Read Sanskrit प्रेरिताणाम्‌ कार्यकलापः 19 Bible Online

प्रेरिताणाम्‌ कार्यकलापः 19 - Sanskrit bible

प्रेरिताणाम्‌ कार्यकलापः 19

¹यदा अपुल्‍लोसः कुरिन्‍थुसनगरे आसीत्‌, पौलुसः अन्‍तःप्रदेशानां भ्रमणं समाप्‍य इफिसुसम्‌ आगतवान्‌। तत्र तस्‍मै केचित्‌ शिष्‍याः प्राप्‍ताः।

²सः तान्‌ अपृच्‍छत्‌, किं विश्‍वासग्रहणसमये भवद्‌भ्‍यः पवित्रात्‍मा प्राप्‍तः? ते अवदन्‌ “अस्‍माभिः इदमपि न श्रुतम्‌ यत्‌ पवित्रात्‍मा अस्‍ति।”

³पौलुसः तान्‌ पुनः अपृच्‍छत्‌, “अस्‍यां परिस्‍थितौ भवद्‌भ्‍यः कस्‍य जलसंस्‍कारः प्राप्‍तः?” ते प्रत्‍युत्तरे अवदन्‌, “योहनस्‍य जलसंस्‍कारम्‌”

⁴पौलुसेन कथितम्‌, “योहनेन पश्‍चात्तापस्‍य जलसंस्‍कारः दीयते स्‍म। सः शिष्‍यान्‌ अकथयत्‌, भवद्‌भिः मम पश्‍चात्‌ आगन्‍तरि, येशौ विश्‍वासः कर्तव्‍यः।

⁵इदं श्रुत्‍वा ते प्रभोः येशोः नाम्‍नि जलसंस्‍कारं गृहीतवन्‍तः।

⁶पौलुसः यदा तेषु हस्‍तम्‌ अस्‍थापयत्‌, तदा पवित्रात्‍मा तेषु अवतरत्‌, ते विभिन्‍नभाषायां भविष्‍यवाणीं कुर्वन्‍ति स्‍म। सर्वे मिलित्‍वा प्रायशः द्वादशः पुरुषाः आसन्‌।

⁷

⁸पौलुसः त्रयमासपर्यन्‍तं सभागृहं गच्‍छति स्‍म। सः परमेश्‍वरस्‍य राज्‍यस्‍य विषये निस्‍संकोचेन कथयित्‍वा यहूदिनः बोधयति स्‍म।

⁹परन्‍तु तेषु केचित्‌ जनाः हठधर्मिनः आसन्‌। ते न केवलम्‌ अविश्‍वासिनः अतिष्‍ठन्‌, परन्‍तु सर्वेषां समक्षे पन्‍थं निन्‍दितवन्‍तः। अतः पौलुसः तैः सह संबंधविच्‍छेदं कृत्‍वा स्‍वशिष्‍यान्‌ तत्रतः पृथकान्‌ कृतवान्‌। सः प्रतिदिनं तुरन्‍नुसस्‍य पाठशालायां धर्मशिक्षां ददाति स्‍म।

¹⁰अयं क्रमः वर्षद्वयपर्यन्‍तं चलितः, इत्‍थम्‌ आसियाप्रदेशस्‍य निवासिनः, यहूदिनः युनानिनः वा सर्वे प्रभोः वचनम्‌ अशृण्‍वन्‌।

¹¹परमेश्‍वरः पौलुसेन असाधारणचमत्‍कारान्‌ प्रदर्शयति स्‍म।

¹²यदा जनाः तस्‍य शरीरस्‍य वस्‍त्रखण्‍डं, गात्रमार्जनीं च रोगिनाम्‌ शरीरे उपस्‍थापयन्‍ति स्‍म, तदा रोगिनः, निरोगाः अभवन्‌, दुष्‍टात्‍मानः तेषां शरीरेभ्‍यः निर्गच्‍छन्‍ति स्‍म।

¹³केचित्‌ परिभ्रामिनः यहूदिनः भूतसाधकाः अपि अपदूतग्रस्‍तेषु प्रभोः येशोः नाम्‍नः उच्‍चारणकर्तुम्‌ प्रयासं कृतवन्‍तः। ते एवं वदन्‍ति स्‍म, “पौलुसः यस्‍य प्रचारं करोति, त्‍वां तस्‍य एव येशोः शपथः।”

¹⁴महापुरोहितस्‍किवासस्‍य सप्‍तपुत्राः अपि इदं कार्यम्‌ कुर्वन्‍ति स्‍म।

¹⁵एकस्‍मिन्‌ अवसरे अपदूतः प्रत्‍युत्तरे अवदत्‌, “मया येशुः ज्ञातः, पौलुसः कः अस्‍ति इदमपि ज्ञातम्‌, परन्‍तु यूयं के स्‍थ?”

