Read Sanskrit गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 1 Bible Online

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 1 - Sanskrit bible

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 1

¹इदं पत्रम्‌ मम पौलुसस्‍य अस्‍ति, यः न मनुष्‍यैः, न अन्‍यमनुष्‍येन प्रेरितः नियुक्‍तः अस्‍ति, परन्‍तु स्‍वयं येशुना मसीहेन पितापरमेश्‍वरेण च, येन सः मृतकेषु पुनजीर्वितः कृतः अस्‍ति।

²मया सह ये अपि भ्रातरः स्‍वसारश्‍च सन्‍ति, अहमपि तैः सह गलातियाप्रदेशस्‍य कलिसियाभ्‍यः अभिवादनं करोमि।

³अस्‍माकं पिता परमेश्‍वरः, अस्‍माकं प्रभुः येशुःमसीहः भवद्‌भ्‍यः अनुग्रहं शान्‍तिं च प्रदातु।

⁴मसीहः अस्‍माकं पापेभ्‍यः स्‍वम्‌ अर्पितवान्‌, येन सः अस्‍माकं पितुः परमेश्‍वरस्‍य इच्‍छानुसारम्‌ अस्‍मात्‌ पापमयसंसारात्‌ अस्‍माकम्‌ उद्धारयेत्‌।

⁵तस्‍मै युगयुगान्‌ यावत्‌ महिमा! आमेन!

⁶अयम्‌ आश्‍चर्यस्‍य विषयः यत्‌ यः भवतः मसीहस्‍य अनुग्रहेन आहूतवान्‌, तं भवन्‍तः शीघ्रं त्‍यक्‍त्‍वा अन्‍य शुभसमाचारस्‍य अनुयायिनः अभवन्‌।

⁷अन्‍यः तु नैव वर्तते, परन्‍तु केचित्‌ भवत्‍सु अशान्‍तिम्‌ उत्‍पाद्‌य मसीहस्‍य शुभसमाचारं विकृतं कर्तुम्‌ इच्‍छन्‍ति।

⁸परन्‍तु यं शुभसमाचारम्‌ अहं भवद्‌भ्‍यः अश्रावयम्‌, यदि कोऽपि, सः अहं स्‍वयं वा भवेयम्‌, कोऽपि स्‍वर्गदूतः एव किं न भवेत्‌-तस्‍मात्‌ भिन्‍नं शुभसमाचारं श्रावयेत्‌, तदा सः अभिशप्‍तः भवतु।

⁹मया यद्‌ कथितम्‌, तत्‌ एव पुनः वदामि-यः शुभसमाचारः भवद्‌भ्‍यः प्राप्‍तः, यदि कोऽपि तस्‍मात्‌ भिन्‍नं शुभसमाचारं श्रावयेत्‌, सः अभिशप्‍तः भवेत्‌।

¹⁰इदानीम्‌ अहं कस्‍य कृपापात्रं भवितुम्‌ यते - मनुष्‍यानां परमेश्‍वरस्‍य वा? किम्‌ अहं मनुष्‍यान्‌ प्रसन्‍नकर्तुम्‌ इच्‍छामि? यदि इदानीं यावत्‌ मनुष्‍यान्‌ प्रसन्‍नकर्तुम्‌ इच्‍छामि, तदा मसीहस्‍य सेवकः न अस्‍मि।

¹¹भ्रातरः! स्‍वासारः च ! अहं भवतः विश्‍वासं दापयामि यत्‌ अहं यं शुभसमाचारम्‌ अश्रावयम्‌, सः मनुष्‍येन रचितः नास्‍ति।

¹²अहं न तु केनापि मनुष्‍येन तं गृहीतवान्‌, न अशिक्षयम्‌, वरन्‌ तं येशुमसीहः मयि प्रकटितवान्‌।

¹³भवद्‌भिः इदं श्रुतम्‌, यदा अहं यहूदीधर्मस्‍य अनुयायी आसम्‌, तदा मम आचरणं कीदृशम्‌ आसीत्‌। अहम्‌ परमेश्‍वरस्‍य कलीसियायां घोरम्‌ अत्‍याचारं चक्रे। तस्‍य सर्वनाशाय अयते। अहं स्‍वपूर्वजानां परम्‍पराणां कट्‌टरसमर्थकः आसम्‌,

¹⁴स्‍वसमयस्‍य अनेकानाम्‌ यहूदिनाम्‌ अपेक्षया मया स्‍व राष्‍ट्रीयधर्मस्‍य पालने अधिकोत्‍साहः प्रदर्शितः।

¹⁵परन्‍तु परमेश्‍वरः मां मातुः गर्भात्‌ एव पृथकः कृत्‍वा स्‍व अनुग्रहेण आहूतवान्‌;

¹⁶अतएव मयि, मया च स्‍वपुत्रं प्रकटयितुं निश्‍चितवान्‌, येन देवपूजकेषु तस्‍य पुत्रस्‍य शुभसमाचारस्‍य प्रचारम्‌ करवाणि। अस्‍य पश्‍चात्‌ मया केनापि सह परामर्शः न कृतः,

¹⁷ये मत्‌ पूर्वम्‌ प्रेरिताः आसन्‌, तैः सह मिलितुम्‌ अहं येरुसलेमम्‌ न अगच्‍छम्‌, परन्‍तु शीघ्रमेव अरबदेशं गत्‍वा पश्‍चाते दमिश्‍कं प्रत्‍यागच्‍छम्‌।

¹⁸अहं त्रयवर्षस्‍य पश्‍चात्‌ कैफ़सेन सह मिलितुं येरुसलेमम्‌ अगच्‍छम्‌, तेन सह पत्र्चदशदिनानि यावत्‌ अतिष्‍ठम्‌।

¹⁹प्रभोः भ्रातुः याकूबस्‍य अतिरिक्‍तः अन्‍यप्रेरितेषु केनापि सह मम मेलनं न अभवत्‌।

²⁰परमेश्‍वरः साक्षी अस्‍ति, यत्‌ मया भवदभ्‍यः लिखितम्‌ तत्‌ सत्‍यमस्‍ति।

²¹अस्‍य पश्‍चात्‌ अहं सीरियायां किलिकियां च अगच्‍छम्‌।

²²तस्‍मिन्‌ समये यहूदाप्रदेशस्‍य मसीहीकलीसियाः मां व्‍यक्‍तिगतरूपे न जानन्‍ति स्‍म ।

²³ताः एतावत्‌ अशृण्‍वन्‌, यः जनः अस्‍मासु अत्‍याचारं करोति स्‍म, सः ईदानीं तस्‍य विश्‍वासस्‍य प्रचारं करोति, यस्‍य सः सर्वनाशं कर्तुम्‌ इच्‍छति स्‍म,

²⁴ताः मम कारणात्‌ परमेश्‍वरस्‍य स्‍तुतिं कुर्वन्‍ति स्‍म।