Read Sanskrit गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 2 Bible Online

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 2 - Sanskrit bible

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 2

¹अस्‍य चतुर्दशवर्षस्‍य पश्‍चात्‌ अहं बरनबासेन सह पुनः येरुसलेमनगरम्‌ अगच्‍छम्‌। मया सह तीतुसः अपि आसीत्‌।

²परमेश्‍वरः मयि प्रकटतिवान्‌ यत्‌ मया गन्‍तव्‍यम्‌। तेषां समक्षे अर्थात्‌ प्रतिष्‍ठितजनानां समक्षे एकान्‍ते सः शुभसमाचारः मया प्रस्‍तुतः, यस्‍य प्रचारः अहं देवपूजकानां मध्‍ये करोमि, येन ईदृशः न भवेत्‌ यत्‌ मम परिश्रमः व्‍यर्थः भवेत्‌।

³मया सह आगतः यूनानी तीतुसः शिश्‍नच्‍छेदनाय बाध्‍यः न कृतः।

⁴अयं प्रश्‍नः तेषाम्‌ अविश्‍वासिनाम्‌ भ्रातॄणाम्‌ कारणात्‌ उत्‍थितः, ये अनाधिकारात्‌ एव गुप्‍तरूपे प्रविश्‍य मसीहेन प्राप्‍तां मम स्‍वतंत्रतां हर्तुम्‌, मां दासं कर्तुम्‌ च इच्‍छन्‍ति स्‍म।

⁵वयं तेषां समक्षे क्षणमात्रम्‌ अपि न अनमाम। अस्‍य शुभसमाचारस्‍य सत्‍यं भवद्‌भ्‍यः पूर्णरूपे स्‍थातुम्‌ ऐच्‍छाम। अहम्‌ इतरयहूदिनां पापीवंशजः भूत्‍वा जन्‍मनः यहूदी अस्‍मि। तथापि जानामि यत्‌ मनुष्‍यः संहितायाः कर्मकांडेन नहि, अपितु येशुमसीहे विश्‍वासेन पापमुक्‍तः भवति।

⁶अतएव ये जनाः प्रतिष्‍ठिताः अमन्‍यन्‍त - तेषां महत्‍वस्‍य मम चिन्‍ता नास्‍ति; यतः परमेश्‍वरः केनापि सह पक्षपातं न करोति, ते प्रतिष्‍ठितजनाः मह्‌यम्‌ नूतननिर्देशान्‌ न अददुः।

⁷अस्‍य विपरीतं तेषां मतानुसारम्‌ अहं तथैव मूर्तिपूजकानां मध्‍ये शुभसमाचारस्‍य प्रचाराय प्रेषितः अस्‍मि, यथा पतरसः यहूदिनाम्‌ मध्‍ये। परमेश्‍वरः पतरसस्‍य इव मह्‌यम्‌ अपि धर्मप्रचारकस्‍य शक्‍तिम्‌ अददात्‌।

⁹कलीसियायाः स्‍तम्‍भाः - याकूबः, कैफ़सः, योहनः च मम इमं वरम्‌ अजानन्‌। ते मां, बरनबासं च स्‍व सहयोगिनौ मत्‍वा मम हस्‍ते स्‍व दक्षिणं हस्‍तम्‌ अददुः। ते अस्‍मिन्‌ विषये सहमताः आसन्‌, यत्‌ अहम्‌ देवपूजकानां मध्‍ये गच्‍छेयम्‌, ते च यहूदिनां मध्‍ये।

¹⁰तेषाम्‌ आग्रहः आसीत्‌ यत्‌ मया दरिद्राः न उपेक्षितव्‍याः, अयं मम अपि इच्‍छा आसीत्‌।

¹¹यदा कैफसः अन्‍ताकियाप्रदेशम्‌ आगच्‍छत्‌, तदा मया तस्‍य मुखे एव तस्‍य विरोधः कृतः; यतः सः अनुचितमार्गे आसीत्‌।

¹²सः सर्वप्रथमं देवपूजकैः सह अखादत्‌, किन्‍तु यदा याकूबात्‌ केचित्‌ जनाः आगच्‍छन्‌, लिंगाग्रचर्मछेदितयहूदिनां भयात्‌ तेभ्‍यः पृथकः अतिष्‍ठत्‌।

¹³अन्‍याः यहूदिनः अपि तस्‍य इव दांभिकाः अभवन्‌, अन्‍ययहूदिभिः सह बरनबासः अपि सन्‍मार्गात्‌ पृथकः अभवत्‌।

¹⁴अहम्‌ अपश्‍यम्‌ यत्‌ तेषाम्‌ आचरणं शुभसमाचारसत्‍यस्‍य इव नास्‍ति, तदा सर्वेषां समक्षे मया कैफसः कथितः, “यदि भवान्‌, यः जन्‍मनः यहूदी, तथापि यहूदिनाम्‌ आचारस्‍य अनुसारं नहि, वरन्‌ इतरयहूदिनाम्‌ आचारस्‍य अनुसारम्‌ एव आचारयति, तदा यहूदिनाम्‌ आचारं ग्रहणाय, देवपूजकाः स्‍वतंत्राः सन्‍ति, त्‍वया अस्‍य कृते बलप्रयोगः न कर्तव्‍यः।”

¹⁵वयं देवपूजकानां दुष्‍टवंशजाः न, परन्‍तु जन्‍मनः यहूदी स्‍मः।

¹⁶वयं जानीम यत्‌ मनुष्‍यः संहितायाः कर्मकांडेण नहि, अपितु येशुमसीहे विश्‍वासेन पापमुक्‍तः भवति। अतएव मया येशुमसीहे विश्‍वासः कृतः, येन मह्‌यम्‌ संहितायाः कर्मकांडेण नहि, अपितु मसीहे विश्‍वासेन पापात्‌ मुक्‍तिः लभेत, यतः संहितायाः कर्मकांडेण कस्‍मै अपि पापमुक्‍तिः न लभते।

¹⁷यदि वयं, ये मसीहेन पापमुक्‍तिम्‌ इच्‍छामः, (संहितायाः अवज्ञायाः कारणात्‌) पापिनः प्रमाणिताः, तदा किम्‌ अस्‍य निष्‍कर्षः अयमस्‍ति यत्‌ मसीहेन पापम्‌ वर्द्धते? कदापि न।

¹⁸मया यानि वस्‍तुनि विनष्‍टानि, यदि तानि पुनः निर्मायन्‍ते, तदा स्‍वयम्‌ अपराधी अस्‍मि;

¹⁹यतः संहितायाः अनुसारम्‌ अहम्‌ अम्रिये, येन अहं परमेश्‍वराय पुनः जीवितः भवेयम्‌। अहं मसीहस्‍य सह क्रूसकाष्‍ठे अम्रिये।

²⁰इदानीम्‌ अहम्‌ जीवितः न अस्‍मि, वरन्‌ मसीहः मयि जीवितः अस्‍ति। इदानीम्‌ अहम्‌ स्‍वशरीरे यत्‌ जीवनं जीवामि, तस्‍य एकमात्रः प्रेरणास्रोतः-परमेश्‍वरस्‍य पुत्रे विश्‍वासः, यः मां अलाडयत्‌, मह्‌यम्‌ च स्‍वम्‌ अर्पितवान्‌।

²¹अहम्‌ परमेश्‍वरस्‍य अनुग्रहस्‍य तिरस्‍कारं कर्तुम्‌ न शक्‍नोमि। यदि संहितया पापमुक्‍तिः संभवा, तदा मसीहः व्‍यर्थः एव अम्रियत।