Read Sanskrit इफिसुसनगरस्‍य कलीसियायाः नाम्‍नि साधोः पौलुसस्‍य पत्रम्‌ 2 Bible Online

इफिसुसनगरस्‍य कलीसियायाः नाम्‍नि साधोः पौलुसस्‍य पत्रम्‌ 2 - Sanskrit bible

इफिसुसनगरस्‍य कलीसियायाः नाम्‍नि साधोः पौलुसस्‍य पत्रम्‌ 2

¹भवन्‍तः स्‍व अपराधैः पापैश्‍च अम्रियन्‍त;

²यतः भवताम्‌ आचरणं सर्वप्रथमं अस्‍य संसारस्‍य रीत्‍याः अनुकूलम्‌, आकाशे विचरणशीलानाम्‌ अपदूतानां नायकस्‍य अनुकूलम्‌ आसीत्‌, तस्‍य आत्‍मनः अनुकूलमासीत्‌, यः इदानीं यावत्‌ परमेश्‍वरस्‍य विरोधिषु क्रियाशीलः अस्‍ति।

³वयं सर्वे पूर्वम्‌ तेषु विरोधिषु सम्‍मिलिताः स्‍मः, यदा वयं स्‍व वासनायाः वशे भूत्‍वा स्‍व शरीरस्‍य मनसश्‍च वासनाः तृप्‍तम्‌ अकुर्म। वयम्‌ अन्‍यानाम्‌ इव स्‍व स्‍वभावस्‍य कारणात्‌ परमेश्‍वरस्‍य कोपस्‍य पात्राः आस्‍म।

⁴परन्‍तु परमेश्‍वरस्‍य दया महती अस्‍ति। वयं स्‍व पापैः अम्रियामहि, परन्‍तु तेन वयं एतावत्‌ प्रेम कृतम्‌ यत्‌ मसीहेन सह जीवनम्‌ अलभामहि, तस्‍य कृपया अस्‍माकम्‌ उद्धारः अभवत्‌।

⁶सः येशुमसीहेन अस्‍मान्‌ पुनर्जीवितवान्‌ स्‍वर्गे च उपवेशयत्‌।

⁷तेन येशुमसीहे या दयालुता प्रदर्शिता, तया आगामीयुगेभ्‍यः स्‍वानुग्रहस्‍य असीमसमृद्धिः प्रदर्शिता।

⁸तस्‍य कृपा विश्‍वासेन भवताम्‌ उद्धारवती। अयं भवतां कस्‍यापि पुण्‍यस्‍य फलम्‌ नास्‍ति, अयं तु परमेश्‍वरस्‍य वरः अस्‍ति।

⁹अयं भवतां कस्‍यापि कर्मणः पुरस्‍कारः नहि, कुत्रचित्‌ एवं न भवेत्‌ यत्‌ कोऽपि तस्‍मिन्‌ अभिमानम्‌ कुर्यात्‌।

¹⁰परमेश्‍वरेण वयं रचिताः, येन पुण्‍यस्‍य कार्याणि कुर्याम, यानि परमेश्‍वरेण अस्‍मभ्‍यम्‌ सज्‍जीकृतानि।

¹¹भवन्‍तः जन्‍मना भिन्नजात्‍यः सन्‍ति, तैः “अलिंगाग्रचर्मछेदनाः जनाः” कथ्‍यन्‍ते, येषां शरीरे लिंगाग्रचर्मछेदनं, कृतमस्‍ति।

¹²स्‍मरन्‍तु पूर्वम्‌ भवन्‍तः मसीहात्‌ पृथकाः आसन्‌, इस्राएलस्‍य समुदयात्‌ बहिः आसन्‌, विधानस्‍य प्रतिज्ञाभिः अपरिचिताः, अस्‍मिन्‌ संसारे आशायाः वंचिताः परमेश्‍वरात्‌ च अपि रहिताः आसन्‌।

¹³भवन्‍तः प्रथमं दूराः आसन्‌, किन्‍तु येशुमसीहेन संयुक्‍ताः भूत्‍वा भवन्‍तः इदानीं मसीहस्‍य रक्‍तेन समीपे आगतवन्‍तः,

¹⁴यतः सः एव अस्‍माकं शान्‍तिः अस्‍ति। सः यहूदिनः, भिन्‍नयहूदिनः च संयुक्‍तवान्‌। द्वयोः शत्रुतायाः या भित्तिः आसीत्‌, सा ध्‍वस्‍ता, स्‍व मृत्‍युना विधिनिषेधानां संहितां निरस्‍तवान्‌। इत्‍थम्‌ यहूदिनः भिन्नदेशीयान्‌ च स्‍वेन सह संयुक्‍त्‍वा एका नूतना मानवता तेन सृष्‍टा, शान्‍तिश्‍च स्‍थापिता च।

¹⁶क्रूसेन द्वयोः एकस्‍मिन्‌ देहे परमेश्‍वरेण सह मेलनम्‌ अकारयत्‌, इत्‍थम्‌ शत्रुतां नष्‍टवान्‌।

¹⁷तत्‍पश्‍चात्‌ आगत्‍य द्वाभ्‍याम्‌ शान्‍तेः संदेशम्‌ अश्रावयत्‌ भवन्‍तः ये दूराः अभवन्‌, तान्‌ ये समीपे आसन्‌;

¹⁸यतः तेन आवाम्‌ एकेन आत्‍मना प्रेरितौ भूत्‍वा पितुः समीपे गन्‍तुं समर्थौ भविष्‍यावः।

¹⁹भवन्‍तः इदानीं परदेशिनः प्रवासिनः वा न सन्‍ति, परन्‍तु सिद्धपुरुषानां सहनागरिकाः, परमेश्‍वरस्‍य परिवारस्‍य सदस्‍याः भूताः सन्‍ति।

²⁰भवतां निर्माणः तस्‍य भवनस्‍य रूपे अभवत्‌, यः प्रेरितानां नबीनां च आधारे स्‍थितः यस्‍य कोणस्‍य पाषाणः स्‍वयं येशुमसीहः अस्‍ति।

²¹तेन समस्‍तं भवनं संघटितं भूत्‍वा प्रभवे पवित्रमन्‍दिरस्‍य रूपं धारयति।

²²तेन भवन्‍तः अपि अस्‍मिन्‌ भवने संयोजिताः सन्‍ति, येन भवन्‍तः परमेश्‍वराय एकः आध्‍यात्‍मिकनिवासः भवन्‍तु।