Read Sanskrit कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 1 Bible Online

कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 1 - Sanskrit bible

कुलुस्‍सेनगरस्‍य कलीसियायाः नाम्‍नि साधोः पौलुसस्‍य पत्रम्‌ 1

¹कुलुस्‍सेनगरस्‍य सिद्धपुरुषानाम्‌ मसीहे विश्‍वासिनां भ्रातॄणां नाम्‍नि च पौलुसः, यः परमेश्‍वरेण येशोः मसीहस्‍य प्रेरितः नियुक्‍तः, भ्रातुः तिमोथिनः पत्रम्‌।

²अस्‍माकं पिता परमेश्‍वरः प्रभुः येशुः मसीहः भवद्‌भ्‍यः अनुग्रहं शान्‍तिं च ददातु।

³मया येशौ मसीहे भवतां विश्‍वासः तथा सर्वान्‌ सज्‍जनान्‌ प्रति भवतां भ्रातृप्रेम्‍नः विषयः श्रुतः। अतएव वयं भवद्‌भ्‍यः कारणात्‌ स्‍व प्रभोः येशोः मसीहस्‍य पितरं निरन्‍तरं धन्‍यवादं दद्‌मः, स्‍व प्रार्थनासु भवताम्‌ स्‍मरामः। भवतां विश्‍वासः भ्रातृप्रेम च तस्‍याम्‌ आशायाम्‌ आधारितम्‌ यत्‌ स्‍वर्गे भवद्‌भ्‍यः सुरक्षितमस्‍ति, यस्‍य विषये भवन्‍तः तदानीं अशृण्‍वन्‌, यदा सत्‍यस्‍य शुभसमाचारस्‍य संदेशः

⁶भवतां समक्षे आगतः। अयं समस्‍तसंसारे वर्द्धते। भवतां पार्श्‍वे अयं, तस्‍मात्‌ दिनात्‌ वर्धयितुम्‌ आरब्‍धवान्, यस्‍मिन्‌ दिने भवन्‍तः परमेश्‍वरस्‍य अनुग्रहस्‍य विषये अशृणवन्‌, तस्‍य सत्‍यस्‍य रहस्‍यम्‌ अजानन्‌।

⁷अस्‍माकं प्रियसहयोगिनः सेवकेन इपफ्रासेन अस्‍य शिक्षा भवद्‌भ्‍यः प्राप्‍ता। इपफ्रासः मम प्रतिनिधेः रूपे मसीहस्‍य विश्‍वासी सेवकः अस्‍ति।

⁸तेन अहं कथितं यत्‌ आत्‍मा भवत्‍सु कियत्‌ प्रेम उत्‍पादितवान्‌।

⁹यस्‍मात्‌ दिनात्‌ मया श्रुतम्‌, अहं निरन्‍तरं भवद्‌भ्‍यः प्रार्थयामि। अहम्‌ परमेश्‍वरं निवेदयामि यत्‌ सः भवद्‌भ्‍यः समस्‍तप्रज्ञाम्‌ आध्‍यात्‍मिकम्‌ अन्‍तदृष्‍टिं च ददातु, येन भवन्‍तः तस्‍य इच्‍छां पूर्णरूपे जानन्‍तु।

¹⁰इत्‍थम्‌ भवन्‍तः प्रभोः योग्‍यं जीवनं यापयित्‍वा, सर्ववचनेषु तं प्रीणयिष्‍यन्‍ति, सर्वप्रकारस्‍य परोपकारं कृत्‍वा परमेश्‍वरस्‍य ज्ञाने वर्धन्‍ताम्‌।

¹¹भवन्‍तः परमेश्‍वरस्‍य महिमामयमुक्‍तिभिः शक्‍तिं प्राप्‍त्‍वा सर्वदा दृढाः भविष्‍यन्‍ति, सर्वम्‌ आनन्‍देन सह सहिष्‍यन्‍ते

¹²पितरं धन्‍यवादं दास्‍यन्‍ति, यः भवतः अस्‍य योग्‍याः कृतवान्‌, यत्‌ भवन्‍तः ज्‍योतेः राज्‍ये निवासिनां सन्‍तानां दायभागस्‍य सहभागिनः भवन्‍तु।

¹³परमेश्‍वरः अस्‍मान्‌ अन्‍धकारस्‍य तिमिरात्‌ निष्‍कास्‍य स्‍वपुत्रस्‍य राज्‍ये अनयत्‌।

¹⁴तस्‍य पुत्रेण अस्‍माकम्‌ उद्धारः अभवत्‌, अस्‍मभ्‍यम्‌ पापानां मुक्‍तिः प्राप्‍ता।

¹⁵मसीहः अदृश्‍यस्‍य परमेश्‍वरस्‍य प्रतिरूपः, समस्‍तसृष्‍टेः ज्‍येष्‍ठः अस्‍ति;

