Read Sanskrit गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 4 Bible Online

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 4 - Sanskrit bible

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 4

¹मम कथनस्‍य अभिप्रायः अयमस्‍ति-यदा उत्तराधिकारी अवयस्‍यकः अस्‍ति, सः समस्‍तसम्‍पत्तेः स्‍वामी भवन्‌ अपि दासात्‌ भिन्‍नः नास्‍ति।

²सः पित्रा निर्धारितं समयं यावत्‌ अभिभावकानां गृहप्रबन्‍धकानाम्‌ च अधीने अस्‍ति।

³इत्‍थम्‌ यावत्‌ वयम्‌ अवयस्‍काः स्‍मः, तावत्‌ संसारस्‍य तत्‍वानाम्‌ अधीने स्‍मः,

⁴परन्‍तु समये व्‍यतीते सति परमेश्‍वरः स्‍वपुत्रं प्रेषितवान्‌। सः एकनारयाः उत्‍पन्‍नः भूत्‍वा संहितायाश्‍च अधीने आसीत्‌,

⁵येन सः संहितायाः अधीनस्‍थान्‌ जनान्‌ मोचयितुं समर्थः भवेत्‌, वयं परमेश्‍वरस्‍य दत्तकपुत्राः भवेम।

⁶भवन्‍तः पुत्राः एव सन्‍ति। अस्‍य प्रमाणमस्‍ति यत्‌ परमेश्‍वरः अस्‍माकं हृदयेषु स्‍व पुत्रस्‍य आत्‍मानम्‌ प्रेषितवान्‌, यः उच्‍चस्‍वरेण कथयति-अब्‍बः! पितः!

⁷अतएव इदानीं भवन्‍तः दासाः नहि, पुत्राः सन्‍ति, अतएव परमेश्‍वरस्‍य कृपया दायादस्‍य अधिकारिणः अपि सन्‍ति।

⁸यदा पूर्वम्‌ भवन्‍तः परमेश्‍वरं न अजानन्‌, तदा ईदृशीनां देवतानाम्‌ दासतां स्‍वीकुर्वन्‍ति स्‍म, ये वास्‍तविकरूपे देवाः न सन्‍ति।

⁹किन्‍तु इदानीं परमेश्‍वरं भवन्‍तः जानन्‍ति, इदं वक्‍तुं शक्‍यते, परमेश्‍वरः भवतः स्‍वीकृतवान्‌। तदा भवन्‍तः कथं पुनः तेषाम्‌ अशक्‍तानां आसारतत्‍वानां च शरणं ग्रहीष्‍यन्‍ति? किं भवन्‍तः पुनः तेषां दासतां स्‍वीकर्तुम्‌ इच्‍छन्‍ति?

¹⁰भवन्‍तः विशेषदिनं, मासं, ऋतुं वर्षम्‌ च महत्‍वं ददति।

¹¹यदा-कदा मम आशंका भवति-यत्‌ भवतां मध्‍ये मया व्‍यर्थः परिश्रमः कृतः।

¹²भ्रातरः स्‍वसारः च! भवन्‍तः मम इव भवन्‍तु, यथा अहं भवताम्‌ इव अभवम्‌ - अयं मम अनुरोधः अस्‍ति। भवद्‌भिः मया सह कोऽपि अन्‍यायः न कृतः।

¹³भवन्‍तः जानन्‍ति यत्‌ अस्‍वास्‍थ्‍यस्‍य कारणात्‌ प्रथमवारं भवद्‌भ्‍यः शुभसमाचारं श्रावयितुम्‌ अवसरः प्राप्‍तः।

¹⁴यद्यपि अहं स्‍वशरीरस्‍य दुर्बलतायाः कारणात्‌ भवद्‌भ्‍यः दुर्वहः अभवम्‌, तथापि भवन्‍तः मम तिरस्‍कारं न कृतवन्‍तः, न घृणायाः भावं प्रदर्शितवन्‍तः, परन्‍तु मम स्‍वागतं कृत्‍वा माम्‌ परमेश्‍वरस्‍य दूतम्‌, स्‍वयं येशुमसीहम्‌ अमन्‍यन्‍त।

¹⁵तदानीं भवन्‍तः स्‍वधन्‍याः अमन्‍यन्‍त। इदानीं भवतां सः मनोभावः कुत्र गतवान्‌? अहं भवतां विषये अयं वक्‍तुं समर्थः यदि संभवः अभविष्‍यत्‌, स्‍वनेत्राणि मह्यम्‌ अदास्‍यन्‌।

¹⁶इदानीं किं सत्‍यवचनकारणात्‌ भवतां शत्रुः अभवम्‌?