¹⁶यः मनुष्‍यः अपदूतेन गृहीतः आसीत्‌, सः उत्‌प्‍लुत्‍य सर्वान्‌ अपातयत्‌। तेषाम्‌ ईदृशी दुर्गतिः अभवत्‌ यत्‌ ते नग्‍नाः भूत्‍वा तस्‍मात्‌ गृहात्‌ निर्गच्‍छन्‌।

¹⁷इफिसुसस्‍य निवासिनः, यहूदिनः, यूनानिनः वा सर्वे इमां घटनां जानीतवन्‍तः। सर्वेषां उपरि भयम्‌ अभवत्‌, इत्‍थं प्रभोः येशोः नाम्‍नि श्रद्धा अवर्धत।

¹⁸विश्‍वासिषु अपि बहवः जनाः आगत्‍य सर्वेषां समक्षे स्‍वीकृतवन्‍तः यत्‌ तैः मंत्रतंत्रस्‍य प्रयोगः कृतः।

¹⁹अनेकाः ऐन्‍द्रजालिकाः स्‍वपुस्‍तकानि आनीय सर्वेषां समक्षे अदाहयन्‌। पुस्‍तकानां मूल्‍यं पन्न्‍चाशतसहस्राणि रजतस्‍य मुद्राणि आसीत्‌।

²⁰इत्‍थम्‌ प्रभोः वचनस्‍य प्रभावसामर्थ्‍यौ अवर्धेताम्‌।

²¹आसां घटनानां पश्‍चात्‌ पौलुसः मकेदूनियायाः, यूनानस्‍य च भ्रमनं कुर्वन्‌ येरुसलेमं गन्‍तुं निश्‍चितवान्‌। तेन कथितम्‌, “तत्र गमनस्‍य पश्‍चात्‌ मया रोमः अपि द्रष्‍टव्‍यः।”

²²सः सहयोगिषु द्वौ, तिमोथीम्‌ एरस्‍तुसं च मकेदूनियां प्रेषितवान, परन्‍तु स्‍वयं किन्न्‍चित्‌ कालाधिकम्‌ आसियायाम्‌ अतिष्‍ठत्‌।

²³तस्‍मिन्‌ समये पन्‍थस्‍य कारणात्‌ एकः महोपद्रवः अभवत्‌।

²⁴देमेत्रियुसः नाम स्‍वर्णकारः अरतिमिसदेव्‍याः मंदिरस्‍य स्‍वर्णमयीप्रतिमाः निर्मायित्‍वा वास्‍तुकारेभ्‍यः अनेकानि कार्याणि दापयति स्‍म।

²⁵सः इमान्‌ कारीगरान्‌, अस्‍य व्‍यवसायस्‍य अन्‍यकारीगरान्‌ च एकत्रीकृत्‍य अवदत्‌, “भ्रातरः! भवन्‍तः जानन्‍ति यत्‌ अस्‍मिन्‌ व्‍यवसाये अस्‍माकं उत्तमा स्‍थितिः निर्भरास्‍ति।

²⁶परन्‍तु भवन्‍तः पश्‍यन्‍ति, शृण्‍वन्‍ति च यत्‌ पौलुसेन न केवलं इफिसुसनगरे, परन्‍तु प्रायः समस्‍त आसियायाम्‌ अनेकजनान्‌ अवगत्‍वा मतिभ्रष्‍टान्‌ कृतः अस्‍ति। तस्‍य अनुसारेण हस्‍तनिर्मिताः देवताः, देवताः न सन्‍ति।

²⁷अनेन इयम्‌ आशंका जाता यत्‌ न केवलम्‌ अस्‍माकं व्‍यवसायस्‍य प्रतिष्‍ठा समाप्‍ता भविष्‍यति, परन्‍तु महत्‍याः देव्‍याः मन्‍दिरस्‍य महत्‍वः नष्‍टः भविष्‍यति। यस्‍याः देव्‍याः पूजां समस्‍तआसिया समस्‍तसंसारश्‍च करोति, तस्‍या ऐश्‍वर्यः शीघ्रः नष्‍टः भविष्‍यति।”

