Read Sanskrit कुरिन्‍थुसनगरस्‍य कलीसियायाः नाम्‍नि साधोः पौलुसस्‍य प्रथमपत्रम्‌ 1 Bible Online

कुरिन्‍थुसनगरस्‍य कलीसियायाः नाम्‍नि साधोः पौलुसस्‍य प्रथमपत्रम्‌ 1 - Sanskrit bible

कुरिन्‍थुसनगरस्‍य कलीसियायाः नाम्‍नि साधोः पौलुसस्‍य प्रथमपत्रम्‌ 1

¹कुरिन्‍थुसनगरे परमेश्‍वरस्‍य कलीसियायाः नाम्‍नि पौलुसस्‍य, यः परमेश्‍वरेण येशोःमसीहस्‍य प्रेरितः भवितुम्‌ आहूतः अस्‍ति, भ्रातुः सोस्‍थेनेसस्‍य च पत्रम्‌।

²भवन्‍तः येशुमसीहेन पवित्राः कृताः सन्‍ति, तैः सह साधुः भवितुम्‌ आहूताः सन्‍ति, ये कुत्रचित्‌ अपि अस्‍माकं प्रभोः येशोःमसीहस्‍य अर्थात्‌ अस्‍माकं प्रभोः नाम गृह्‌णन्‍ति।

³अस्‍माकं पिता परमेश्‍वरः, प्रभुः येशुमसीहः भवद्‌भ्‍यः अनुग्रहं शान्‍तिं च प्रदातु।

⁴भवद्‌भ्‍यः येशुमसीहेन परमेश्‍वरस्‍य अनुग्रहः प्राप्‍तः। अतः अहं परमेश्‍वरं निरन्‍तरं धन्‍यवादं ददामि।

⁵मसीहस्‍य संदेशः भवतां मध्‍ये ईदृशः दृढः अभवत्‌ यत्‌ भवन्‍तः मसीहेन संयुक्‍ताः भूत्‍वा अभिव्‍यक्‍तेः ज्ञानस्‍य च सर्वप्रकारस्‍य वरदानैः सम्‍पन्‍नाः सन्‍ति।

⁷भवत्‍सु कस्‍यचित्‌ कृपादानस्‍य अभावः नास्‍ति, इदानीं भवन्‍तः येशोःमसीहस्‍य प्रतीक्षन्‍ते।

⁸परमेश्‍वरः अन्‍तिमक्षणं यावत्‌ भवन्‍तं विश्‍वासे सुदृढ़ाः स्‍थापस्‍यति, येन भवन्‍तः अस्‍माकम्‌ येशोःमसीहस्‍य दिने निर्दोषाः भविष्‍यन्‍ति।

⁹परमेश्‍वरः सत्‍यप्रतिज्ञः वर्तते। तेन भवन्‍तः स्‍वपुत्रस्‍य अस्‍माकं प्रभोः येशोःमसीहस्‍य सहभागिनः भवितुम्‌ आहूताः सन्‍ति।

¹⁰भ्रातरः! अस्‍माकं प्रभोः येशोःमसीहस्‍य नाम्‍नि अहं भवतः अनुरोधं करोमि - भवन्‍तः एकमतं भूत्‍वा मतभेदात्‌ पृथकाः तिष्‍ठन्‍तु। भवन्‍तः परस्‍परं मेलभावेन तिष्‍ठन्‍तु, हृदयेन मनसा च पूर्णरूपेण संयुक्‍ताः भवन्‍तु। ख्‌लोएपरिवारेण मया ज्ञातम्‌ यत्‌ भवतां मध्‍ये विवादः वर्तते। अहं वक्‍तुम्‌ इच्‍छामि यत्‌ भवत्‍सु प्रत्‍येकः स्‍वविचारं महत्‍वं ददाति, अहं पौलुसस्‍य अस्‍मि; अहं अपुल्‍लोसस्‍य अस्‍मि; अहं कैफसस्‍य अस्‍मि, अन्‍यः वदति अहं मसीहस्‍य च अस्‍मि।

¹³किं मसीहः विखंडितः? किं पौलुसः भवतां कृते क्रूसकाष्‍ठे अम्रियत? किं भवद्‌भ्‍यः पौलुसस्‍य नाम्‍नि जलसंस्‍कारः प्राप्‍तः?

