Read Sanskrit प्रेरिताणाम्‌ कार्यकलापः 2 Bible Online

प्रेरिताणाम्‌ कार्यकलापः 2 - Sanskrit bible

प्रेरिताणाम्‌ कार्यकलापः 2

¹पेन्‍तेकोस्‍तस्‍य दिने सर्वे शिष्‍याः एकस्‍मिन्‌ स्‍थाने एकत्राः अभवन्‌।

²सहसा वात्‍या इव ध्‍वनिः अंतरिक्षात्‌ श्रूयते स्‍म। सम्‍पूर्णगृहे यत्र ते उपविष्‍टाः आसन्‌, शब्‍दः अभवत्‌।

³एकप्रकारस्‍य अग्‍निः दृश्‍यते स्‍म, यः जिह्‌वासु विभाजितः भूत्‍वा प्रत्‍येकस्‍य उपरि आगत्‍य स्‍थितवान्‌।

⁴ते सर्वे पवित्रात्‍मना परिणूर्णाः अभवन्‌। तस्‍य प्रदत्तवरदानानुसारेण भिन्‍नां भिन्‍नां भाषां वदन्‍ति स्‍म।

⁵सर्वराष्‍ट्रेभ्‍यः धर्मिणः यहूदिनः तस्‍मिन्‌ समये येरुसलेमनगरे वसन्‍ति स्‍म।

⁶यदा इयं ध्‍वनिः अभवत्‌, तदा तत्र जननिवहः अभवत्‌। ते आश्‍चर्यचकिताः आसन्‌, यतः प्रत्‍येकः जनः स्‍व स्‍व भाषायां शिष्‍यान्‌ वदन्‍तः शृणोति स्‍म।

⁷ते चकिताः भूत्‍वा वदन्‍ति स्‍म - “किं इमे सर्वे वक्‍तारः गलीलीनिवासिनः न सन्‍ति?

⁸तदा अस्‍मासु प्रत्‍येकः स्‍व मातृभाषां कथं शृणोति।

⁹पारथ्‍याः, मेदयाः, एलाम्‍याः, मेसोपोतामियायाः, यहूदियायाः, कप्‍पादूकियायाः, पोंतुसस्‍य अशियायाः च,

¹⁰फ्रुगियायाः पप्‍फुलियायाः च, मिस्रस्‍य कुरेनेप्रदेशस्‍य च निकटवर्त्तिनः, लिबियायाः निवासिनः, रोमस्‍य यहूदिनः तथा दीक्षार्थिणः प्रवासिनः

¹¹क्रेत्‍याः अरबदेशस्‍यः निवासिनः च - वयं सर्वे स्‍व स्‍व भाषायां इमान्‌ परमेश्‍वरस्‍य महाकार्याणाम्‌ वर्णनं कुर्वन्‍तः शृणुमः।”

¹²सर्वे आश्‍चर्यचकिताः भूत्‍वा परस्‍परं वदन्‍ति स्‍म “किम्‌ इदम्‌?”

¹³केचन अनादरभावेन अवदन्‌- “ते सर्वे द्राक्षारसं पीत्‍वा मत्ताः सन्‍ति।”

¹⁴पतरसः एकादशैः सह उत्‍थाय उपस्‍थितजनान्‌ उच्‍चस्‍वरेण संबोधितवान्‌ “यहूदिनः भ्रातरः! येरुसलेमस्‍य निवासिनः च। मम वचनानि ध्‍यायेन शृण्‍वन्‍तु, जानन्‍तु च

¹⁵इमे मत्ताः न सन्‍ति यथा भवन्‍तः मन्‍यन्‍ते इदानीं दिवसस्‍य नव वादनमस्‍ति।

¹⁶परन्‍तु सत्‍यम्‌ एतद्‌ अस्‍ति, यस्‍य विषये नबी योएलः कथितवान्‌,

¹⁷‘परमेश्‍वरः एवं कथयति ः- अहम्‌ अंतिमदिवसेषु सर्वेषु जनेषु स्‍वात्‍मानम्‌ उत्‍क्षेप्‍स्‍यामि। युष्‍माकं पुत्राः दुहिताश्‍च नबूवतं करिष्‍यन्‍ति, युष्‍माकं नवयुवकाः दिव्‍यदर्शनं करिष्‍यन्‍ति युष्‍माकं वृद्धाः जनाः स्‍वप्‍नं द्रक्ष्‍यन्‍ति।

¹⁸अहम्‌ तेषु दिवसेषु स्‍व दासेषु दासीसु च स्‍व आत्‍मानम्‌ उत्‍क्षेप्‍स्‍यामि ते नबूवतं करिष्‍यन्‍ति।

