Read Sanskrit रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 13 Bible Online

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 13 - Sanskrit bible

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 13

¹प्रत्‍येकः व्‍यक्‍तिः अधिकारिणाम्‌ अधीने तिष्‍ठतु, यतः ईदृशः कोऽपि अधिकारः नास्‍ति, यः परमेश्‍वरेण दत्तः नास्‍ति। वर्तमानाधिकारिणां व्‍यवस्‍था परमेश्‍वरप्रदत्ता अस्‍ति।

²अतः ईदृशस्‍य अधिकारस्‍य विरोधम्‌ यः करोति, सः परमेश्‍वरस्‍य व्‍यवस्‍थायाः विरुद्धे विद्रोहं करोति, विद्रोहिणः स्‍वशिरसि दण्‍डाज्ञाम्‌ आह्‌वयन्‍ति च।

³शासकाः सत्‍कर्तॄन न, परन्‍तु कुकर्तॄन्‌ भाययन्‍ति। किं भवान्‌ अधिकारिणां भयात्‌ मुक्‍तिम्‌ इच्‍छति? तदा सत्‍कार्यम्‌ करोतु, ते तव प्रशंसां करिष्‍यन्‍ति,

⁴यतः ते तव परोपकाराय परमेश्‍वरस्‍य सेवकाः सन्‍ति। परन्‍तु यदि भवान्‌ कुकर्म करोति, तदा तेभ्‍यः अवश्‍यं बिभेतु, यतः ते व्‍यर्थमेव असिं न बध्‍नन्‍ति। ते परमेश्‍वरस्‍य नाम्‍नि दण्‍डयन्‍ति, कुकर्मिभ्‍यश्‍च प्रतिशोधं गृह्नन्‍ति।

⁵अतः न केवलं दण्‍डात्‌ परित्रातुं, वरन्‌ अन्‍तःकरणस्‍य कारणात्‌ अपि अधिकारिणाम्‌ अधीने भवितव्‍यम्‌।

⁶भवद्‌भिः अस्‍य कारणस्‍य कृते राज्‍यशुल्‍कं दीयते। अधिकारिणः परमेश्‍वरस्‍य सेवकाः सन्‍ति, स्‍व कर्तव्‍यानि च कुर्वन्‍ति।

⁷भवद्‌भिः सर्वान्‌ प्रति स्‍वकर्तव्‍यानि पूरितव्‍यानि। यस्‍मै करः दातव्‍यः तस्‍मै करं दद्‌यात्‌। यस्‍मै राजस्‍वः दातव्‍यः तस्‍मै राजस्‍वं दद्‌यात्‌। यस्‍मै सम्‍मानं दातव्‍यम्‌, तस्‍मै सम्‍मानं दद्‌यात्‌। यस्‍मै श्रद्धा दातव्‍या, तस्‍मै श्रद्धा च। भ्रातृप्रेम्‍णः ऋणं त्‍यक्‍त्‍वा, कस्‍यचित्‌, कस्‍मिनचित्‌ कथने ऋणी न भवतु। यः सर्वान्‌ अन्‍यान्‌ प्रेम करोति, तेन संहितायाः सर्वे नियमाः पालिताः।

⁹“व्‍यभिचारं मा करोतु, हत्‍यां मा करोतु, अस्‍तेयं मा करोतु, लोभं मा करोतु,” एतासाम्‌ सर्वासाम्‌ आज्ञानां सारांशश्‍च अयमस्‍ति - “स्‍व प्रतिवेशिनम्‌ निजस्‍य इव प्रेम करोतु।”

¹⁰प्रेम प्रतिवेशिना सह अन्‍यायं न करोति, अतः यः प्रेम करोति, सः संहितायाः सर्वेषां नियमानां पालयति।

¹¹भवन्‍तः समयं जानन्‍ति। भवन्‍तः जानन्‍ति निद्रायाः जागरणवेला आगता। अस्‍माकं पूर्वविश्‍वाससमयात्‌ अपेक्षा, इदानीम्‌ अस्‍माकं मुक्‍तिः अधिकनिकटा अभवत्‌।

¹²रात्रिः प्रायः समाप्‍ता, शीघ्रमेव सूर्योदयः भविष्‍यति, अतएव अस्‍माभिः अन्‍धकारस्‍य कार्याणि त्‍यक्‍त्‍वा, ज्‍योतेः शस्‍त्रं धर्तव्‍यम्‌।

¹³अस्‍माभिः दिनस्‍य योग्‍यसदाचरणं कर्तव्‍यम्‌। अस्‍माभिः मदिरायाः सेवनात्‌, व्‍यभिचारात्‌, भोगविलासात्‌, कलहात्‌, ईर्ष्‍यायाः पृथकः भवितव्‍यम्‌।

¹⁴भवन्‍तः प्रभुम्‌ येशुमसीहम्‌ धरन्‍तु, शरीरस्‍य वासनायाः तृप्‍तेः विचारं मुत्र्चन्‍तु।