Read Sanskrit गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 6 Bible Online

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 6 - Sanskrit bible

गलातियाप्रदेशस्‍य कलीसियानाम्‌ नाम्‍नि साधोः पौलुसस्‍य पत्रम्‌ 6

¹भ्रातरः! यदि इदं स्‍पष्‍टं भवेत्‌ यत्‌ केन अपराधः कृतः, तदा भवन्‍तः, ये आध्‍यात्‍मिकाः सन्‍ति, तं नम्रतापूर्वकम्‌ सन्‍मार्गे आनयन्‍तु। भवन्‍तः स्‍वयम्‌ अप्रभत्ताः तिष्‍ठन्‍तु, येन प्रलोभने न पतन्‍तु।

²ईदृशं गुरुभारं वोढुम्‌ परस्‍परस्‍य साहाय्‍यं कुर्वन्‍तु।

³यतः कोऽपि मन्‍यते यत्‌ अहं सर्वम्‌ अस्‍मि-इदं सत्‍यं, सः अल्‍पम्‌ अपि नास्‍ति, सः स्‍वम्‌ वंचयति।

⁴प्रत्‍येकेन स्‍व आचरणं द्रष्‍टव्‍यम्‌। यदि सः अभिमानं कर्तुम्‌ शक्‍नोति, तदा सः अन्‍यस्‍य कार्ये न, अपितु स्‍व ऊपरि गर्वम्‌ कर्तुम्‌ शक्‍नोति;

⁵यतः प्रत्‍येकेन स्‍वभारः वोढव्‍यः।

⁶यः धर्मवचनस्‍य शिक्षां प्राप्‍नोति, सः स्‍व उत्तमवस्‍तुषु स्‍वशिक्षकं सहभागिनं करोतु।

⁷वत्र्चनायां मा पततु। परमेश्‍वरस्‍य उपहासः न कर्तुम्‌ शक्‍यते। मनुष्‍यः यत्‌ वपति तत्‌ एव कर्तयति।

⁸यः स्‍व शरीरस्‍य भूमौ वपति, सः स्‍व शरीरस्‍य भूमौ विनाशस्‍य शस्‍यं कर्तयिष्‍यति, परन्‍तु यः आत्‍मनः भूमौ वपति, सः अनन्‍तजीवनस्‍य शस्‍यं कर्तयिष्‍यति। वयं परोपकारे पराजिताः न भवेम।

⁹यदि वयं दृढाः स्‍थास्‍यामः, तदा आगामी निश्‍चितसमये अवश्‍यं शस्‍यं कर्तयिष्‍यामः।

¹⁰अतएव यावत्‌ अस्‍मभ्‍यम्‌ समयः लभते अस्‍माभिः सर्वेषां परोपकारः कर्तव्‍यः; विशेषरूपेण तेभ्‍यः ये विश्‍वासकारणात्‌ अस्‍माकं संबंधिनः सन्‍ति।

¹¹एतान्‌ अक्षरान्‌ पश्‍य-मया स्‍व हस्‍तेन लिख्‍यन्‍ते।

¹²ये लिंगाग्रचर्मछेदनाय भवतः पीडयन्‍ति, ते संसारस्‍य लोकप्रियताम्‌ अर्जनाय इच्‍छन्‍ति। एवं न भवेत्‌ मसीहस्‍य क्रूसस्‍य कारणात्‌ तेषाम्‌ ऊपरि अत्‍याचारः भवेत्‌।

¹³यतः ये जनाः स्‍व लिंगाग्रचर्मछेदनं कारयन्‍ति, ते स्‍वयं संहितायाः पालनं न कुर्वन्‍ति, वरन्‌ ते भवतां लिंगाग्रचर्मछेदनं कारयितुम्‌ इच्‍छन्‍ति, येन अस्‍मिन्‌ विषये अभिमानं कर्तुम्‌ शक्‍नुवन्‍तु, यत्‌ भवन्‍तः स्‍वशरीरे इमां धर्मविधिं स्‍वीकृतवन्‍तः।

¹⁴अहं केवलम्‌ अस्‍माकं प्रभोः येशोःमसीहस्‍य क्रूसकाष्‍ठे अभिमानं करोमि। तस्‍य कारणात्‌ संसारः मम दृष्‍टौ क्रूसितः अभवत्‌ अहं च संसारस्‍य दृष्‍टौ अम्रिये।

¹⁵कस्‍यचित्‌ अपि लिंगाग्रचर्मछेदनम्‌ अभवत्‌ वा न, अस्‍य कोऽपि महत्‍वः नास्‍ति। महत्‍वः तु अस्‍य अस्‍ति यत्‌ वयं पूर्णरूपेण नूतना सृष्‍टिः भवेम।

¹⁶अस्‍य सिद्धान्‍तस्‍य अनुसरणम्‌ कर्तॄभ्‍यः, परमेश्‍वरस्‍य “इस्राएलेभ्‍यश्‍च” शान्‍तिः दया च लभेत।

¹⁷इतःपरं कोऽपि मह्‌यम्‌ कष्‍टं न ददातु। येशोः मसीहस्‍य चिन्‍हानि मम शरीरे अंकितानि सन्‍ति।

¹⁸भ्रातरः! स्‍वसारः च! अस्‍माकं प्रभोः येशुमसीहस्‍य कृपा भवताम्‌ ऊपरि तिष्‍ठतु। तथास्‍तु।