Read Sanskrit रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 2 Bible Online

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 2 - Sanskrit bible

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 2

¹अन्‍यस्‍मिन्‌ चरित्रे केवलं दोषान्‌ द्रष्‍टारः! त्‍वं यः अपि असि, अक्षम्‍यः असि। अन्‍यस्‍मिन्‌ केवलं दोषं दर्शनस्‍य कारणात्‌ स्‍वयम्‌ अपराधी असि।

²वयं जानीमः यत्‌ परमेश्‍वरः ईदृशकुकर्मिभ्‍यः न्‍यायानुसारेण दण्‍डाज्ञां ददाति।

³त्‍वम्‌ ईदृशकुकर्मिणि दोषं ददासि, परन्‍तु स्‍वयं तत्‌ एव कर्म करोषि, किं त्‍वम्‌ अवगच्‍छसि, इयं दण्‍डाज्ञातुभ्‍यम्‌ न भविष्‍यति?

⁴अथवा किं त्‍वम्‌ परमेश्‍वरस्‍य असीमदयालुतायाः, सहनशीलतायाः, धर्यस्‍य च तिरस्‍कारं करोषि, इदम्‌ न अवगच्‍छसि यत्‌ परमेश्‍वरस्‍य दयालुता त्‍वां पश्‍चात्तापं प्रति नेतुम्‌ इच्‍छति?

⁵त्‍वं स्‍व हठधर्मितया, स्‍वहृदयस्‍य अपश्‍चात्तापेनकोपदिनाय स्‍वविरुद्धे कोपं संचयसि, यदा परमेश्‍रस्‍य न्‍यायसंगतः निर्णयः प्रकटः भविष्‍यति।

⁶सः प्रतिमनुष्‍याय तस्‍य कर्मणाम्‌ फलं दास्‍यति।

⁷ये जनाः धर्यपूर्वकं परोपकारं कुर्वन्‍तः, महिम्‍नः, सम्‍मानस्‍य अमरत्‍वस्‍य च अन्‍वेषणे भवन्‍ति, परमेश्‍वरः तेभ्‍यः अनन्‍तजीवनं प्रदास्‍यति।

⁸ये स्‍वार्थिनः सन्‍ति, सत्‍यस्‍य विद्रोहं कुर्वन्‍तः अधर्मे चलन्‍ति, ते परमेश्‍वरस्‍य क्रोधप्रकोपयोः पात्रं भविष्‍यन्‍ति।

⁹कुकर्मिणः - सर्वप्रथमं यहूदिनः पुनः युनानिनः कष्‍टानि संकटानि च सहिष्‍यन्‍ते। परोपकारिभ्‍यः - सर्वप्रथमं यहूदिभ्‍यः, पश्‍चात्‌ यूनानिभ्‍यः, महिमा, सम्‍मानम्‌, शान्‍तिश्‍च लप्‍स्‍यन्‍ते,

¹¹यतः परमेश्‍वरः केन सह अपि पक्षपातं न करोति।

¹²ये संहितायाः अधीने न आसन्‌, यदि तैः पापं कृतम्‌ ते संहितया विना नष्‍टं भविष्‍यन्‍ति, यैः संहितायाः अधीने भूत्‍वा पापानि कृतानि, तेषां संहितायाः अनुसारेण न्‍यायं भविष्‍यति।

¹³यतः संहितायाः श्रोतारः परमेश्‍वरस्‍य दृष्‍टौ धार्मिकाः नहि, वरन्‌ संहितायाः पालनकर्तारः धार्मिकाः सन्‍ति।

¹⁴यदा इतरयहूदिनः, येभ्‍यः संहिता न प्राप्‍ता, स्‍वयं तस्‍याः आज्ञां पालयन्‍ति, ते संहितायाः बहिः स्‍थिताः अपि स्‍वयं स्‍वेभ्‍यः संहिता सन्‍ति;

¹⁵यतः ते आचरणेन अस्‍य प्रमाणं ददति यत्‌ संहितायाः आज्ञाः तेषां हृदये अंकिताः सन्‍ति। तेषाम्‌ अन्‍तःकरणम्‌ अपि अस्‍य संबंधे साक्ष्‍यं ददाति। तेषां विचाराः अपि यदा-कदा तान्‌ अपराधिनः, निर्दोषाः च सिद्धयन्‍ति।