¹⁶यतः तेन सर्वेषाम्‌ वस्‍तुनाम्‌ सृष्‍टिः अभवत्‌। सर्वम्‌ स्‍वर्गे संसारे वा भवेत्‌, दृश्‍यः, अदृश्‍यः वा भवेत्‌, स्‍वर्गदूतानां श्रेण्‍याः अपि, सर्वे तेन तस्‍मै सृष्‍टाः सन्‍ति।

¹⁷सः समस्‍तसृष्‍टेः पूर्वमेव विद्यमानः अस्‍ति। समस्‍तसृष्‍टिः तस्‍मिन्‌ स्‍थिता अस्‍ति।

¹⁸सः एव देहः अर्थात्‌ कलीसियायाः शीर्षः अस्‍ति। सः एव मूलकारणमस्‍ति, मृतकेषु सर्वप्रथमः पुनर्जीवितः, अतएव सः सर्वेषु विषयेषु सर्वश्रेष्‍ठः अस्‍ति।

¹⁹परमेश्‍वरः ऐच्‍छत्‌ तस्‍मिन्‌ सर्वप्रकारस्‍य परिपूर्णता भवेत्‌।

²⁰मसीहः क्रूसकाष्‍ठे यत्‌ रक्‍तं अवाहयत्‌, तेन परमेश्‍वरः शान्‍तिं स्‍थापितवान्‌। इत्‍थम्‌ परमेश्‍वरः तेन सर्वस्‍य, तत्‌ पृथ्‍व्‍यां, स्‍वर्गे वा भवेत्‌, स्‍वेन सह मेलनम्‌ अकारयत्‌।

²¹भवन्‍तः अपि स्‍व कुकर्मणां कारणात्‌ परमेश्‍वरात्‌ दूरे आसन्‌, भवतां मनसि परमेश्‍वरस्‍य शत्रुता पूर्णा आसीत्‌।

²²परन्‍तु इदानीं मसीहः स्‍व मरणशीलशरीरस्‍य मृत्‍युना परमेश्‍वरेण सह मेलनम्‌ अकारयत्‌, येन सः भवतः पवित्राः निर्दोषाः अनिन्‍द्याश्‍च निर्मित्‍वा परमेश्‍वरस्‍य समक्षे प्रस्‍तुयतु।

²³परन्‍तु भवद्‌भिः विश्‍वासे दृढाः ध्रुवाश्‍च भवितव्‍याः, यः भवद्‌भ्‍यः शुभसमाचारेण दापितः अस्‍ति। सः शुभसमाचारः नभसः अधस्‍य समस्‍तसृष्‍टिभ्‍यः श्रावितः अस्‍ति, अहं च पौलुसः तस्‍य सेवकः अस्‍मि।

²⁴इदानीम्‌ अहं भवद्‌भ्‍यः यान्‌ कष्‍टान्‌ प्राप्‍नोमि, तेषाम्‌ कारणात्‌ प्रसन्‍नोऽस्‍मि। मसीहः स्‍व देहाय अर्थात्‌ कलीसियायै यत्‌ दुःखम्‌ असहत, तस्‍मिन्‌ यः अभावः आसीत्‌, तम्‌ अहं स्‍व शरीरे पूरयामि।

²⁵अहम्‌ परमेश्‍वरस्‍य प्रबन्‍धस्‍य अनुसारमेव कलीसियायाः सेवकः नियुक्‍तः अस्‍मि, येन अहं भवदभ्‍यः परमेश्‍वरस्‍य रहस्‍यं श्रावयानि, यः युगान्‌ अनेकवंशान्‌ यावत्‌ च गुप्‍तः आसीत्‌, इदानीं तेषां साधुजनेभ्‍यः प्रकटितः अस्‍ति।

²⁷परमेश्‍वरः तान्‌ दर्शयितुम्‌ ऐच्‍छत्‌ यत्‌ भिन्नजातिषु अस्‍य रहस्‍यस्‍य कियती महिमामयी समृद्धिः अस्‍ति। सः रहस्‍यः अयमस्‍ति यत्‌ मसीहः भवतां मध्‍ये अस्‍ति तस्‍मिन्‌ च भवतां महिम्‍नः आशा वर्तते।

²⁸अहं तस्‍य एव मसीहस्‍य प्रचारं करोमि, प्रतिमनुष्‍याय उपदिशामि, प्रतिमनुष्‍याय पूर्णज्ञानस्‍य शिक्षयामि, येन प्रत्‍येकं मनुष्‍यं मसीहे सिद्धं कृत्‍वा तस्‍य सम्‍मुखे प्रस्‍तुतं करवाणि।

²⁹अस्‍य उद्देश्‍यस्‍य पूर्तेः हेतु अहं तस्‍य सामर्थ्‍येन, यः मयि प्रबलरूपे क्रियाशीलः अस्‍ति, प्रेरणां प्राप्‍त्‍वा अथकपरिश्रमं कुर्वन्‌ संघर्षे संलग्‍नः अस्‍मि।