Read Sanskrit कुरिन्‍थुसनगरस्‍य कलीसियायाः नाम साधोः पौलुसस्‍य द्वितीयम्‌ पत्रम्‌ 7 Bible Online

कुरिन्‍थुसनगरस्‍य कलीसियायाः नाम साधोः पौलुसस्‍य द्वितीयम्‌ पत्रम्‌ 7 - Sanskrit bible

कुरिन्‍थुसनगरस्‍य कलीसियायाः नाम साधोः पौलुसस्‍य द्वितीयम्‌ पत्रम्‌ 7

¹प्रियभ्रातरः! अस्‍मभ्‍यम्‌ ईदृशाः प्रतिज्ञाः प्राप्‍ताः। अतएव अस्‍माभिः शरीरस्‍य मनसश्‍च सर्वप्रकारस्‍य दूषणात्‌ स्‍वं शुद्धं कर्तव्‍यम्‌, परमेश्‍वरे श्रद्धयन्‍तः पवित्रतायाः परिपूर्णतां यावत्‌ यातुं प्रयत्‍नशीलाः भवितव्‍याः।

²भवन्‍तः अस्‍मान्‌ प्रति उदाराः भवन्‍तु। अस्‍माभिः केनापि सह अन्‍यायः न कृतः, कस्‍मै अपि आर्थिकहानिः न दत्ता, जनेभ्‍यः अनुचितः लाभः न गृहीतवन्‍तः।

³भवन्‍तः दोषयितुम्‌ इदं सर्वम्‌ न कथयामि। मया तु कथितम्‌ - भवन्‍तः अस्‍माकं हृदये निवसन्‍ति - वयं जीवनमरणयोः मित्राणि स्‍मः।

⁴अहं भवद्‌भिः सह स्‍पष्‍टं वदामि - भवत्‍सु अभिमानं करोमि। अनेन मह्यम्‌ अधिकाधिका सान्‍त्‍वना प्राप्‍यते, मम सर्वेषु कष्‍टेषु आनन्‍दः भवति।

⁵यदा वयं मकिदूनियाम्‌ आगच्‍छाम, अस्‍माकं मध्‍ये शान्‍तिः नासीत्‌। वयं कष्‍टैः परिवृताः आस्‍म। अस्‍मान्‌ परितः संघर्षाः आसन्‌, अभ्‍यन्‍तरे आशंकाश्‍च।

⁶परन्‍तु दीनेभ्‍यः सान्‍त्‍वनां दात्रा परमेश्‍वरेण, अस्‍मभ्‍यम्‌ तीतुसस्‍य आगमनेन धर्यम्‌ दत्तम्‌।

⁷न केवलम्‌ आगमनेन परन्‍तु सान्‍त्‍वनया अपि या तस्‍मै भवद्‌भिः मिलिता। मया सह मेलनस्‍य भवताम्‌ उत्‍सुकतां, भवतां पश्‍चात्तापं, मां प्रति भवतां चिन्‍तां च अस्‍य विषये सः माम्‌ अकथयन्‌, अनेन मम आनन्‍दः अधिकः अवर्धत,

⁸यद्यपि मया भवन्‍तः तेन पत्रेण दुखिताः, तथापि मां तस्‍मिन्‌ खेदम्‌ न अस्‍ति। माम्‌ इदं दृष्‍ट्‌वा कष्‍टम्‌ अभवत्‌ यत्‌ तत्‌ पत्रं भवतः किंचित्‌ कालं यावत्‌ अतुदत्‌,

⁹किन्‍तु इदानीं मां प्रसन्‍नता अस्‍ति। मम प्रसन्‍नतायाः कारणम्‌ इदम्‌ नास्‍ति यत्‌ भवद्‌भ्‍यः दुःखम्‌ अभवत्‌, परन्‍तु प्रसन्‍नतायाः कारणमस्‍ति यत्‌ तेन दुखेन भवतां मनपरिवर्तनम्‌ अभवत्‌। भवद्‌भिः तत्‌ दुःखं परमेश्‍वरस्‍य इच्‍छानुसारं स्‍वीकृतम्‌ च, इत्‍थम्‌ भवद्‌भ्‍यः मया कापि हानिः न अभवत्‌।

¹⁰यतः यत्‌ दुःखं परमेश्‍वरस्‍य इच्‍छानुसारं स्‍वीक्रियते, तेन ईदृशं कल्‍याणकारी हृदयस्‍य परिवर्तनं भवति यत्‌ खेदस्‍य प्रश्‍नः न भवति। संसारस्‍य दुखेन मृत्‍युः भवति।

¹¹भवन्‍तः पश्‍यन्‍ति भवद्‌भिः यत्‌ दुःखं परमेश्‍वरस्‍य इच्‍छानुसारं स्‍वीकृतम्‌ तेन भवत्‍सु कियती निष्‍ठा उत्‍पन्‍ना, स्‍वपक्षे वक्‍तुं कियती तत्‍परता, कियत्‌ क्रोधः, कियती आशंका, कियती अभिलाषा, न्‍यायकर्तुम्‌ कियत्‌ उत्‍साहः। इत्‍थं भवन्‍तः प्रत्‍येकविषये सर्वप्रकारेण निर्दोषाः भवितुं प्रमाणं दत्तवन्‍तः।

¹²वास्‍तवे मया तत्‌ पत्रम्‌ अस्‍मात्‌ कारणात्‌ न लिखितम्‌ यत्‌ मां अन्‍यायकर्तुः अन्‍यायेन ग्रसितस्‍य जनस्‍य वा अधिका चिन्‍ता आसीत्‌, परन्‍तु पत्रलेखनस्‍य कारणमासीत्‌ यत्‌ भवन्‍तः परमेश्‍वरस्‍य समक्षे सम्‍यकरूपे जानन्‍तु यत्‌ भवत्‍सु मह्यम्‌ कियती निष्‍ठा अस्‍ति।

¹³अनया मह्यम्‌ सान्‍त्‍वना प्राप्‍ता। अस्‍याः सान्‍त्‍वनायाः अतिरिक्‍तः वयं तीतुसस्‍य आनन्‍दं दृष्‍ट्‌वा आनन्‍दिताः अभवाम। भवद्‌भिः तस्‍य मनः हर्षितम्‌ अभवत्‌।

¹⁴मया तेषां समक्षे भवत्‍सु यः अभिमानः प्रकटितः, तस्‍मात्‌ कारणात्‌ वयं लज्‍जिताः न अभवाम। मया यदपि भवतः कथितम्‌ तत्‌ सत्‍ये आधारितम्‌ आसीत्‌। इत्‍थम्‌ तीतुसस्‍य समक्षे भवत्‍सु अभिमानम्‌ प्रकटयन्‌ मया यद्‌ कथितम्‌ तत्‌ सत्‍यम्‌ अभवत्‌।

¹⁵यदा सः स्‍मरति यत्‌ भवन्‍तः तस्‍य आज्ञां पालितवन्‍तः, बीभ्‍यन्‍तः तस्‍य स्‍वागतं कृतवन्‍तः, तदा भवतः प्रति तस्‍य प्रेम अधिकम्‌ अवर्धत। अहं भवत्‍सु आनन्‍दितः अस्‍मि।