Read Sanskrit गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 5 Bible Online

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 5 - Sanskrit bible

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 5

¹मसीहेन स्‍वतंत्राः भवितुं वयं निर्मिताः स्‍मः, अतएव भवन्‍तः दृढ़ाः भवन्‍तु पुनः दासतायाः योक्‍त्रे न संश्‍लिष्‍टाः भवेयुः।

²अहं, पौलुसः, भवतः वदामि लिंगाग्रचर्मछेदनेन भवद्‌भ्‍यः मसीहेन कोऽपि लाभः न भवेत्‌।

³अहं लिंगाग्रचर्मछेदनकारयितारं प्रत्‍येकं पुनः वदामि यत्‌ तेन समस्‍तसंहितायाः पालनं कर्तव्‍यमस्‍ति।

⁴यदि भवन्‍तः स्‍व धार्मिकतायै संहितायां निर्भराः भवितुम्‌ इच्‍छन्‍ति, तदा भवन्‍तः मसीहात्‌ संबंधविच्‍छेदं कृतवन्‍तः, परमेश्‍वरस्‍य कृपायाः रहिताः अभवन्‌।

⁵अहं तस्‍याः धार्मिकतायाः तीव्राभिलाषां करोमि, या विश्‍वासे आधारिता अस्‍ति, आत्‍मना प्राप्‍यते।

⁶यदि वयम्‌ ईसामसीहेन संयुक्‍ताः स्‍म तदा न लिंगाग्रचर्मछेदनस्‍य कोऽपि महत्‍वम्‌ अस्‍ति, न तु तस्‍य अभावस्‍य। महत्‍वः विश्‍वासस्‍य अस्‍ति, यः प्रेम्‍ना अनुप्रेरितः भवति।

⁷भवतां प्रगतिः सराहनीया आसीत्‌। केन भवन्‍तः सत्‍यस्‍य मार्गे चलितुं अवरुद्धाः?

⁸सः जनः यमपि तर्कम्‌ अददात्‌, सः तर्कः परमेश्‍वरात्‌ न आगच्‍छत्‌, यः भवतः आह्‌वयति।

⁹स्‍मरन्‍तु, अल्‍पः किण्‍वः समस्‍तं पिष्‍टम्‌ गोधूमचूर्णम्‌ किण्‍वयति।

¹⁰मां प्रभौ भवत्‍सु आशा अस्‍ति यत्‌ भवन्‍तः विचलिताः न भविष्‍यन्‍ति। यः जनः भवत्‍सु अशान्‍तिम्‌ उत्‍पादयति, सः कोऽपि भवेत्‌, परमेश्‍वरस्‍य दंडस्‍य भागी अवश्‍यमेव भविष्‍यति।

¹¹भ्रातरः! यदि इदानीं यावत्‌ लिंगाग्रचर्मछेदनस्‍य प्रचारः मया कृतः, तदा मयि इदानीं यावत्‌ अत्‍याचारः किं क्रियते? यदि अहम्‌ एवम्‌ अकरिष्‍यम्‌, तदा क्रूसस्‍य कारणात्‌ अपराधः समाप्‍तः अभविष्‍यत्‌।

¹²उत्तमः अयं यत्‌ ये भवत्‍सु अशान्‍तिम्‌ उत्‍पादयन्‍ति, ते स्‍वयं नंपुसकाः भवन्‍तु।

¹³भ्रातरः! स्‍वसारः च! भवन्‍तः जानन्‍ति यत्‌ भवन्‍तः स्‍वतंत्राः भवितुम्‌ आहूताः सन्‍ति। भवन्‍तः सतर्काः तिष्‍ठन्‍तु, अन्‍यथा इयं स्‍वतंत्रता भोगविलासस्‍य कारणं भविष्‍यति। भवन्‍तः प्रेम्‍ना परस्‍परस्‍य सेवेरन्‌,

¹⁴यतः एकाज्ञायां समस्‍ता संहिता निहिता अस्‍ति, “सा इयमस्‍ति स्‍व प्रतिवेशिनः स्‍व इव प्रेम करोतु।”

¹⁵यदि भवन्‍तः परस्‍परं कर्तितुम्‌ इच्‍छुकाः, तदा सतर्काः तिष्‍ठन्‍तु, कदाचित्‌ परस्‍परस्‍य सर्वनाशः एव न भवेत्‌।

¹⁶अहं वक्‍तुम्‌ कामः अस्‍मि-यदि भवन्‍तः आत्‍मनः प्रेरणायाः अनुसारं चलिष्‍यन्‍ति, तदा शरीरस्‍य वासनाः तृप्‍ताः न भविष्‍यन्‍ति।

¹⁷शरीरं तु आत्‍मनः विरुद्धे इच्‍छति, आत्‍मा शरीरस्‍य विरुद्धे। इमे परस्‍परस्‍य विरोधिनौ स्‍तः। अतएव भवन्‍तः यत्‌ इच्‍छन्‍ति तत्‌ कर्तुम्‌ असमर्थाः।

¹⁸यदि भवन्‍तः आत्‍मनः प्रेरणायाः अनुसारं चलन्‍ति, तदा संहितायाः अधीने न सन्‍ति।

¹⁹शरीरस्‍य कुकार्याणि प्रत्‍यक्षानि सन्‍ति-व्‍यभिचारः, अशुद्धता, लम्‍पटता,

²⁰मूर्तिपूजा, तन्‍त्रमन्‍त्राः, द्वेषः, मतभेदः, ईर्ष्‍या, क्रोधः, स्‍वार्थपरता, मनमुटावः, कलहः,

²¹द्वेषः, हिंसा, मदिरापानम्‌, पानगोष्‍ठीसुखम्‌ आदयः, अस्‍य प्रकारस्‍य अन्‍याः विषयाः। अहं भवतः वदामि यथा मया पूर्वम्‌ उक्‍तम्‌-ये ईदृशस्‍य आचरणं कुर्वन्‍ति, ते परमेश्‍वरस्‍य राज्‍यस्‍य अधिकारिणः न भविष्‍यन्‍ति।

²²परन्‍तु आत्‍मनः फलम्‌ अस्‍ति-प्रेम, आनन्‍दः, शान्‍तिः, सहनशीलता, भ्रातृप्रेम, दयालुता, हितकामना, सत्‍यता,

²³नम्रता, संयमश्‍च एतेषां विरुद्धे कापि विधिः नास्‍ति।

²⁴ये जनाः येशोः मसीहस्‍य सन्‍ति, ते वासनाभिः कामनाभिश्‍च सह स्‍व, शरीरं क्रूसकाष्‍ठे आरोपितवन्‍तः

²⁵यदि अस्‍मभ्‍यम्‌ आत्‍मनः जीवनं प्राप्‍तम्‌, तदा वयम्‌ आत्‍मनः अनुरूपं जीवनं यापेम।

²⁶अस्‍माभिः मिथ्‍याभिमानिनः न भवितव्‍यम्‌, परस्‍परं ईर्ष्‍या न कर्तव्‍या।