Read Sanskrit रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 12 Bible Online

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 12 - Sanskrit bible

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 12

¹अतः भ्रातरः! अहं परमेश्‍वरस्‍य दयायाः नाम्‍नि अनुरोधयामि यत्‌ भवन्‍तः मनसा हृदयेन च तस्‍य उपासनां कुर्युः एकजीवन्‍तस्‍य पवित्रस्‍य सुग्राह्यस्‍य च बलेः रूपे स्‍वम्‌ परमेश्‍वरं प्रति अर्पितं कुर्युः।

²भवन्‍तः अस्‍य संसारस्‍य अनुकूलाचरणं मा कुर्युः, वरन्‌ सर्वान्‌ नूतनदृष्‍ट्‌या पश्‍येयुः, स्‍व स्‍वभावं परिवर्तनं कुर्युः। अनेन प्रकारेण भवन्‍तः ज्ञास्‍यन्‍ति यत्‌ परमेश्‍वरः किम्‌ इच्‍छति, तस्‍य दृष्‍टौ किं साधुः, सुग्राह्यः सर्वोत्तमश्‍च अस्‍ति।

³तस्‍य वरदानस्‍य अधिकारेण, यः मह्‌यं प्राप्‍तः, अहं भवत्‍सु प्रत्‍येकं वदामि - स्‍वं औचित्‍यात्‌ अधिकमहत्‍वं मा दद्‌युः। परमेश्‍वरेण प्रदत्तस्‍य विश्‍वासस्‍य मात्रायाः अनुरूपे प्रतिमनुष्‍येन संतुलितः विचारः कर्तव्‍यः।

⁴यथा अस्‍माकं एकशरीरे अनेकाः अंगाः भवन्‍ति, सर्वेषाम्‌ अंगानाम्‌ कार्यम्‌ एकम्‌ न भवति, तथैव सर्वेषां जनानां कार्यम्‌ समानं न भवति।

⁵तथैव वयम्‌ अनेकाः भवन्‍तः अपि मसीहे एकम्‌ एव गात्रं, अन्‍योऽन्‍यस्‍य अंगाश्‍च भवामः।

⁶अस्‍मभ्‍यं प्राप्‍तः अनुग्रहस्‍य अनुरूपे अस्‍माकं वरदानानि अपि भिन्‍नानि भवन्‍ति। अस्‍मभ्‍यम्‌ भविष्‍यवाण्‍याः वरदानं प्राप्‍तम्‌, तदा अस्‍माभिः विश्‍वासस्‍य अनुरूपे तस्‍य प्रयोगः कर्तव्‍यः,

⁷सेवायाः वरदाने प्राप्‍ते सति, सेवाकार्ये संलग्‍नः भवेयुः। शिक्षकाः शिक्षां दद्‌युः, 8उपदेशकाः उपदेशं दद्‌युः च। दानदातारः उदाराः भवेयुः, अध्‍यक्षाः कर्मठाः भवेयुः। परोपकारकाः च हर्षेण सह परोपकारं कुर्युः।

⁹भवतां प्रेम निष्‍कपटं भवतु, भवन्‍तः दुष्‍कर्मणः घृणां, सुकर्मणः प्रेम च कुर्युः।

¹⁰भवन्‍तः वास्‍तविक-भ्रातॄणाम्‌ इव परस्‍परं प्रेम कुर्युः। प्रत्‍येकः अपरं श्रेष्‍ठम्‌ अवगच्‍छतु।

¹¹भवन्‍तः अथकपरिश्रमेण, आध्‍यात्‍मिकोत्‍साहेन च प्रभोः सेवेरन्‌।

¹²आशया आनन्‍दिताः भवेयुः। भवन्‍तः संकटे धृतिम्‌ न मुत्र्चेयुः प्रार्थनायां च संलग्‍नाः भवेयुः।

¹³साधुनाम्‌ आवश्‍कतायै दानं दद्‌युः, अतिथिनां परिचर्यांम्‌ कुर्युः।

¹⁴स्‍व अत्‍याचारिभ्‍यः आर्शीवादं याचेयुः - आम्‌, आर्शीवादः न अभिशापः।

¹⁵आनन्‍दकर्तृभिः सह आनन्‍दं कुर्युः, विलापं कर्तृभिः सह रुद्‌युः।

¹⁶परस्‍परं मेलमिलापस्‍य भावं कुर्युः, अभिमानिनः मा भवेयुः वरन्‌ असहायजनैः सह मेलनं कुर्युः। “स्‍वं बुद्धिमन्‍तः मा अवगच्‍छेयुः।”

¹⁷अपकारस्‍य विनिमये अपकारं मा कुर्युः। संसारस्‍य दृष्‍टौ सदाचरणं कर्तुम्‌ प्रयासः कर्तव्‍यः।”

¹⁸यावत्‌ संभवः, सर्वैः सह मेलमिलापं कुर्युः।

¹⁹प्रियभ्रातरः! भवद्‌भिः स्‍वप्रतिशोधः न गृहीतव्‍यः, वरन्‌ तम्‌ परमेश्‍वरस्‍य प्रकोपे मुत्र्चेयु; यथा लिखितमस्‍ति - प्रभु वदति, “प्रतिशोधः मम अधिकारः, अहमेव प्रतिशोधं ग्रहीष्‍यामि।

²⁰अतः यदि तव शत्रुः बुभुक्षितः अस्‍ति, तस्‍मै भोजनं देहि, यदि पिपासितः अस्‍ति, तदा तस्‍मै जलं दद्‌युः, यतः ईदृशेन कार्येण भवन्‍तः तस्‍य मस्‍तके ज्‍वलन्‍तानाम्‌ अग्‍नीनाम्‌ राशिं स्‍थापयिष्‍यन्‍ति। दुष्‍कर्मभिः पराजिताः न भूत्‍वा सत्‍कर्मभिः दुष्‍कर्मसु विजयिनः भवेयुः।