²⁸ते इदं श्रुत्‍वा क्रुद्धाः भूत्‍वा, उच्‍चैः स्‍वरैः अवदन्‌ - “इफिसियानाम्‌ अरतिमिसदेव्‍यै जयः।”

²⁹समस्‍तनगरे संकुलः अभवत्‌। ते मकेदूनियायाः निवासिनौ गायुसारिस्‍तखु्रर्सौ आकृष्‍य नीतवन्‍तः। तौ पौलुसस्‍य सहयात्रिणौ अपि आस्‍ताम्‌। सर्वे मिलित्‍वा नाट्‌यशालां प्रति अधावन्‌।

³⁰पौलुसः तस्‍यां सभायां गन्‍तुम्‌ इच्‍छति स्‍म, वरन्‌ शिष्‍यैः निषिद्धः।

³¹आसियायाः केचित्‌ अधिकारिणः पौलुसस्‍य मित्राणि आसन्‌। पौलुसः तैः मित्रैः अपि तत्र न गन्‍तुं निवेदितः।

³²सभायां कोलाहलः सर्वत्रासीत्‌। कश्‍चित्‌ किंचित्‌ वदति स्‍म कश्‍चित्‌ अन्‍यकिंचित्‌ वदति स्‍म; यतः अधिकांशजनाः इदमपि न जानन्‍ति स्‍म यत्‌ ते तत्र किमर्थम्‌ एकत्रीभूताः सन्‍ति।

³³संकुलेषु केचित्‌ यहूदिनः सिकन्‍दरं बोधयित्‍वा पुरः अकुर्वन्‌। अस्‍य कारणम्‌ आसीत्‌ यत्‌ तेषाम्‌ उपरि अपि अभियोगः न भवेत्‌। सिकन्‍दरः हस्‍तेन इंगितवान्‌ यत्‌ सः जनान्‌ सम्‍बोधितुम्‌ इच्‍छति;

³⁴परन्‍तु जनाः ज्ञातवन्‍तः यत्‌ सः यहूदी अस्‍ति, पुनः तारस्‍वरैः द्वौहोरापर्यन्‍तम्‌ अवदन्‌ - “इफिसियानाम्‌ अरतिमिसदेवी महती अस्‍ति।”

³⁵नगरस्‍य प्रशासकेन समूहस्‍य नियंत्रणस्‍य पश्‍चात्‌ कथितम्‌, “इफिससस्‍य सज्‍जनाः! कः मनुष्‍यः इदं न जानन्‍ति यत्‌ इफिसुसनगरं महतीदेव्‍याः अरतिमिसमन्‍दिरस्‍य, तथा आकाशात्‌ पतिता तस्‍याः मूर्त्‍याः च संरक्षकः विद्यते।

³⁶इदं कथनं निर्विवादमस्‍ति, अतः भवद्‌भिः शान्‍ताः भवितव्‍याः, सुविचारेण विना किन्न्‍चत्‌ अपि न कर्तव्‍यम्‌।

³⁷भवद्‌भिः यौ जनौ आनीतौ, ताभ्‍यां न तु मन्‍दिरम्‌ अपवित्रम्‌ कृतम्‌, न वा भवतां देव्‍याः निन्‍दा।

³⁸यदि देमेत्रियुसस्‍य तस्‍य वास्‍तुकाराणां केनचित्‌ सह कोऽपि परिदेवः अस्‍ति, तदा न्‍यायालयः उद्‌घाटितः अस्‍ति, उपराज्‍यपालः अपि विद्यमानः अस्‍ति। उभौ पक्षौ परस्‍परम्‌ अभियोगं कुर्याताम्‌।

³⁹यदि भवन्‍तः अधिकम्‌ इच्‍छेयुः तदा वैधसभायाम्‌ अस्‍मिन्‌ विषये विचारः भविष्‍यति।

⁴⁰अद्यस्‍य उपद्रवकारणात्‌ अस्‍माकम्‌ उपरि अभियोगः भवितुं शक्‍नोति, यतः वयम्‌ अस्‍य उपद्रवस्‍य किमपि उचितकारणं वक्‍तुम्‌ असमर्थाः।”

⁴¹तेन एतावत्‌ एव उक्‍त्‍वा सभा विसर्जिता।