¹⁴परमेश्‍वरं धन्‍यवादः यत्‌ मया क्रिस्‍पुसगायुसयोः अतिरिक्‍तः भवत्‍सु कस्‍मै अपि जलसंस्‍कारः न दत्रः।

¹⁵अतः इदं कोऽपि वक्‍तुं न अर्हः, भवते पौलुसस्‍य नाम्‍नि जलसंस्‍कारः प्राप्‍तः।

¹⁶आम्‌! मया स्‍त्रिफनासस्‍य परिवारः अपि जलसंस्‍कारः प्राप्‍तः। यावत्‌ अहं जानामि अस्‍य अतिरिक्‍तः मया कस्‍मै अपि जलसंस्‍कारः न दत्तः,

¹⁷यतः मसीहः मां जलसंस्‍कारम्‌ दातुं नहि, वरन्‌ शुभसमाचारस्‍य प्रचाराय प्रेषितवान्‌। मया अस्‍मै कार्यार्थम्‌ अलंकृतायाः भाषायाः प्रयोगः न कृतः, अन्‍यथा मसीहस्‍य क्रूसस्‍य संदेशस्‍य प्रभावः एव समाप्‍तः भविष्‍यति।

¹⁸ये विनाशस्‍य मार्गे चलन्‍ति, तेभ्‍यः क्रूसस्‍य शिक्षा मूर्खतापूर्णा अस्‍ति। वरन्‌ अस्‍मभ्‍यम्‌, ये मुक्‍तेः मार्गे चलामः, सा परमेश्‍वरस्‍य सामर्थ्‍य वर्तते; यतः लिखितमस्‍ति -

¹⁹अहं ज्ञानिनां ज्ञानं नशिष्‍यामि, धूर्तानां चातुर्यम्‌ व्‍यर्थम्‌ करिष्‍यामि।

²⁰अस्‍मासु ज्ञानिनः, शास्‍त्रिणः, अस्‍य संसारस्‍य दार्शनिकाश्‍च कुत्र सन्‍ति? किम्‌ परमेश्‍वरेण अस्‍य संसारस्‍य ज्ञानं मूर्खतापूर्णं न प्रमाणितम्‌?

²¹परमेश्‍वरस्‍य प्रज्ञायाः विधानम्‌ ईदृशम्‌ आसीत्‌, यत्‌ संसारः स्‍व ज्ञानेन परमेश्‍वरं न अजानत्‌। अतएव परमेश्‍वरः शुभसमाचारस्‍य प्रचारस्‍य “मूर्खतया” विश्‍वासिनः रक्षितुम्‌ ऐच्‍छत्‌।

²²यहूदिनः चमत्‍कारं, परन्‍तु यूनानिनः ज्ञानं इच्‍छन्‍ति,

²³वयं क्रूसकाष्‍ठे आरोपितस्‍य मसीहस्‍य प्रचारं कुर्मः। अयं यहूदिनां विश्‍वासे अवरोधः वर्तते, इतरयहूदिनां कृते ‘मूर्खता’ च।

²⁴किन्‍तु परमेश्‍वरस्‍य चयनितजनेभ्‍यः, यहूदिनः यूनानिनः वा, अयं मसीहः परमेश्‍वरस्‍य सामर्थ्‍यः, परमेश्‍वरस्‍य प्रज्ञा च वर्तते।

²⁵यतः परमेश्‍वरस्‍य ‘मूर्खता’ मनुष्‍यानाम्‌ ज्ञानात्‌ अपेक्षा अधिकविवेकपूर्णा अस्‍ति, तथैव परमेश्‍वरस्‍य ‘दुर्बलता’ मनुष्‍यानाम्‌ शक्‍तेः अधिकशक्‍तिशाली वर्तते।

²⁶भ्रातरः ! अस्‍मिन्‌ वचने विचारयन्‍तु - चयनसमये संसारस्‍य दृष्‍टौ भवत्‍सु अल्‍पाः एव ज्ञानिनः, शक्‍तिशालिनः कुलीनाः वा आसन्‌।

²⁷ज्ञानिनः लज्‍जितुम्‌ परमेश्‍वरेण ते चयनिताः, ये संसारस्‍य दृष्‍टौ मूर्खाः सन्‍ति। शक्‍तिशालिनः लज्‍जितुं तेन ते चयनिताः, ये संसारस्‍य दृष्‍टौ दुर्बलाः सन्‍ति।

²⁸गण्‍यमान्‍यजनानां दर्पं चूरयितुं ते चयनिताः, ये संसारस्‍य दृष्‍टौ निकृष्‍टाः नगण्‍याश्‍च सन्‍ति।

²⁹येन कोऽपि मनुष्‍यः परमेश्‍वरस्‍य समक्षे अहंकारं न कुर्यात्‌।

³⁰तस्‍य परमेश्‍वरस्‍य वरदानेन भवन्‍तः येशोःमसीहस्‍य इन्‍द्रियानि अभवन्‌। परमेश्‍वरः मसीहम्‌ अस्‍माकं ज्ञानं, धार्मिकता, पवित्रता, उद्धारश्‍च निर्मितवान्‌।

³¹अतएव यथा धर्मग्रन्‍थे लिखितमस्‍ति - यदि कोऽपि अहंकारं कर्तुम्‌ इच्‍छति, तदा सः प्रभवे करोतु।