Read Sanskrit प्रेरिताणाम्‌ कार्यकलापः 6 Bible Online

प्रेरिताणाम्‌ कार्यकलापः 6 - Sanskrit bible

प्रेरिताणाम्‌ कार्यकलापः 6

¹तेषु दिनेषु यदा शिष्‍यानां संख्‍या वर्द्धते स्‍म, तदा यूनानीभाषिनः इब्राणीभाषिणां विरुद्धे अभियोगं कृतवन्‍तः, यत्‌ खाद्यसामग्रिणः दैनिकवितरणे तेषां विधवानाम्‌ उपेक्षा भवति स्‍म।

²अतः द्वादशशिष्‍याः सभाम्‌ आहूय कथितवन्‍तः - “इदं न उचितं यत्‌ वयं भोजनवितरणकारणात्‌ परमेश्‍वरस्‍य वचनं त्‍यजेम।

³भवन्‍तः स्‍वमध्‍येषु पवित्रात्‍मना परिपूर्णाः सप्‍तः बुद्धिमतः नेकजनान्‌ च चिनुयुः। ते निर्वाचिताः जनाः वितरणकार्यम्‌द्रक्ष्‍यन्‍ति।

⁴वयं प्रार्थनायाः वचनस्‍य च सेवायां स्‍थास्‍यामः।

⁵अयं विचारः सर्वेभ्‍यः रोचते स्‍म। ते विश्‍वासेन, पवित्रात्‍मना च परिपूर्णाः स्‍तीफनुसस्‍य अतिरिक्‍तः फिलिपं प्रोखुरुसं, निकानोरं, तीमोनं, परमिनासं, यहूदीधर्मे नवदीक्षितः अन्‍ताकियाः निवासिनं निकोलासं निर्वाचितवन्‍तः।

⁶निर्वाचनस्‍य पश्‍चात्‌ तान्‌ प्रेरितानां समुखे उपस्‍थितवन्‍तः। प्रार्थनानन्‍तरं शिष्‍याः तेषु उपरि स्‍व हस्‍तान्‌ स्‍थापितवन्‍तः।

⁷परमेश्‍वरस्‍य वचनानि प्रसृतानि। येरुसलेमनगरे शिष्‍यानां संख्‍या प्रतिदिनम्‌ वर्द्धते स्‍म। बहवः याजकाः इमं विश्‍वासं स्‍वीकृतवन्‍तः।

⁸स्‍तीफनुसः अनुग्रहेण सामर्थ्‍येण च सम्‍पन्नः भूत्‍वा जनतायाः समक्षे अनेकचमत्‍कारान्‌ चिह्‌नानि च दर्शयति स्‍म।

⁹तस्‍मिन्‌ समये “दास्‍यमुक्‍ताः” नाम्‍नः सभागृहस्‍य केचित्‌ सदस्‍याः, कुरेनेनगरस्‍य, सिकन्‍दरियायाः, नगराणां च किलिकियायाः, तथा असियायाः प्रदेशानां केचित्‌ जनाः आगत्‍य स्‍तीफनुसेन सह विवादम्‌ अकुर्वन्‌।

¹⁰परन्‍तु ते स्‍तीफनुसस्‍य ज्ञानस्‍य समक्षे न अतिष्‍ठन्‌, यतः सः पवित्रात्‍मनः प्रेरितो भूत्‍वा वदति स्‍म।

¹¹तदा ते केचितजनान्‌ उत्‍कोचं दत्‍वा तस्‍य विरोधे वक्‍तुं प्रेरितवन्‍तः। ते असत्‍यसाक्षीम्‌ अददुः - “वयं स्‍तीफनुसं मूसः तथा परमेश्‍वरस्‍य निन्‍दां कुर्वन्‌ स्‍वकर्णैः अशृणुम।”

¹²इत्‍थं जनतां, धर्मवृद्धान्‌ शास्‍त्रिणः च स्‍वपक्षे आनीय, सहसा स्‍तीफनुसस्‍य समीपे आगत्‍य धृत्‍वा च धर्ममहासभायाः सम्‍मुखे नीतवन्‍तः।

¹³तत्र ते मिथ्‍यासाक्षिणः उपस्‍थापितवन्‍तः, ये अवदन्‌, “अयं जनः निरन्‍तरं मन्‍दिरस्‍य तथा मूसः व्‍यवस्‍थायाः निन्‍दति।

¹⁴वयं अशृणुम यत्‌ येशुः नासरी इदं स्‍थानं नष्‍टं करिष्‍यति, मूसः समयात्‌ आगच्‍छन्‍तीम्‌ अस्‍माकं प्रथां परिवर्तनं करिष्‍यति च।

¹⁵धर्ममहासभायाः सर्वे सदस्‍याः स्‍थिरदृष्‍ट्‌या तं पश्‍यन्‍ति स्‍म, तस्‍य मुखमंडलं तेभ्‍यः देवदूतस्‍य इव दृश्‍यते स्‍म।