¹⁶अयं सर्वें तस्‍मिन्‌ दिने प्रकटो भविष्‍यति, यदा परमेश्‍वरः, मम शुभसमाचारानुसारेण येशुमसीहेन मनुष्‍यानां गुप्‍तविचारानां न्‍यायं करिष्‍यति।

¹⁷यूयं ये यहूदिनः कथयध्‍वे ! संहितायाम्‌ आश्रिताः, परमेश्‍वरे अभिमानं कुरुथ,

¹⁸तस्‍य इच्‍छां जानीथ, संहितया शिक्षिताः स्‍थ, अतः नैतिकमूल्‍यमपि जानीथ।

¹⁹युष्‍मभ्‍यम्‌ संहितया ज्ञानसत्‍ययोः आदर्शः स्‍वरूपः प्राप्‍तः, अतः यूयं स्‍वम्‌ अन्‍धानाम्‌ पथप्रदर्शकाः, तिमिरे निवासिनाम्‌ प्रकाशः, अज्ञानिनाम्‌ शिक्षकाः निर्दोषानाम्‌ गुरवः मन्‍यध्‍वे।

²¹किं यूयम्‌ अन्‍येभ्‍यः शिक्षां दत्‍थ, स्‍वे शिक्षां न दत्‍थ? यूयं वदथ - “स्‍तेनं मा कुरु,” स्‍वयं स्‍तेनं कुरुथ,

²²यूयं वदथ - व्‍यभिचारः न कर्तव्‍यः, स्‍वयं व्‍यभिचारं कुरुथ, यूयं देवमूर्तिभ्‍यः जुगुपप्‍सध्‍वे।

²³यूयं संहितायाम्‌ अभिमानं कुरुथ, संहितायाः उल्‍लंघनेन लुंठथ, परमेश्‍वरस्‍य अनादरं कुरुथ!

²⁴यथा संहितायां लिखितमस्‍ति “युष्‍माकं कारणात्‌ भिन्‍नयहूदिषु परमेश्‍वरस्‍य नाम्‍नः निन्‍दा भवति।”

²⁵लिंगाग्रचर्मछेदनेन लाभः अवश्‍यं भवति, यदि यूयं संहितां पालयथ, परन्‍तु यदि संहितायाः उल्‍लंघनं कुरुथ, तदा युस्‍माकं लिंगाग्रचर्मछेदनं निरर्थकम्‌।

²⁶यदि कोऽपि व्‍यक्‍तिः यस्‍य लिंगाग्रचर्मछेदनम्‌ न अभवत्‌, परन्‍तु संहितायाः पालनं करोति, तदा किं तस्‍य लिंगाग्रचर्मछेदनं न मंस्‍यते?

²⁷यः शरीरस्‍य लिंगाग्रचर्मछेदनं न कारयन्‌ अपि संहितायाः पालनं करोति, सः युष्‍माकं न्‍यायं करिष्‍यति, यतः यूयं लिखितया संहितया तथा लिंगाग्रचर्मछेदनेन सह संयुक्‍ताः अपि संहितायाः उल्‍लंघनं कुरुथ।

²⁸वास्‍तविकः यहूदी सः नास्‍ति, यः प्रत्‍येक्षरूपेण यहूदी दृश्‍यते, वास्‍तविकं लिंगाग्रचर्मछेदनं तत्‌ नास्‍ति, यत्‌ शरीरे प्रत्‍यक्षरूपेण दृश्‍यते।

²⁹वास्‍तविकः यहूदी सोऽस्‍ति, यः स्‍वाभ्‍यन्‍तरे यहूदी अस्‍ति, वास्‍तविकं लिंगाग्रचर्मच्‍छेदनं तत्‌ अस्‍ति, यत्‌ हृदयस्‍य अस्‍ति, संहितायाः अनुसारेण नहि, अपितु आध्‍यात्‍मिकम्‌ अस्‍ति। ईदृशेभ्‍यः मनुष्‍येभ्‍यः मनुष्‍यानां नहि वरन्‌ परमेश्‍वरस्‍य प्रशंसा प्राप्‍ता अस्‍ति।