्रमितवन्‍तः।

²⁵अतः सर्वसम्‍मत्‍या निर्णीतं यत्‌ अस्‍माभिः निर्वाचिताः प्रतिनिधयः बरनबासपौलुसभ्‍यां सह

²⁶यौ अस्‍माकं प्रभोः येशोः मसीहस्‍य नाम्‍नि स्‍वजीवनम्‌ अर्पितवन्‍तौ, भवतां समीपे गच्‍छेयुः।

²⁷अस्‍माभिः भवतां समीपे यहूदासीलासौ प्रेषितौ। तौ अपि भवतः सर्वम्‌ मौखिकरूपेण कथयिष्‍यतः।

²⁸पवित्रात्‍मानम्‌, अस्‍मान्‌ च उचितं प्रतीयते स्‍म, यत्‌ एतेषाम्‌ आवश्‍यकवचनानां अतिरिक्‍तः भवत्‍सु अधिकः भारः न भवितव्‍यः -

²⁹भवन्‍तः देवमूर्तिभ्‍यः अर्पितमांसात्‌, रक्‍तस्‍य भक्षणात्‌, वधकृताः पशूनां मांसात्‌, व्‍यभिचारात्‌ परहेजं कुर्युः। एतेषु भवतां कल्‍याणः वर्तते। शुभकामना।”

³⁰अलविदां कथयित्‍वा तौ अंताकियाम्‌ आगच्‍छताम्‌, तत्र आगत्‍य भ्रातॄन्‌ एकत्रीकृत्‍य तत्‌ पत्रम्‌ अदत्ताम्‌।

³¹पत्रस्‍य सान्‍त्‍वनापूर्णवचनं पठित्‍वा जनाः आनन्‍दिताः अभवन्‌।

³²यहूदाः तथा सीलासः स्‍वयं भविष्‍यवक्‍तारौ आस्‍ताम्‌। तौ चिरकालं यावत्‌ भ्रातॄन्‌ संबोधयित्‍वा सान्‍त्‍वनाम्‌ अदत्ताम्‌, तेषां विश्‍वासं दृढ़म्‌ अकुरुताम् च।

³³तौ किन्न्‍चित्‌कालं यावत्‌ तत्र आस्‍ताम्‌। तत्‍पश्‍चात्‌ भ्रातॄणां मंगलकामनाः नीत्‍वा तेषां समीपे आगच्‍छताम्‌, ये तौ प्रेषितवन्‍तः।

³⁴(परन्‍तु सीलासः तत्र स्‍थातुं निश्‍चितवान्‌, यहूदा एकाकी एव येरुसलेमम्‌ प्रत्‍यागच्‍छत्‌।)

³⁵पौलुसबरनबासौ अंताकियायाम्‌ एव अतिष्‍ठताम्‌, तौ अन्‍यजनैः सह शिक्षाम्‌ अदत्ताम्‌, प्रभोः वचनं प्रचारितवन्‍तौ।

³⁶किन्न्‍चितकालान्‍तरस्‍य पश्‍चात्‌ पौलुसेन बरनबासः कथितः, “आगच्‍छतु, आवाभ्‍यां येषु येषु नगरेषु प्रभोः वचनानि प्रचारितानि, तत्र पुनः गत्‍वा भ्रातॄभिः सह मिलित्‍वा द्रक्ष्‍यावः यत्‌ तेषां कः समाचारः अस्‍ति।

³⁷बरनबासः ऐच्‍छत्‌ यत्‌ योहनः, यः मारकुसः कथ्‍यते, ताभ्‍यां सह गच्‍छेत्‌।

³⁸पौलुसस्‍य अयं विचारः आसीत्‌, यतः मारकुसः पम्‍फुलियायां तौ अमुन्न्‍चत्‌, सः तत्र तयोः कार्येषु सहयोगी न आसीत्‌, अतः तेन ताभ्‍यां सह न गन्‍तव्‍यम्‌।

³⁹अस्‍मिन्‌ विषये तयोः एतावत्‌ तीव्रः मतभेदः अभवत्‌ यत्‌ द्वौ पृथकौ अभवताम्‌। बरनबासः मारकुसेन सह नावा कुप्रुसम्‌ अगच्‍छत्‌।

⁴⁰पौलुसेन सीलासः चयनितः। भ्रातरः तस्‍मै प्रभोः कृपां याचितवन्‍तः।

⁴¹सः सीरियादेशस्‍य तथा किलिकियायाः च भ्रमणम्‌ कृत्‍वा कलीसियाः विश्‍वासे अवार्धयत। द्वितीयाप्रचारयात्रायाम्‌ तिमोथी अपि सम्‍मिलितः।