Read Sanskrit रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 7 Bible Online

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 7 - Sanskrit bible

रोमनगरस्‍य कलीसियायाः नाम्‍नि साधोः पौलुसस्‍य पत्रम्‌ 7

¹भ्रातरः! किं भवन्‍तः इदं न जानन्‍ति-अहं विधिज्ञान्‌ वदामि, यत्‌ मनुष्‍ये विधेः अधिकारः तावत्‌ एव अस्‍ति, यावत्‌ सः जीवितः अस्‍ति?

²विवाहिता स्‍त्री तावत्‌ विध्‍या स्‍व पत्‍या संयुक्‍ता, यावत्‌ सः जीवितः अस्‍ति। यदि पतिः मृयते, तदा सा स्‍व पत्‍युः बन्‍धनात्‌ मुक्‍ता भवति।

³यदि सा स्‍व पत्‍युः जीवनकाले अन्‍यस्‍य पत्‍नी भवति, तदा सा व्‍यभिचारिणी कथयिष्‍यते। परन्‍तु पत्‍यौ मृते सति, सा तस्‍मात्‌ बन्‍धनात्‌ मुक्‍ता भवति, यदि सा अन्‍यस्‍य पत्‍नी भवति, तदा सा व्‍यभिचारं न करोति।

⁴मम भ्रातरः! भवन्‍तः अपि मसीहस्‍य शरीरेण संयुक्‍ताः अतः संहितायाः दृष्‍टौ अम्रियन्‍त। इदानीम्‌ अन्‍यस्‍य अर्थात्‌, तस्‍य अभवन्‌, यः मृतकेषु पुनः जीवितः। अयम्‌ अतएव अभवत्‌ वयं परमेश्‍वराय फलानि उत्‍पादयिष्‍यामः।

⁵यदा वयं स्‍व दैहिकस्‍वभावस्‍य अधीने आस्‍म, तदा संहितया प्रेरिता पापमयाः वासनाः अस्‍माकम्‌ अंगेषु क्रियाशीलाः आसन्‌, मृत्‍योः फलानि च उत्‍पादयन्‍ति स्‍म।

⁶परन्‍तु इदानीं वयं तेभ्‍यः वचनेभ्‍यः अम्रियामहि, येषां बन्‍धने वयम्‌ आस्‍म इत्‍थं वयं प्राचीनलिखितायाः संहितायाः अनुसारेण नहि, अपितु आत्‍मनः नवीनविधानस्‍य अनुसारेण परमेश्‍वरस्‍य सेवामहे।

⁷किम्‌ अस्‍य अर्थः अयमस्‍ति यत्‌ संहिता पापम्‌ अस्‍ति? कदापि न! तथापि संहितया एव पापस्‍य ज्ञानमभवत्‌। यदि संहितया इदं न कथितम्‌ - लोभं मा कुरु, तदा लोभस्‍य परिभाषा एव अबोधगम्‍या आसीत्‌।

⁸अनया आज्ञया लाभन्‍वितं भूत्‍वा पापम्‌ मयि सर्वप्रकारस्‍य लोभान्‌ उत्‍पादयत्‌ संहितायाः अभावे पापम्‌ निर्जीवम्‌ अस्‍ति।

⁹एकः समयः आसीत्‌, यदा संहिता न आसीत्‌, अहं जीवितः आसम्‌, परन्‍तु आज्ञायाः आगमनेन पापम्‌ उत्‍पन्‍नम्‌ भूतम्‌, अहम्‌ अभ्रिये च। इत्‍थं सा आज्ञा, या जीवनं प्रति नेतव्‍या आसीत्‌, मह्‌यम्‌ मृत्‍योः कारणम्‌ अभवत्‌,

¹¹“यतः पापम्‌ आज्ञया लाभन्‍वितम्‌ भूत्‍वा मां वन्न्‍चितवान्‌, आज्ञया माम्‌ अहन्‌।

¹²इत्‍थम्‌ वयं पश्‍यामः यत्‌ संहिता पवित्रा अस्‍ति, आज्ञा पवित्रा, उचिता कल्‍याणकारी च अस्‍ति।

