Read Sanskrit कुरिन्‍थुसनगरस्‍य कलीसियायाः नाम्‍नि साधोः पौलुसस्‍य प्रथमपत्रम्‌ 16 Bible Online

कुरिन्‍थुसनगरस्‍य कलीसियायाः नाम्‍नि साधोः पौलुसस्‍य प्रथमपत्रम्‌ 16 - Sanskrit bible

कुरिन्‍थुसनगरस्‍य कलीसियायाः नाम्‍नि साधोः पौलुसस्‍य प्रथमपत्रम्‌ 16

¹सिद्धजनेभ्‍यः यः संग्रहः क्रियते, तस्‍मिन्‌ विषये भवन्‍तः तस्‍य निर्देशस्‍य पालनं कुर्वन्‍तु, यः मया गलातियायाः कलीसियाभ्‍यः निर्धारितः।

²भवत्‍सु प्रत्‍येकः प्रति रविवासरे स्‍व आयस्‍य अनुसारं किंचित्‌ पृथककृत्‍वा स्‍व पार्श्‍वे सुरक्षितः स्‍थापयेत्‌। इत्‍थम्‌ मम आगमनस्‍य पश्‍चात्‌ एव दानं एकत्रितं कर्तुम्‌ आवश्‍यकता न भविष्‍यति।

³यान्‌ भवन्‍तः उपयुक्‍तान्‌ मन्‍यन्‍ते, आगमनस्‍य पश्‍चात्‌ तेभ्‍यः पत्रं दास्‍यामि ते भवताम्‌ दानं येरुसलेमं नेष्‍यन्‍ति,

⁴उचितं भविते सति अहं स्‍वयं गमिष्‍यामि, ते मया सह चलिष्‍यन्‍ति।

⁵अहं मकिदूनियायाः भ्रमणं कृत्‍वा भवतां समीपे आगमिष्‍यामि, यतः अहं मकिदूनियां गन्‍तुम्‌ इच्‍छुकः अस्‍मि।

⁶यदि संभवः भवेत्‌, तदा भवद्‌भिः सह किंचित्‌ कालं यावत्‌ स्‍थास्‍यामि कदाचित्‌ शीतऋतौ तत्र भविष्‍यामि, तत्‍पश्‍चात्‌ अहं यत्रकुत्रापि गमिष्‍यामि भवन्‍तः मम गमनस्‍य प्रबन्‍धं कुर्वन्‍तु।

⁷अस्‍मिन्‌ अवसरे यात्रां कुर्वन्‌ भवद्‌भिः सह मेलनं न इच्‍छामि। प्रभोः इच्‍छा यदा भवेत्‌ तदा भवद्‌भि सह किंचित्‌ कालं यावत्‌ स्‍थातुम्‌ इच्‍छामि।

⁸अहं पेन्‍तेकोस्‍तं यावत्‌ इफिसुसनगरे स्‍थास्‍यामि,

⁹यतः अत्र मम कार्याय एकं वृहत्‌ द्वारम्‌ उद्‌घाटितमस्‍ति, बहवः विरोधिनः अपि सन्‍ति।

¹⁰यदा तिमोथी आगमिष्‍यति, तस्‍य सम्‍यक्‌रूपेण सेवा भवद्‌भिः कर्तव्‍या, सोऽपि मम इव प्रभोः कार्ये संलग्‍नः वर्तते।

¹¹कोऽपि तस्‍य उपेक्षां न कुर्यात्‌। मम पार्श्‍वे तं कुशलेन सह प्रेषयन्‍तु, अहं भ्रातृभिः सह तस्‍य प्रतीक्षां करोमि।

¹²भ्रातुः अपुल्‍लोसस्‍य विषये मम कथनमस्‍ति, मया अनुरोधः कृतः, यत्‌ सः भवतां समीपे गच्‍छतु, परन्‍तु इदानीं सः गन्‍तुम्‌ न इच्‍छति। अवकाशं प्राप्‍त्‍वा गमिष्‍यति।

¹³भवन्‍तः निद्रां त्‍यजन्‍तु विश्‍वासे दृढ़ाः तिष्‍ठन्‍तु, साहसिनः समर्थाश्‍च भवन्‍तु।

¹⁴यत्‌ किंचित्‌ अपि कुर्वन्‍तु भ्रातृप्रेम्‍ना प्रेरिताः भूत्‍वा कुर्वन्‍तु।

¹⁵भ्रातरः! मम एकः अनुरोधः भवद्‌भ्‍यः अस्‍ति, भवन्‍तः स्‍तिफनासस्‍य परिवारं जानन्‍ति। ते जनाः युनानस्‍य प्रथमं फलम्‌ सन्‍ति, सिद्धजनानां सेवायां संलग्‍नाः सन्‍ति।

¹⁶भवन्‍तः ईदृशानां जनानां नेतृत्‍वं स्‍वीकुर्वन्‍तु, तेषां सर्वेषामपि, ये तैश्‍च सह परिश्रमं कुर्वन्‍ति।

¹⁷स्‍तिफनासस्‍य, फुरतुनातुसस्‍य, अखइकुसस्‍य आगमनेन अहम्‌ अति प्रसन्‍नम्‌ अभवम्‌। ते भवताम्‌ अभावं पूरितवन्‍तः,

¹⁸मम, भवताम्‌ च मनसः चिन्‍तां दूरी कृतवन्‍तः। भवद्‌भिः ईदृशाः जनाः सम्‍मानीयाः।

¹⁹असियायाः कलीसियाः भवतः नमःकुर्वन्‍ति। अक्‍विला प्रिस्‍का, च तयोः गृहे सभां कुर्वन्‍तौ कलीसिया भवद्‌भ्‍यः प्रभौ हार्दिकं नमस्‍कारं कथयन्‍ति।

²⁰शान्‍तेः चुम्‍बनेन परस्‍परस्‍य अभिवादनं कुर्युः।

²¹अयं नमस्‍कारः मम हस्‍तेन लिखितः अस्‍ति-पौलुस। यः प्रभुं प्रेम न करोति सः “अभिशप्‍तः” भवेत्‌। प्रभो ! आगच्‍छतु।

²³प्रभोः येशुमसीहस्‍य कृपा भवत्‍सु तिष्‍ठतु।

²⁴येशुमसीहे मम प्रेम भवद्‌भिः सह तिष्‍ठतु।