Read Sanskrit फिलिप्‍पीनगरस्‍य कलीसियायाः नाम्‍नि साधोः पौलुसस्‍य पत्रम्‌ 4 Bible Online

फिलिप्‍पीनगरस्‍य कलीसियायाः नाम्‍नि साधोः पौलुसस्‍य पत्रम्‌ 4 - Sanskrit bible

फिलिप्‍पीनगरस्‍य कलीसियायाः नाम्‍नि साधोः पौलुसस्‍य पत्रम्‌ 4

¹अतएव मम प्रियभ्रातरः! प्रभौ ईदृशः एव दृढ़ाः तिष्‍ठन्‍तु। प्रियभ्रातरः! मां भवद्‌भिः सह मिलितुम्‌ अत्‍यधिका इच्‍छा अस्‍ति। भवन्‍तः मम आनन्‍दाः मुकुटानि च सन्‍ति।

²अहं युओदियां सुनतुखे च द्वे स्‍वसारौ निवेदयामि, यत्‌ युवां प्रभौ संधिं कुरुताम्‌।

³सुजुगस! अहं त्‍वां, स्‍व वास्‍तविकं मित्रं, प्रार्थयामि यत्‌ त्‍वम्‌ अनयोः द्वयोः साहाय्‍यं कुरु। ये क्‍लेमेंसेन सह, तथैव अन्‍य सहयोगिभिः सह, येषाम्‌ नामानि जीवनशास्‍त्रे सन्‍ति, शुभसमाचारस्‍य प्रचारे मया सह कठिनपरिश्रमम्‌ अकुर्वाताम्‌।

⁴भवन्‍तः प्रभौ सर्वदा प्रसन्‍नाः भवन्‍तु। अहं पुनः वदामि प्रसन्‍नाः भवन्‍तु।

⁵सर्वे भवतां सौम्‍यतां जानन्‍तु। प्रभुः समीपे वर्तते।

⁶कस्‍यचित्‌ अपि विषयस्‍य चिन्‍ता न कर्तव्‍या। आवश्‍यकतायां प्रार्थयन्‍तु, विनयेन सह तथैव धन्‍यवादेन सह परमेश्‍वरस्‍य समक्षे स्‍व निवेदनं प्रस्‍तुयन्‍तु,

⁷परमेश्‍वरस्‍य शान्‍तिः या अस्‍माकं बुद्धेः परे अस्‍ति भवतां हृदयानि, विचारान्‌ च येशौ मसीहे सुरक्षिताः स्‍थापयति।

⁸भ्रातरः! अन्‍ते यत्‌ सत्‍यम्‌ अस्‍ति आदरणीयमस्‍ति, यत्‌ किंचित्‌, न्‍यायसंगतं, निर्दोषं, प्रीतिकरं, मनोहरं, उत्तमम्‌ अस्‍ति, ईदृशवचनानां चिन्‍तनं कुर्वन्‍तु।

⁹भवन्‍तः यत्‌ यत्‌ शिक्षितवन्‍तः, गृहीतवन्‍तः, अशृण्‍वन्‌, मयि अपश्‍यन्‌, तत्‌ अनुसारमेव आचरणन्‍तु। शान्‍तेः परमेश्‍वरः भवद्‌भिः सह स्‍थास्‍यति।

¹⁰मां प्रभौ अत्‍यानन्‍दः अभवत्‌, यतः मां प्रति भवतां प्रेम एतावत्‌ दिनानां पश्‍चात्‌ पुनः पल्‍लवितम्‌ जातम्‌। इतः पूर्वमपि भवतां मां प्रति चिन्‍ता आसीत्‌, परन्‍तु तां प्रकटयितुम्‌ सुअवसरः न अलभत।

¹¹मम कथनस्‍य प्रयोजनम्‌ इदं न अस्‍ति यत्‌ मह्यम्‌ कस्‍य अपि वस्‍तुनः अभावः वर्तते, परन्‍तु प्रत्‍येकपरिस्‍थितौ अहं स्‍वावलम्‍बी भवितुम्‌ अशिक्षयम्‌।

¹²अहं दरिद्रतां सम्‍पन्‍नतां च समानरूपे जानामि। परितृप्‍तिः, क्षुधा वा, समृद्धिः अभावः वा भवेत्‌ अहं सम्‍यक्‌रूपे जानामि। यः मह्यम्‌ शक्‍तिं ददाति अहं तस्‍य सहायतया एव सर्वम्‌ कर्तुम्‌ शक्‍नोमि।

¹⁴तथापि भवन्‍तः संकटे मम साहाय्‍यं कृतवन्‍तः। इदम्‌ उत्तमं कार्यम्‌ अभवत्‌।

¹⁵हे फिलिप्‍पिनः! भवन्‍तः जानन्‍ति, यत्‌ स्‍व शुभसमाचारस्‍य प्रारम्‍भे यदा अहं मकिदूनियाप्रदेशात्‌ आगच्‍छम्‌, तदा भवताम्‌ अतिरिक्‍ताः काचित्‌ अपि कलीसिया मया सह विनिमयस्‍य संबंधं न स्‍थापितवती।

¹⁶यदा अहं थिस्‍सलुनीकेनगरे आसम्‌, भवन्‍तः न केवलं सकृत्‌ परन्‍तु द्विवारं अत्‍यधिकम्‌ प्रेषितवन्‍तः।

¹⁷अहं दानं प्राप्‍तुम्‌ उत्‍सुकः न अस्‍मि, परन्‍तु उत्‍सुकः अस्‍मि भवताम्‌ संम्‍पतिः वर्धताम्‌।

¹⁸इदानीं मां कस्‍यापि वस्‍तुनः अभावः नास्‍ति, अहं सम्‍पन्‍नः अस्‍मि। इपफ्रोदितुसात्‌ भवतां प्रेषितानि वस्‍तूनि प्राप्‍त्‍वा अहं समृद्धः अस्‍मि। भवताम्‌ अयम्‌ उपहारः, एकः मधुरः सुगन्‍धः अस्‍ति, एकं सुग्राह्‌यं बलिदानं, यत्‌ परमेश्‍वराय रोचते।

¹⁹मम परमेश्‍वरः भवतः येशुमसीहेन महिमान्‍विताः कृत्‍वा उदारतापूर्वकं भवतां सर्वाम्‌ आवश्‍यकतां पूरयिष्‍यति।

²⁰अस्‍माकं पित्रे परमेश्‍वराय अनन्‍तकालं यावत्‌ महिमा! तथास्‍तु!

²¹येशोः मसीहस्‍य सहभागिने प्रत्‍येकसाधुपुरुषाय नमस्‍कारः। ये भ्रातरः मया सह सन्‍ति, सर्वे सज्‍जनाः, विशेष रूपे रोमनसम्राजः कर्मचारिणः भवतः नमस्‍कारं वदन्‍ति।

²³अस्‍माकं प्रभोः येशोः मसीहस्‍य कृपा भवत्‍सु तिष्‍ठतु।