¹⁹अहम्‌ उपरि नभसि अद्‌भुतं कार्यम्‌ अधश्‍च संसारे चिह्‌नं दर्शयामि अर्थात्‌ तेषु रक्‍तं, अग्‍निः उड्‌डयन्‌ धूम्रश्‍च।

²⁰प्रभाेः महतः तथा प्रकाशमानदिनस्‍य आगमनात्‌ पूर्वम्‌ एव सूर्यः अन्‍धकारमयः भविष्‍यति चन्‍द्रमा रक्‍तमयः च।

²¹तदा यः प्रभोः नाम्‍नः आह्‌वाहनं करिष्‍यति, स उद्धारं लप्‍स्‍यते।’

²²“इस्राएलिनः भ्रातरः! मम वचनानि ध्‍यानेन शृणुत! भवन्‍तः जानन्‍ति यत्‌ परमेश्‍वरः भवतां मध्‍ये अनेकानि महानकार्याणि, चमत्‍कारान्‌ चिह्‌नानि च प्रदर्शितवान्‌। अनेन प्रमाणितमस्‍ति यत्‌ येशुः परमेश्‍वरात्‌ भवतां मध्‍ये प्रेषितः आसीत्‌।

²³सः परमेश्‍वरस्‍य विधानस्‍य तथा पूर्वज्ञानानुसारेण शत्रुभिः बन्‍धने कृतः। भवदभिः विधर्मिनाम्‌ हस्‍तेषु क्रूसकाष्‍ठे आरोपितः हतः च।

²⁴इत्‍थं सः अम्रियत। परन्‍तु परमेश्‍वरः मृत्‍योः बन्‍धनम्‌ उद्‌घाट्‌य तं पुनर्जीवितं कृतवान्‌। अयं असंभवः एव आसीत्‌ यत्‌ सः मृत्‍योः वशे तिष्‍ठेत्‌,

²⁵यतः तस्‍य विषये दाऊदः इत्‍थं कथयति ः- प्रभुः मम नेत्रयोः समीपे वर्तते। सः मम दक्षिणे विराजमानः अस्‍ति, येन अहं विचलितः न भवेयम्‌।

²⁶अतः मम हृदयम्‌ आनन्‍दितम्‌ अस्‍ति, मम जिह्‌वा प्रफुल्‍लिता अस्‍ति । मम शरीरम्‌ आशायां विश्रमयिष्‍यति।

²⁷यतः त्‍वं मम आत्‍मानम्‌ अधोलोके न मुन्न्‍चयिष्‍यसि। त्‍वं स्‍वभक्‍तं समाधौ विगलितुं न दास्‍यसि।

²⁸त्‍वं मां जीवनस्‍य मार्गम्‌ अशिक्षयः। त्‍वं स्‍वमुखस्‍य दर्शनेन, माम्‌ आनन्‍दविभोरं करिष्‍यति।

²⁹“भ्रातरः! अहं कुलपतेः दाऊदस्‍य विषये भवतः निस्‍संकोचेन इदं वक्‍तुं शक्‍नोमि यत्‌ सः मृतः समाधौ स्‍थापितः च। तस्‍य समाधिस्‍थानम्‌ अस्‍माकं मध्‍ये विद्यमानं वर्तते।

³⁰दाऊदः जानाति स्‍म, यत्‌ परमेश्‍वरः शपित्‍वा तान्‌ कथितवान्‌, यत्‌ अहं तव वंशजेषु एकं सिंहासने उपस्‍थास्‍यामि।

³¹अतः सः भविष्‍यवक्‍ता भूत्‍वा भविष्‍ये भविष्‍यन्‌ मसीहस्‍य पुनरुत्‍थानम्‌ अपश्‍यत्‌। तस्‍य विषये अकथयत्‌ यत्‌ सः अधोलोके न त्‍यक्‍तः आसीत्‌, तस्‍य शरीरं न गलितं च।

³²परमेश्‍वरेण सः येशुः नाम मनुष्‍यः पुनर्जीवितः च। वयं अस्‍य साक्षिणः स्‍म।

³³इदानीं सः परमेश्‍वरस्‍य दक्षिणहस्‍तेन उन्‍नतः अभवत्‌। तस्‍मै सर्वप्रथमः पित्रा पवित्रात्‍मा प्राप्‍तः, यस्‍य प्रतिज्ञाकृता आसीत्‌। तेन सः उत्‍क्षेपितः यथा भवन्‍तः पश्‍यन्‍ति शृण्‍वन्‍ति च।

