Read Sanskrit रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 5 Bible Online

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 5 - Sanskrit bible

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 5

¹परमेश्‍वरः अस्‍माकं विश्‍वासस्‍य कारणात्‌ अस्‍मान्‌ धार्मिकाः अमन्‍यत। अस्‍माभिः स्‍व येशुमसीहेन सह सर्वदा संयुक्‍तव्‍यम्‌।

²मसीहः तस्‍य अनुग्रहस्‍य द्वारम्‌ उद्‌घाटितवान्‌ यत्‌ अस्‍मभ्‍यम्‌ प्राप्‍तम्‌। अस्‍माभिः गौरवान्‍वितं भवितव्‍यम्‌, यत्‌ वयं परमेश्‍वरस्‍य महिम्‍नः भागिनः भविष्‍यामः

³न केवलम्‌ एतावत्‌, अस्‍माभिः दुखकष्‍टेषु अपि गौरवान्‍विताः भवितव्‍याः, यतः वयं जानीमः यत्‌ कष्‍टेन धर्यः,

⁴धर्येण दृढ़ता, दृढ़तया आशा उत्‍पद्‌यते।

⁵आशा व्‍यर्था न भवति, यतः परमेश्‍वरः अस्‍मभ्‍यम्‌ पवित्रात्‍मानम्‌ अददात्‌, तेन एव परमेश्‍वरस्‍य प्रेम अस्‍माकं हृदयेषु भवति।

⁶वयं निस्‍सहायाः एव आस्‍म, यदा मसीहः निर्धारितसमये अस्‍मभ्‍यम्‌ विधर्मिभ्‍यः अम्रियत।

⁷धार्मिकमनुष्‍येभ्‍यः कदाचित्‌ एव कश्‍चित्‌ स्‍वप्राणान्‌ त्‍यजेत्‌। तथापि अयं संभवः यत्‌ कश्‍चित्‌ निर्दोषजनाय मर्तुम्‌ सज्‍जीभूतः भवेत्‌,

⁸परन्‍तु वयं पापिनः एव आस्‍म, यदा मसीहः अस्‍मभ्‍यम्‌ अम्रियत। अनेन परमेश्‍वरः अस्‍मान्‌ प्रति प्रेम्‍णः प्रमाणम्‌ अददात्‌।

⁹यदा वयं मसीहस्‍य रक्‍तेन धार्मिकाः मानिताः, तदा निश्‍चयेनैव मसीहेन परमेश्‍वरस्‍य दंडः अस्‍मभ्‍यम्‌ न मिलिष्‍यति।

¹⁰वयं शत्रवः एव आस्‍म, यदा परमेश्‍वरेण सह अस्‍माकं मेलनम्‌ तस्‍य पुत्रस्‍य मृत्‍युना अभवत्‌, तेन सह मेलने भविते सति तस्‍य पुत्रस्‍य जीवनेन अवश्‍यमेव अस्‍माकम्‌ उद्धारः भविष्‍यति।

¹¹न केवलम्‌ एतावत्‌, इदानीम्‌ अस्‍माकम्‌ येशुमसीहेन परमेश्‍वरेण सह अस्‍माकं मिलापः अभवत्‌, अतः वयं तेन एव परमेश्‍वरे आशां कृत्‍वा आनन्‍दिताः स्‍म।

¹²एकेन मनुष्‍येन संसारे पापस्‍य प्रवेशः अभवत्‌, पापेन मृत्‍योश्‍च। इत्‍थम्‌ मरणं सर्वेषु मनुष्‍येषु प्रसरितम्‌, यतः वयं सर्वे पापिनः स्‍म।

¹³मूसामहाशयस्‍य संहितायाः प्राक्‌ संसारे पापम्‌ आसीत्‌; परन्‍तु संहितायाः अभावे पापस्‍य गणना न क्रियते।

¹⁴तथापि आदमात्‌ मूसां पर्यन्‍तं मरणं तेषाम्‌ ऊपरि शासितवान्‌, ये आदमस्‍य इव कस्‍याः आज्ञायाः उल्‍लंघनेन पापं न अकुर्वन्‌। आदमः आगच्‍छन्‍तुः मुक्‍तिदातुः प्रतीकः आसीत्‌।

¹⁵तथापि आदमस्‍य अपराधे तथा परमेश्‍वरस्‍य वरदाने च कापि तुलना नास्‍ति। इदं सत्‍यम्‌, यत्‌ एकस्‍य जनस्‍य अपराधस्‍य कारणात्‌ बहवः अमृयन्‍त; परन्‍तु अस्‍मात्‌ परिणामात्‌ परमेश्‍वरस्‍य अनुग्रहः, अनुग्रहपूर्णम्‌ वरदानं च महानत्तमं, यः एकेन मनुष्‍येन येशुनामसीहेन सर्वेभ्‍यः प्राप्‍तः।

¹⁶एकस्‍य मनुष्‍यस्‍य अपराधे तथा परमेश्‍वरस्‍य वरदाने च कापि तुलना नास्‍ति। एकस्‍य अपराधस्‍य कारणात्‌ दण्‍डाज्ञा दत्ता, परन्‍तु अनेकापराधानां पश्‍चात्‌ यत्‌ वरदानं दत्तम्‌, तेन पापात्‌ मुक्‍तिः प्राप्‍ता।

¹⁷इदं सत्‍यम्‌ यत्‌ मृत्‍योः राज्‍यं एकस्‍य मनुष्‍यस्‍य अपराधेण - एकेन एव प्रारंभम्‌, किन्‍तु येभ्‍यः परमेश्‍वरस्‍य कृपा, पापमुक्‍तेः वरदानं च प्रचुरमात्रायां लप्‍स्‍येते, ते एकेन मनुष्‍येन येशुमसीहेन जीवनस्‍य राज्‍यं लप्‍स्‍यन्‍ते।

¹⁸इत्‍थं वयं पश्‍यामः यत्‌ यादृशः एकस्‍य मनुष्‍यस्‍य अपराधेण सर्वेभ्‍यः दण्‍डाज्ञा प्राप्‍ता, तादृशः एकस्‍य मनुष्‍यस्‍य प्रायश्‍चित्तेन सर्वेभ्‍यः पापमुक्‍तिः जीवनं च अलभेताम्‌।

¹⁹यादृशः एकस्‍य मनुष्‍यस्‍य आज्ञाभंगस्‍य कारणात्‌ सर्वे पापिनः गणिताः, तादृशः एकस्‍य मनुष्‍यस्‍य आज्ञापालनस्‍य कारणात्‌ सर्वे पापमुक्‍ताः भविष्‍यन्‍ति।

²⁰तत्‍पश्‍चात्‌ संहिता दत्ता, अनया अपराधानां संख्‍या अवर्धत। परन्‍तु यत्र पापस्‍य वृद्धिः अभवत्‌, तत्र अनुग्रहस्‍य वृद्धिः अधिकतरा अभवत्‌।

²¹इत्‍थं पापम्‌ मृत्‍योः माध्‍यमेन शासनम्‌ अकरोत्‌, परन्‍तु अस्‍माकं प्रभुना येशुमसीहेन अनुग्रहः, धार्मिकतायाः माध्‍यमेन, स्‍व राज्‍यं स्‍थापयिष्‍यति, अस्‍मान्‌ अनन्‍तजीवनं यावत्‌ नेष्‍यति।