¹³तदा, यत्‌ वचनं लाभप्रदम्‌ आसीत्‌, किं तत्‌ मह्‌यम्‌ मृत्‍योः कारणम्‌ अभवत्‌? कदापि न! परन्‍तु यत्‌ वचनं लाभप्रदमासीत्‌, तेन एव पापम्‌ मह्‌यम्‌ मृत्‍योः कारणम्‌ अभवत्‌। इत्‍थम्‌ पापस्‍य वास्‍तविकः स्‍वरूपः प्रकटः अभवत्‌, सः आज्ञायाः माध्‍यमेन अधिकमात्रायां पापमयम्‌ प्रमाणितम्‌ अभवत्‌।

¹⁴वयं जानीमः यत्‌ संहिता आध्‍यात्‍मिका अस्‍ति, परन्‍तु अहं शारीरिकस्‍य तथैव पापस्‍य हस्‍तयोः विक्रीतः दासोऽस्‍मि,

¹⁵अहं स्‍व एव आचरणं न अवगच्‍छामि, यतः अहं यत्‌ कर्तुम्‌ इच्‍छामि, तत्‌ न, अपितु तत्‌ करोमि येन अहं घृणां करोमि।

¹⁶यदि अहं तत्‌ करोमि यत्‌ अहं कर्तुम्‌ न इच्‍छामि, तदा अहम्‌ इत्‍थम्‌ कुर्वन्‌ अपि संहितया सहमतोऽस्‍मि, तां कल्‍याणकारी अवगच्‍छामि;

¹⁷परन्‍तु अहं कर्ता नास्‍मि, अपितु कर्ता अस्‍ति मयि स्‍थितम्‌ पापम्‌।

¹⁸अहं जानामि मयि, अर्थात्‌ मम दैहिके स्‍वभावे मसीहस्‍य निवासः नास्‍ति; यतः परोपकारस्‍य इच्‍छा मयि विद्यमाना अस्‍ति, परन्‍तु तां कार्यान्‍वितं कर्तुम्‌ शक्‍तिः नास्‍ति।

¹⁹अहं यं परोपकारम्‌ इच्‍छामि, तं कर्तुम्‌ न समर्थः, वरन्‌ अहं यम्‌ अपकारं नेच्‍छामि, तम्‌ एव करोमि।

²⁰परन्‍तु यदि अहं तत्‌ करोमि, यत्‌ अहं नेच्‍छामि, तदा अहं कर्ता नास्‍मि, वरन्‌ कर्ता - मयि स्‍थितम्‌ पापम्‌ अस्‍ति।

²¹इत्‍थं मम अनुभवः अस्‍ति यत्‌, यदा अहं परोपकारम्‌ इच्‍छामि, तदा अपकारम्‌ एव कर्तुम्‌ शक्‍नोमि।

²²मम अन्‍तरमनः परमेश्‍वरस्‍य व्‍यवस्‍थायां मुग्‍धम्‌ अस्‍ति,

²³परन्‍तु अहं स्‍व शरीरे एकायाः अन्‍यायाः व्‍यवस्‍थायाः अनुभवामि, या मम आध्‍यात्‍मिकेन स्‍वभावेन सह संघर्षयति, मां पापस्‍य तस्‍य नियमस्‍य अधीने करोति, या मम अंगेषु विद्यमाना अस्‍ति।

²⁴अहं कति दुर्भाग्‍यशाली मनुष्‍यः अस्‍मि! अस्‍य मृत्‍योः वशे शरीरात्‌ कः मां मुक्‍तम्‌ करिष्‍यति?

²⁵केवलः परमेश्‍वरः एव! अस्‍माकं प्रभुना येशुमसीहेन, परमेश्‍वरं धन्‍यवादः। सारांशः अयमस्‍ति अहं स्‍व मत्‍या परमेश्‍वरस्‍य नियमस्‍य, परन्‍तु स्‍वशरीरेण पापस्‍य नियमस्‍य पालनं करोमि।