¹⁷ये भवताम्‌ कृपापात्रं भवितुं यतन्‍ते, तेषाम्‌ उद्देश्‍यः हितकरः नास्‍ति। ते भवतः मत्‌ पृथककर्तुम्‌ इच्‍छन्‍ति, येन भवन्‍तः तेषाम्‌ अनुयायिनः भवन्‍तु।

¹⁸अहं त्‍वया सह विद्यमानः भवेयम्‌ वा न, अयं प्रसन्‍नतायाः विषयः यत्‌ जनाः प्रतिक्षणं भवतां कृपाम्‌ इच्‍छन्‍ति, परन्‍तु उद्देश्‍यः दुष्‍टः न भवितव्‍यः।

¹⁹मम प्रियबालकाः! यावत्‌ युष्‍मासु मसीहस्‍य स्‍वरूपः न अस्‍ति, तावत्‌ भवद्‌भ्‍यः पुनः अहं प्रसवपीड़ां सहे।

²⁰मम हार्दिका इच्‍छा भवतां मध्‍ये निवसाय भवति, येन उपयुक्‍तभाषायाः प्रयोगं कृत्‍वा वदेयम्‌; यतः इदानीं न जानामि किं वदिष्‍यामि।

²¹यूयं, ये संहितायाः अधीने स्‍थातुम्‌ इच्‍छथ, मां कथयत-किं यूयं न शृणुथ यत्‌ संहिता किं वदति?

²²तस्‍याम्‌ लिखितमस्‍ति यत्‌ इब्राहीमस्‍य द्वौ पुत्रौ आस्‍ताम्‌ - एकः दास्‍याः, एकश्‍च स्‍वतंत्रपत्‍न्‍याः।

²³दास्‍याः पुत्रस्‍य जन्‍म प्रकृत्‍याः अनुसारमभवत्‌, परन्‍तु स्‍वतंत्रपत्‍न्‍याः पुत्रस्‍य जन्‍म प्रतिज्ञायाः अनुसारम्‌।

²⁴एतेषां वचनानां एकः लाक्षणिकः अर्थः अस्‍ति। ते स्‍त्रियौ द्वयोः विधानयोः प्रतीके स्‍तः। एका सीनईपर्वतस्‍य विधानं, दासतायै सन्‍ततिम्‌ उत्‍पादयति-इयं हागार अस्‍ति,

²⁵यतः तस्‍याः सीनईपर्वतः अरबदेशे विद्‌यते। सा वर्तमानयेरुसलेमस्‍य प्रतीका अस्‍ति, यतः येरुसलेमः स्‍व संतत्‍या सह दासतायाः अधीने वर्तते।

²⁶परन्‍तु दिव्‍यः येरुसलेमः स्‍वतंत्रः अस्‍ति। सा एव अस्‍माकं माता,

²⁷यतः लिखितमस्‍ति- वन्‍ध्‍ये! त्‍वया कदापि पुत्रः न जनितः इदानीं प्रसन्‍ना भव। त्‍वं प्रसवपीड़ायाः अनुभवं न कृतवती, उल्‍लासस्‍य गीतं गाय; यतः विवाहितायाः अपेक्षा परित्‍यक्‍तायाः अधिकाः पुत्राः भविष्‍यन्‍ति।

²⁸भ्रातरः! इसहाकस्‍य इव भवतां जन्‍म अपि प्रतिज्ञायाः अनुसारम्‌ अभवत्‌, यस्‍य जन्‍म प्रकृत्‍याः अनुसारम्‌ अभवत्‌ सः तस्‍मिन्‌ अत्‍याचारं करोति स्‍म, यस्‍य जन्‍म आत्‍मनः अनुसारम्‌ अभवत्‌। इदानीम्‌ अपि एवं भवति;

³⁰परन्‍तु धर्मग्रन्‍थः किं वदति? “दासीं, तस्‍य पुत्रं च गृहात्‌ बहिकरोतु। दास्‍याः पुत्रः स्‍वतंत्रपत्‍न्‍याः पुत्रेण सह उत्तराधिकारी न भविष्‍यति।”

³¹अतएव भ्रातरः! वयं दास्‍याः नहि अपितु स्‍वतंत्रपत्‍न्‍याः सन्‍ततिः स्‍मः।