³⁴दाऊदः स्‍वयं स्‍वर्गं न गतवान्‌ किन्‍तु सः वदति :- ‘प्रभुः मम प्रभुना अकथयत्‌ त्‍वं तावत्‌ मम दक्षिणे उपविश,

³⁵यावत्‌ अहं तव शत्रुन्‌ तव पादपीठं न करवाणि।

³⁶“इस्राएलस्‍य सम्‍पूर्णम्‌ कुलं इदं निश्‍चितरूपेण जानीयात्‌ यत्‌ यः भवद्‌भिः क्रूसे आरोपितः, परमेश्‍वरेण सः एव येशुः, प्रभुः मसीहश्‍च द्वौ निर्मितः।”

³⁷इदं श्रुत्‍वा ते मर्माहताः भूत्‍वा पतरसम्‌ अन्‍य प्रेरितान्‌ च पृष्‍टवन्‍तः, “भो! भ्रातरः! अस्‍माभिः किं कर्तव्‍यम्‌?”

³⁸पतरसः तान्‌ प्रत्‍युत्तरम्‌ अददात्‌, “भवन्‍तः स्‍वापराधानां कृते मनस्‍तापं कुर्युंः। भवत्‍सु प्रत्‍येकः स्‍व अपराधेभ्‍यः क्षमायै येशोः मसीहस्‍य नाम्‍नि जलसंस्‍कारं गृह्‌णातु। इत्‍थं पवित्रात्‍मानम्‌ लप्‍स्‍यन्‍ते।

³⁹यतः या प्रतिज्ञा भवद्‌भ्‍यः, भवताम्‌ सन्‍तानस्‍य कृते च अस्‍ति, तेभ्‍यः सर्वेभ्‍यः अपि च ये अधुना दूराः सन्‍ति, यान्‌ अस्‍माकं प्रभु परमेश्‍वरः आह्‌वयति।”

⁴⁰पतरसः बहुकथनैः साक्ष्‍यं दत्‍वा तान्‌ उपदिष्‍टवान्‌ अनुनयं कृतवान्‌ यत्‌ ते, स्‍वान्‌ नास्‍तिकवंशात्‌ रक्षयेयुः।

⁴¹ते पतरसस्‍य वचनं स्‍वीकृत्‍य जलसंस्‍कारम्‌ अलभन्‍त। तस्‍मिन्‌ दिने प्रायः त्रयसहस्रः जनाः शिष्‍येषु सम्‍मिलिताः अभवन्‌।

⁴²नूतनाः विश्‍वासिनः दत्तचित्ताः भूत्‍वा प्रेरितानां शिक्षां शृण्‍वन्‍ति स्‍म। भ्रातृत्‍वस्‍य निर्वाहे ते निष्‍कपटाः आसन्‌; प्रासादवितरणे, सामूहिकप्रार्थनासु च नियमितरूपेण सम्‍मिलिताः भवन्‍ति स्‍म।

⁴³सर्वेषु उपरि विस्‍मयः आसीत्‌, यतः प्रेरिताः अनेकान्‌ चमत्‍कारान्‌ चिन्‍हान्‌ च दर्शयन्‍ति स्‍म।

⁴⁴सर्वे विश्‍वासिनः एकहृदयाः आसन्‌। तेषां पार्श्‍वे यत्‌ किन्न्‍चित्‌ आसीत्‌ तस्‍मिन्‌ सर्वेषां अंशाः भवन्‍ति स्‍म।

⁴⁵ते स्‍व चलाचलसम्‍पतिं विक्रीय तस्‍याः मूल्‍यं प्रत्‍येकस्‍य आवश्‍यकतानुसारेण सर्वेषां मध्‍ये च ददति स्‍म।

⁴⁶ते सर्वे मिलित्‍वा प्रतिदिनं मन्‍दिरं गच्‍छन्‍ति स्‍म। व्‍यक्‍तिगतगृहेषु प्रसाद-वितरणे सम्‍मिलिताः भूत्‍वा निष्‍कपटहृदयेन आनन्‍दपूर्वकेन सह एव भोजनं कृतवन्‍तः।

⁴⁷ते सर्वे परमेश्‍वरस्‍य स्‍तुतिं कृतवन्‍तः, सर्वाभिः जनताभिः बहुमन्‍यन्‍ते स्‍म। प्रभुः प्रतिदिनं तेषां समुदाये ईदृशीन्‌ जनान्‌ मेलयति स्‍म, ये मुक्‍तिप्राप्‍तये इच्‍छुकाः आसन्‌।