Read Sanskrit रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 6 Bible Online

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 6 - Sanskrit bible

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 6

¹किम्‌ अस्‍य अर्थः अयमस्‍ति यत्‌ अस्‍माभिः पापानि कर्तव्‍यानि, येन अनुग्रहस्‍य वृद्धिः भवेत्‌?

²कदापि नहि! वयं सर्वे पापेन अम्रियामहि, तदा वयं इदानीं कीदृशः पापे जीविष्‍यामः।

³किं भवन्‍तः इदं न जानन्‍ति यत्‌ येशोमसीहस्‍य यः जलसंस्‍कारः अस्‍मभ्‍यम्‌ प्राप्‍तः, सः तस्‍य मृत्‍योः जलसंस्‍कारः अस्‍ति?

⁴वयं तस्‍य मृत्‍योः जलसंस्‍कारं गृहीत्‍वा तेन सह मृताः स्‍मः, यतः यादृशः मसीहः पितुः सामर्थ्‍येण मृतकेषु पुनर्जीवितः, तादृशः वयमपि एकं नूतनं जीवनं जीवेम।

⁵यदि वयम्‌ ईदृशः तेन सह मृत्‍वा तेन सह एकाः अभवाम, तदा वयम्‌ अपि तस्‍य इव पुनरुत्‍थाने तेन सह सम्‍मिलिताः भविष्‍यामः।

⁶अस्‍माभिः कदापि न विस्‍मृतव्‍यम्‌ यत्‌ अस्‍माकं प्राचीनस्‍वभावः तेन सह क्रूसकाष्‍ठे आरोहितः अस्‍ति, येन पापस्‍य शरीरम्‌ म्रियेत, वयं पुनः पापस्‍य दासाः न भवेम,

⁷यतः यः अम्रियत, सः पापस्‍य बन्‍धनात्‌ मुक्‍तः अभवत्‌।

⁸अस्‍माकं विश्‍वासः अस्‍ति यत्‌ चेत्‌ वयं मसीहेन सह अम्रियामहि, तदा वयं तस्‍य एव जीवनस्‍य भागिनः अपि भविष्‍यामः।

⁹यतः वयं जानीमः यत्‌ मसीहः मृतकेषु पुनरुत्‍थानस्‍य पश्‍चात्‌ पुनः कदापि न मरिष्‍यति। इदानीं मृत्‍योः तस्‍मिन्‌ ऊपरि किंचित्‌ अपि वशः नास्‍ति।

¹⁰सः पापस्‍य प्रायश्‍चित्तकारणात्‌ सकृत्‌ अम्रियत, इदानीं परमेश्‍वराय एव जीवति।

¹¹भवन्‍तः अपि स्‍वयम्‌ एवं मन्‍येरन्‌ - पापाय मृताः, येशुमसीहे च जीविताः।

¹²इदानीं भवन्‍तः स्‍व मरणशीलशरीरे पापस्‍य राज्‍यं मा स्‍वीकुर्युः, तस्‍य वासनानाम्‌ अधीने मा भवेयुश्‍च।

¹³भवद्‌भिः स्‍व अंगानि अधर्मस्‍य साधनं भवितुं पापाय न अर्पितानि। भवन्‍तः स्‍वं मृतकेषु पुनर्जीवितं मत्‍वा, परमेश्‍वरं प्रति समर्पणं कुर्युः, स्‍व अंगानि धार्मिकतायाः साधनं भवितुं परमेश्‍वराय दद्‌युः।

¹⁴भवत्‍सु पापस्‍य अधिकारः अल्‍पमात्रायामपि न भविष्‍यति इदानीं भवन्‍तः संहितायाः नहि, अपितु अनुग्रहस्‍य अधीनाः सन्‍ति।

¹⁵तदा किं वयम्‌ अस्‍मात्‌ कारणात्‌ पापं करवाम, यत्‌ वयं संहितायाः नहि, वरन्‌ अनुग्रहस्‍य अधीनाः स्‍मः? कदापि न।

¹⁶किं भवन्‍तः न अवगच्‍छन्‍ति यत्‌ भवन्‍तः स्‍वम्‌ आज्ञाकारीदासस्‍य रूपे, यं प्रति अर्पितं कुर्वन्‍ति, यस्‍य आज्ञायाः पालनं कुर्वन्‍ति, भवन्‍तः तस्‍य एव दासाः भवन्‍ति? इयं दासता पापस्‍य भवेत्‌, यस्‍य परिणामः मरणम्‌ अस्‍ति, अथवा परमेश्‍वरस्‍य भवेत्‌, यस्‍य आज्ञापालनस्‍य परिणामः धार्मिकता अस्‍ति।

¹⁷परमेश्‍वरं धन्‍यवादः यत्‌ भवन्‍तः ये सर्वप्रथमं पापस्‍य दासाः आसन्‌, इदानीं पूर्णहृदयेन तस्‍याः शिक्षायाः मार्गे अचलन्‌ या भवद्‌भ्‍यः प्रदत्ता।

¹⁸भवन्‍तः पापात्‌ मुक्‍तभूत्‍वा धार्मिकतायाः दासाः अभवन्‌।

¹⁹अहं भवतां मानवीयदुर्बलतायाः कारणेन साधारणमानवजीवनस्‍य उदाहरणं ददामि। येन प्रकारेण सर्वप्रथमं भवद्‌भिः स्‍व शरीरम्‌ अशुद्धतायाः अधर्मस्‍य च अधीने कृतम्‌, येन तत्‌ दूषितम्‌ अभवत्‌, तेन प्रकारेण इदानीं भवद्‌भिः स्‍व शरीरम्‌ धार्मिकतायाः अधीने कर्तव्‍यम्‌, येन तत्‌ पवित्रं भवेत्‌।

²⁰यतः यदा भवन्‍तः पापस्‍य दासाः आसन्‌, तदा धार्मिकतायाः नियन्‍त्रणात्‌ मुक्‍ताः आसन्‌।

²¹तस्‍मिन्‌ समये भवतः तैः कर्मभिः कः लाभः अभवत्‌? इदानीं तेभ्‍यः कर्मभ्‍यः भवन्‍तः लज्‍जन्‍ते, यतः तेषां परिणामः मृत्‍युः अस्‍ति।

²²परन्‍तु इदानीं पापात्‌ मुक्‍ताः भूत्‍वा भवन्‍तः परमेश्‍वरस्‍य दासाः अभवन्‌, पवित्रतायाः फलम्‌ उत्‍पन्‍नं कुर्वन्‍ति च, यस्‍य परिणामः अनन्‍तजीवनमस्‍ति,

²³यतः पापस्‍य वेतनं मृत्‍युः अस्‍ति, परन्‍तु परमेश्‍वरस्‍य वरदानम्‌ अस्‍ति - अस्‍माकं प्रभौ येशोमसीहे अनन्‍तजीवनम्‌।