Read Sanskrit इफिसुसनगरस्‍य कलीसियायाः नाम्‍नि साधोः पौलुसस्‍य पत्रम्‌ 1 Bible Online

इफिसुसनगरस्‍य कलीसियायाः नाम्‍नि साधोः पौलुसस्‍य पत्रम्‌ 1 - Sanskrit bible

इफिसुसनगरस्‍य कलीसियायाः नाम्‍नि साधोः पौलुसस्‍य पत्रम्‌ 1

¹इफिसुसनगरस्‍य सिद्धपुरुषानाम्‌, येशुमसीहे च विश्‍वासिनाम्‌ नाम्‍नि पौलुसस्‍य पत्रम्‌ यः परमेश्‍वरेण येशोः मसीहस्‍य प्रेरितः नियुक्‍तः अस्‍ति।

²अस्‍माकं पिता परमेश्‍वरः, प्रभुः येशुःमसीहश्‍चभवद्‌भ्‍यः अनुग्रहम्‌ शान्‍तिम्‌ च दद्‌यात्‌।

³धन्‍यः अस्‍ति परमेश्‍वरः अस्‍माकं प्रभोः येशोःमसीहस्‍य ईश्‍वरश्‍च पिता! सः मसीहेन अस्‍मभ्‍यम्‌ स्‍वर्गस्‍य सर्वप्रकारस्‍य आध्‍यात्‍मिकवरान्‌ अयच्‍छत्‌।

⁴सः संसारस्‍य सृष्‍टेः प्राक्‌ एव मसीहे अस्‍मान्‌ चयनितवान्‌, येन वयं मसीहेन संयुक्‍ताः भूत्‍वा तस्‍य दृष्‍टौ पवित्राः निष्‍कलंकाश्‍च भवेम।

⁵सः प्रेम्‍ना प्रेरिताः भूत्‍वा आदौ एव निर्धारितवान्‌ यत्‌ वयं येशुमसीहेन तस्‍य दत्तकाः पुत्राः भवेम। इत्‍थम्‌ स्‍व मंगलमयी इच्‍छानुसारं स्‍वानुग्रहस्‍य महिमानं प्रकटितवान्‌।

⁶सः अनुग्रहः अस्‍मभ्‍यम्‌ तस्‍य प्रियपुत्रेण प्राप्‍तः,

⁷यः स्‍व रक्‍तेन अस्‍मभ्‍यम्‌ मुक्‍तिः, अर्थात्‌ अपराधानां क्षमां दापयति। अयं परमेश्‍वरस्‍य अपारकृपायाः परिणामः

⁸अस्‍ति, येन सः अस्‍म्‍भ्‍यम्‌ प्रज्ञां बुद्धिं च ददाति।

⁹सः स्‍व मंगयमयी इच्‍छायाः अनुसारं निश्‍चितवान्‌ यत्‌ समये पूर्णे सति, स्‍वर्गे पृथ्‍व्‍यां च यत्‌ किंचित्‌ अस्‍ति, तत्‌ सर्वम्‌ मसीहस्‍य अधीने कृत्‍वा एकतायां भन्‍त्‍स्‍यति। सः स्‍व संकल्‍पस्‍य इमं रहस्‍यम्‌ अस्‍माकम्‌ ऊपरि प्रकटितवान्‌।

¹¹परमेश्‍वरः सर्वेषु वचनेषु स्‍व मनसः योजनां पूरयति। स्‍व उद्देश्‍यस्‍य अनुसारम्‌ सः निर्धारितवान्‌ यत्‌ वयं मसीहे उत्तराधिकारम्‌ आप्‍नुयाम। अस्‍माकं कारणात्‌ तस्‍य महिम्‍नः स्‍तुतिः भवेत्‌। अस्‍माकं सर्वप्रथमः आशाबंधः तु मसीहे आसीत्‌।

¹³भवन्‍तः अपि सत्‍यस्‍य वचनं स्‍व मुक्‍तेः शुभसमाचारं श्रवणस्‍य पश्‍चाते एव मसीहे विश्‍वासम्‌ अकुर्वन्‌, यूयं तस्‍य पवित्रात्‍मना मिुद्रताः, यस्‍य प्रतिज्ञा कृता आसीत्‌।

¹⁴स अस्‍मभ्‍यम्‌ उत्तराधिकारस्‍य अग्रिमराशेः रूपे दत्तः अस्‍ति, यत्‌ सम्‍पूर्णतायाः पश्‍चात्‌ अस्‍माकम्‌ पूर्णविमोचनम्‌ भवेत्‌। येन परमेश्‍वरस्‍य महिमा तथा स्‍तुतिः भवेत्‌।

¹⁵मया प्रभौ येशौ मसीहे भवताम्‌ विश्‍वासः, सर्वसाधुजनान्‌ प्रति भवतां भ्रातृप्रेम श्रुतम्‌। अहं

¹⁶भवताम्‌ कारणात्‌ परमेश्‍वरं निरन्‍तरं धन्‍यवादं ददामि, स्‍व प्रार्थनासु भवतां स्‍मरामि।

¹⁷महिमामयः पिता, अस्‍माकं प्रभोः येशोः मसीहस्‍य परमेश्‍वरः, भवद्‌भ्‍यः प्रज्ञाम्‌ आध्‍यात्‍मिकदृष्‍टिं च ददातु, येन भवन्‍तः तं पूर्णरूपेण जानन्‍तु।

¹⁸सः भवतां मनसः चक्षुभ्‍यां ज्‍योतिं प्रदातु, येन भवन्‍तः इदं पश्‍येयुः यत्‌ तेन आहूताः, भवताम्‌ आशा कियती महती अस्‍ति, साधुपुरुषैः सह भवद्‌भ्‍यः यः उत्तराधिकारः प्राप्‍तः, सः कियत्‌ वैभवपूर्णः, महिमामयश्‍च अस्‍ति, परमेश्‍वरस्‍य सामर्थ्‍यः कियत्‌ अपारः अस्‍ति।

²⁰परमेश्‍वरः मसीहे सः एव सामर्थ्‍यम्‌ प्रदर्शितवान्‌, यदा सः मृतकेषु तं पुनर्जीवितम्‌ अकरोत्‌, स्‍वर्गे स्‍व वामेतरे उपवेशयत्‌।

²¹स्‍वर्गे कियत्‌ एव प्राणिनाम्‌ उपस्‍थितिः भवेत्‌, तेषां नामानि महान्‍तः किं न भवेयुः, तेषां सर्वेषाम्‌ ऊपरि परमेश्‍वरः अस्‍य युगाय, आगामी युगाय च, मसीहाय स्‍थानम्‌ अददात्‌।

²²सः सर्वम्‌ मसीहस्‍य पादयोः अधः स्‍थापितवान्‌, तस्‍मै सर्वेषाम्‌ ऊपरि अधिकारं दत्‍वा कलीसियायाः शीर्षः नियुक्‍तवान्‌।

²³कलीसिया मसीहस्‍य शरीरं तस्‍य परिपूर्णता च अस्‍ति। मसीहः सर्वम्‌, सर्वप्रकारेण, पूर्णतां यावत्‌ नयति।